San Juan 13:22 - Triqui de San Juan Copala

²² Ga̱a ne̱ niꞌya̱j ta̱ranꞌ nij soꞌ man tuviꞌ nij soꞌ a. ꞌO̱ se ne queneꞌe̱n nij soꞌ me síí cheꞌe̱ caꞌmii Jesús nana̱ vaa da̱nj a̱ maꞌ.

San Juan 13:22 Iomraidhean Croise

San Mateo 26:21

Ne̱ ga̱a chá nij soꞌ, ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan soj se vaa ta̱cuachén ꞌo̱ nij soj manj rihaan nij síí ta̱j riꞌyunj manj ado̱nj ―taj Jesús a.

San Mateo 26:22

Ga̱a ne̱ quinanó ndoꞌo rá nij síí tucuꞌyón snana̱ Jesús, ne̱ guun cheꞌe̱ nij soꞌ nda̱a ꞌo̱ ꞌo̱ nij soꞌ xnáꞌanj man Jesús, cataj ꞌo̱ ꞌo̱ nij soꞌ a: ―Señor, ꞌu̱nj me síí quiꞌya̱j da̱nj naꞌ ―taj ꞌo̱ ꞌo̱ nij soꞌ a.

San Marcos 14:18

Dan me se yáán nij soꞌ rihaan mesá, chá nij soꞌ, ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa ꞌo̱ nij soj me síí ta̱cuachén manj rihaan nij síí ta̱j riꞌyunj manj, ne̱ síí chá ga̱ ꞌu̱nj cuano̱ me síí quiꞌya̱j da̱nj ado̱nj ―taj Jesús a.

San Marcos 14:19

Ga̱a ne̱ guun cheꞌe̱ nij síí tucuꞌyón snana̱ soꞌ quinanó ndoꞌo rá nij soꞌ, ne̱ xnáꞌanj ꞌo̱ ꞌo̱ nij soꞌ man Jesús, cataj ꞌo̱ ꞌo̱ nij soꞌ a: ―ꞌU̱nj me síí quiꞌya̱j da̱nj naꞌ ―taj ꞌo̱ ꞌo̱ nij soꞌ a.

San Lucas 22:21

Ne̱ cataj uún Jesús a: ―Tza̱j ne̱ xca̱j soj cuentá se vaa vaa ꞌo̱ síí ta̱cuachén manj rihaan nij síí ta̱j riꞌyunj manj, ne̱ táá soꞌ rihaan chruun mesá ga̱ ꞌu̱nj cuano̱ ado̱nj.

San Lucas 22:23

Ga̱a ne̱ guun cheꞌe̱ nij síí tucuꞌyón snana̱ Jesús nuchruj ra̱a̱ nij soꞌ ga̱ tuviꞌ nij soꞌ me nij soꞌ me síí quiꞌya̱j da̱nj man Jesús, rá nij soꞌ a.

San Juan 13:18

’Tza̱j ne̱ ne caꞌmi̱j nana̱ nihánj cheꞌé ta̱ranꞌ nij soj maꞌ. Dan me se a̱j neꞌenj man soj si̱j narii ꞌu̱nj canoco̱ꞌ manj a. Tza̱j ne̱ vaa cheꞌé quisi̱j gue̱e̱ nana̱ nihánj nana̱ no̱ rihaan Danj Yaꞌanj ado̱nj: “Síí chá rachrúún ga̱j roꞌ, me síí guun rá ti̱guíj cheꞌé manj ado̱nj”, taj nana̱ no̱ rihaan Danj Yaꞌanj a.

San Juan 13:21

Síj caꞌmii Jesús nana̱ nihánj, ga̱a ne̱ quinanó uxrá rá soꞌ, ga̱a ne̱ guun cheꞌe̱ soꞌ cataj xnaꞌanj soꞌ da̱j quiꞌya̱j ꞌo̱ soꞌ man soꞌ, cataj soꞌ a: ―Cuano̱ nihánj me se cata̱j yá ꞌu̱nj rihaan soj se vaa ꞌo̱ nij soj me síí ta̱cuachén manj rihaan nij síí ta̱j riꞌyunj manj ado̱nj ―taj Jesús rihaan nij síí tucuꞌyón snana̱ soꞌ a.