San Juan 13:27 - Triqui de San Juan Copala

²⁷ Ne̱ ga̱a quisíj taꞌaa Judas rachrúún yoꞌ, ga̱a ne̱ catúj Síí Chre̱e nimán soꞌ a. Cheꞌé dan cataj Jesús rihaan soꞌ a: ―Cavi̱i̱ so̱ꞌ caꞌa̱nj so̱ꞌ cuaj qui̱ꞌyáá so̱ꞌ nda̱a vaa me rá so̱ꞌ á ―taj Jesús rihaan Judas yoꞌ a.

San Juan 13:27 Iomraidhean Croise

San Mateo 12:45

Ga̱a ne̱ ꞌanj uún nana̱ chre̱e yoꞌ, ne̱ nica̱j soꞌ ꞌó chi̱j tuviꞌ nana̱ chre̱e yoꞌ síí chiꞌi̱i̱ doj, ne̱ ꞌnaꞌ nique uún soꞌ nimán snóꞌo yoꞌ, ga̱a ne̱ ca̱yáán ta̱ranꞌ nij nana̱ chre̱e yoꞌ a. Dan me se ga̱a naá ga̱a cayáán o̱rúnꞌ nana̱ chre̱e yoꞌ, ne̱ ma̱an taꞌngaꞌ qui̱j vaa nimán snóꞌo yoꞌ, tza̱j ne̱ ga̱a namán ꞌó chi̱j nana̱ chre̱e yoꞌ, ga̱a ne̱ doj a̱ tico nana̱ chre̱e man soꞌ, ne̱ doj a̱ qui̱j vaa nimán snóꞌo yoꞌ, ꞌyaj nij nana̱ chre̱e yoꞌ na̱nj ado̱nj. ’Ne̱ ase vaa ranꞌ snóꞌo yoꞌ roꞌ, taꞌngaꞌ da̱nj quira̱nꞌ soj si̱j vaa iꞌna̱ꞌ cuano̱ si̱j naꞌvej rá cuno̱ snana̱ ꞌu̱nj ado̱nj ―taj Jesús rihaan nij síí naquiꞌyaj cu̱u stucua̱nj Moisés do̱ꞌ, rihaan nij síí fariseo do̱ꞌ a.

San Mateo 4:10

Ga̱a ne̱ cataj xnaꞌanj Jesús rihaan Síí Chre̱e a: ―Naxu̱u̱n yaníj so̱ꞌ mán so̱ꞌ, Síí Chre̱e. ꞌO̱ se Danj Yaꞌanj taj a: “Rihaan Yaꞌanj Si̱j ꞌNi̱j Raꞌa man níꞌ cara̱a̱ gue̱e̱ so̱ꞌ, ne̱ rihaan o̱rúnꞌ soꞌ cu̱nuû so̱ꞌ na̱nj á.” Da̱nj taj Danj Yaꞌanj ado̱nj ―taj Jesús rihaan Síí Chre̱e a.

San Marcos 6:25

Ga̱a ne̱ nu̱ꞌ catúj raꞌya̱nj chana̱ ya̱a̱n yoꞌ rej ma̱n síí nica̱j suun rey Herodes, ne̱ cachíín niꞌya̱j noꞌ rihaan soꞌ, cataj noꞌ a: ―Me rá ꞌu̱nj se vaa ma̱an orá cuano̱ roꞌ, caꞌne̱j so̱ꞌ cúú yave̱ Juan Síí Cutaꞌ Ne man yuvii̱ rque agaꞌ rcoꞌo̱o, ne̱ rque̱ so̱ꞌ rihanj cuaj á ―taj noꞌ a.

San Lucas 22:3

Dan me se catúj Síí Chre̱e nimán síí cuꞌna̱j Judas Iscariote, ne̱ soꞌ me se ꞌo̱ nij chuvi̱j nij síí tucuꞌyón snana̱ Jesús me soꞌ a.

San Juan 13:2

Dan me se quisíj orá chá xtiꞌno̱ nij soꞌ, ne̱ a̱j guun rá síí cuꞌna̱j Judas Iscariote taꞌníí Simón ta̱cuachén soꞌ man Jesús rihaan nij síí ta̱j riꞌyunj man Jesús, quiꞌyaj Síí Chre̱e a.

San Juan 13:28

Tza̱j ne̱ a̱ ꞌó nij soꞌ ne queneꞌe̱n me cheꞌé caꞌmii Jesús nana̱ vaa da̱nj rihaan Judas a̱ maꞌ.

San Juan 6:70

Ga̱a ne̱ cataj Jesús rihaan chuvi̱j nij soꞌ a: ―Dan me se ꞌu̱nj me síí narii man chuvi̱j nij soj se vaa canoco̱ꞌ soj manj, tza̱j ne̱ ase vaa maꞌa̱n Síí Chre̱e vaa ꞌo̱ nij soj ado̱nj ―taj Jesús rihaan chuvi̱j nij soꞌ a.

Hechos 5:3

Ga̱a ne̱ caꞌmii Pedró rihaan Ananías, cataj soꞌ a: ―Me cheꞌé catúj Síí Chre̱e nimán so̱ꞌ, ne̱ caꞌmii ne̱ so̱ꞌ nda̱a rihaan Nimán Yaꞌanj, ne̱ taꞌaa so̱ꞌ taꞌa̱j saꞌanj quiríꞌ so̱ꞌ ga̱a cutuꞌvéj so̱ꞌ yoꞌóó yoꞌ ga̱.