San Juan 13:23 - Triqui de San Juan Copala

²³ Dan me se ya̱nj ꞌo̱ soꞌ xꞌnúú Jesús, ne̱ nichru̱nꞌ uxrá ne soꞌ ga̱ Jesús, ne̱ síí ꞌe̱e̱ rá Jesús man me soꞌ a.

San Juan 13:23 Iomraidhean Croise

San Lucas 16:22

’Dan me se ga̱a quisíj güii caviꞌ síí nique̱ yoꞌ, ga̱a ne̱ nica̱j nij se‑mo̱zó Yaꞌanj man soꞌ caꞌanj soꞌ rej sa̱ꞌ, rej ya̱nj xi̱i soꞌ síí cuꞌna̱j Abraham a. Ne̱ caviꞌ ruꞌvee uún, ne̱ cachinꞌ nii man soꞌ a.

San Juan 1:18

Ne̱ xa̱ꞌ Yaꞌanj, tza̱j ne̱ taj va̱j a̱ doj síí neꞌen rihaan man Yaꞌanj maꞌ. Tza̱j ne̱ o̱rúnꞌ Taꞌníí Yaꞌanj si̱j ya̱nj xꞌnúú Yaꞌanj, me síí tihaa̱n rihaan níꞌ da̱j vaa Yaꞌanj ado̱nj.

San Juan 11:3

Dan me se caꞌnéé ro̱j raꞌvij Lázaro yoꞌ nana̱ rihaan Jesús, cataj ro̱j noꞌ a: ―Xa̱ꞌ síí ꞌe̱e̱ rá so̱ꞌ man, tza̱j ne̱ ranꞌ soꞌ, na̱nj Señor ―vaa nana̱ caꞌnéé ro̱j noꞌ rihaan Jesús a.

San Juan 11:36

Cheꞌé dan cataj nij yuvii̱ israelitá rihaan tuviꞌ nij soꞌ a: ―Ni̱ꞌyaj soj á. ꞌO̱ se taꞌvee soꞌ cheꞌé se ꞌe̱e̱ uxrá rá soꞌ niꞌya̱j soꞌ man síí caviꞌ yoꞌ a ―taj nij yuvii̱ niꞌya̱j nij yuvii̱ man Jesús a.

San Juan 11:5

Ne̱ Jesús me se nda̱ꞌ se ꞌe̱e̱ ndoꞌo rá soꞌ man chana̱ cuꞌna̱j Marta do̱ꞌ, man chuꞌvij noꞌ chana̱ cuꞌna̱j Mariá do̱ꞌ, man Lázaro do̱ꞌ,

San Juan 13:24

Cheꞌé dan ticunꞌ Simón Pedró raa̱ Simón Pedró rihaan soꞌ, cheꞌé rej xna̱ꞌanj soꞌ man Jesús me síí cheꞌe̱ aꞌmii Jesús a.

San Juan 13:25

Cheꞌé dan xnáꞌanj tuviꞌ soꞌ man Jesús, cataj soꞌ a: ―Señor, me síí quiꞌya̱j da̱nj ga̱ ―taj soꞌ, xnáꞌanj soꞌ man Jesús a.

San Juan 19:26

Dan me se queneꞌen Jesús man nii soꞌ do̱ꞌ, man síí tucuꞌyón snana̱ soꞌ síí ꞌe̱e̱ rá soꞌ man do̱ꞌ, se vaa nicunꞌ rcuaꞌa̱a̱n ro̱j soꞌ rihaan soꞌ, ne̱ cataj soꞌ rihaan nii soꞌ a: ―Síí nihánj gu̱un taꞌníí so̱ꞌ, nahiin ―taj Jesús rihaan nii soꞌ a.

San Juan 20:2

Cheꞌé dan cunánj noꞌ, ne̱ cuchiꞌ noꞌ rihaan síí cuꞌna̱j Simón Pedró do̱ꞌ, rihaan ꞌó síí tucuꞌyón snana̱ Jesús síí ꞌe̱e̱ rá Jesús man do̱ꞌ a. Ne̱ cataj noꞌ rihaan ro̱j soꞌ a: ―Quirii nii man Síí ꞌNi̱j Raꞌa man níꞌ rque yuꞌuj na̱nj á. Ne̱ ne neꞌen núj me rej caꞌanj nica̱j nii man soꞌ a̱ maꞌ ―taj noꞌ rihaan ro̱j soꞌ a.

San Juan 21:20

Ga̱a ne̱ canica̱j Pedró, ne̱ queneꞌen soꞌ man ꞌó síí tucuꞌyón snana̱ Jesús síí ꞌe̱e̱ rá Jesús man a. Soꞌ roꞌ, me síí cayáán rej xꞌnu̱j Jesús ga̱a chá xtiꞌno̱ nij soꞌ ga̱a rque̱, ne̱ soꞌ me síí xnáꞌanj man Jesús me síí ta̱cuachén man Jesús rihaan nij síí ta̱j riꞌyunj man Jesús a.

San Juan 21:24

Dan me se síí tucuꞌyón snana̱ Jesús nihánj me se soꞌ me síí cataj xnaꞌanj cheꞌé nu̱ꞌ rasu̱u̱n no̱ rihaan yanj nihánj, ne̱ soꞌ me síí cachrón nana̱ rihaan yanj cheꞌé rasu̱u̱n nihánj ado̱nj. Ne̱ neꞌen núj se vaa ya̱ uxrá vaa nu̱ꞌ nana̱ cataj xnaꞌanj soꞌ na̱nj ado̱nj.

San Juan 21:7

Cheꞌé dan caꞌmii ꞌo̱ síí tucuꞌyón snana̱ Jesús síí ꞌe̱e̱ rá Jesús man rihaan Pedró, cataj soꞌ a: ―Jesús Si̱j ꞌNi̱j Raꞌa man níꞌ me soꞌ chugua̱nj ―taj soꞌ a. Dan me se cuno Simón Pedró nana̱ se vaa Síí ꞌNi̱j Raꞌa man níꞌ me síí yoꞌ, ga̱a ne̱ cheꞌé se a̱j quirii soꞌ se‑co̱toó soꞌ, cheꞌé dan nanuû raꞌya̱nj soꞌ se‑co̱toó soꞌ, ga̱a ne̱ tagüéj soꞌ man soꞌ rihaan na yoꞌ a.