San Juan 13:18 - Triqui de San Juan Copala

¹⁸ ’Tza̱j ne̱ ne caꞌmi̱j nana̱ nihánj cheꞌé ta̱ranꞌ nij soj maꞌ. Dan me se a̱j neꞌenj man soj si̱j narii ꞌu̱nj canoco̱ꞌ manj a. Tza̱j ne̱ vaa cheꞌé quisi̱j gue̱e̱ nana̱ nihánj nana̱ no̱ rihaan Danj Yaꞌanj ado̱nj: “Síí chá rachrúún ga̱j roꞌ, me síí guun rá ti̱guíj cheꞌé manj ado̱nj”, taj nana̱ no̱ rihaan Danj Yaꞌanj a.

San Juan 13:18 Iomraidhean Croise

San Mateo 10:36

Ne̱ nij tuviꞌ yuvii̱ síí ma̱n rá veꞌ tucuá yuvii̱ gu̱un síí ta̱j riꞌyunj man yuvii̱ na̱nj á.

San Mateo 26:21

Ne̱ ga̱a chá nij soꞌ, ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan soj se vaa ta̱cuachén ꞌo̱ nij soj manj rihaan nij síí ta̱j riꞌyunj manj ado̱nj ―taj Jesús a.

San Mateo 26:23

Ga̱a ne̱ cataj Jesús a: ―Síí tiguíj rachrúún ga̱ ꞌu̱nj rá coꞌoo roꞌ, soꞌ me síí ta̱cuachén manj rihaan nij síí ta̱j riꞌyunj manj ado̱nj.

San Marcos 14:17

Ne̱ rej tiꞌnuu, ne̱ caꞌnaꞌ Jesús ga̱ chuvi̱j nij síí tucuꞌyón snana̱ soꞌ a.

San Marcos 14:18

Dan me se yáán nij soꞌ rihaan mesá, chá nij soꞌ, ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa ꞌo̱ nij soj me síí ta̱cuachén manj rihaan nij síí ta̱j riꞌyunj manj, ne̱ síí chá ga̱ ꞌu̱nj cuano̱ me síí quiꞌya̱j da̱nj ado̱nj ―taj Jesús a.

San Marcos 14:20

Ga̱a ne̱ cataj Jesús rihaan nij soꞌ a: ―ꞌO̱ nij tuvi̱ꞌ chuvi̱j nij soj si̱j tucuꞌyón snana̱j me síí ta̱cuachén manj rihaan nij síí ta̱j riꞌyunj manj, ne̱ síí tiguíj rachrúún ga̱ ꞌu̱nj rá coꞌoo me soꞌ ado̱nj.

San Lucas 22:21

Ne̱ cataj uún Jesús a: ―Tza̱j ne̱ xca̱j soj cuentá se vaa vaa ꞌo̱ síí ta̱cuachén manj rihaan nij síí ta̱j riꞌyunj manj, ne̱ táá soꞌ rihaan chruun mesá ga̱ ꞌu̱nj cuano̱ ado̱nj.

San Juan 13:21

Síj caꞌmii Jesús nana̱ nihánj, ga̱a ne̱ quinanó uxrá rá soꞌ, ga̱a ne̱ guun cheꞌe̱ soꞌ cataj xnaꞌanj soꞌ da̱j quiꞌya̱j ꞌo̱ soꞌ man soꞌ, cataj soꞌ a: ―Cuano̱ nihánj me se cata̱j yá ꞌu̱nj rihaan soj se vaa ꞌo̱ nij soj me síí ta̱cuachén manj rihaan nij síí ta̱j riꞌyunj manj ado̱nj ―taj Jesús rihaan nij síí tucuꞌyón snana̱ soꞌ a.

San Juan 13:22

Ga̱a ne̱ niꞌya̱j ta̱ranꞌ nij soꞌ man tuviꞌ nij soꞌ a. ꞌO̱ se ne queneꞌe̱n nij soꞌ me síí cheꞌe̱ caꞌmii Jesús nana̱ vaa da̱nj a̱ maꞌ.

San Juan 13:26

Ga̱a ne̱ cataj Jesús a: ―Ti̱guíj ꞌu̱nj do̱j rachrúún candó nu̱u̱ rque coꞌoo, ne̱ rque̱j man síí quiꞌya̱j da̱nj manj a ―taj Jesús a. Ga̱a ne̱ tiguíj Jesús ꞌo̱ xcoꞌ rachrúún rque candó nu̱u̱ rque coꞌoo, ne̱ rqué soꞌ man síí cuꞌna̱j Judas Iscariote taꞌníí síí cuꞌna̱j Simón a.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 15:19

Sese si̱j ma̱n rihaan chumii̱ u̱u̱n nihánj me maꞌa̱n soj, ne̱ gaa ꞌe̱e̱ rá ꞌó nij síí noco̱ꞌ se‑chre̱j chumii̱ nihánj niꞌya̱j nij soꞌ man soj asuun tza̱j á. Tza̱j ne̱ narii ꞌu̱nj man soj se vaa ta̱náj soj se‑chre̱j chumii̱ nihánj ne̱ canoco̱ꞌ soj manj, ne̱ cheꞌé dan né si̱j noco̱ꞌ se‑chre̱j chumii̱ nihánj me soj cuano̱ maꞌ. Cheꞌé dan táá riꞌyunj nij síí noco̱ꞌ se‑chre̱j chumii̱ nihánj niꞌya̱j nij soꞌ man soj ado̱nj.

San Juan 15:25

Tza̱j ne̱ nihánj me se quisi̱j ya̱ nu̱ꞌ nana̱ nihánj nana̱ no̱ rihaan stucua̱nj xi̱i nij soꞌ síí cuꞌna̱j Moisés a: “Quitáá riꞌyunj rmaꞌa̱n nij soꞌ manj a”, taj stucua̱nj Moisés yoꞌ ado̱nj.

San Juan 17:12

’Ga̱a cayáán ꞌu̱nj ga̱ nij soꞌ me se tumej man nij soꞌ cuno̱ nij soꞌ rihaan so̱ꞌ a. Cheꞌé se rqué so̱ꞌ man nij soꞌ rihanj roꞌ, cheꞌé dan veꞌé tumej man nij soꞌ a. Ne̱ a̱ ꞌó nij soꞌ ne caꞌa̱nj niꞌya̱, quiꞌyáj maꞌ. Tza̱j ne̱ queneꞌén so̱ꞌ se vaa caꞌa̱nj niꞌya̱ ꞌo̱ nij soꞌ, ne̱ o̱rúnꞌ soꞌ caꞌanj niꞌya̱, cheꞌé rej quisi̱j ya̱ nu̱ꞌ nana̱ no̱ rihaan dáán so̱ꞌ ado̱nj.

San Juan 18:32

Cheꞌé se caꞌmii nij soꞌ da̱nj roꞌ, cheꞌé dan quisi̱j ya̱ nu̱ꞌ snana̱ Jesús nana̱ aꞌmii cheꞌé da̱j quiꞌya̱j nii man soꞌ ticavi̱ꞌ nii man soꞌ a.

San Juan 19:24

Cheꞌé dan cataj nij tanuu rihaan tuviꞌ nij soꞌ a: ―Se̱ cuxraꞌ taꞌa̱j níꞌ man cotoó nihánj maꞌ. Ma̱an se tico̱ tixaj níꞌ cheꞌé cotoó nihánj, ne̱ queneꞌe̱n níꞌ me síí naca̱j man cotoó yoꞌ á ―taj nij soꞌ a. Da̱nj quiꞌyaj nij soꞌ, ne̱ quisíj ya̱ nu̱ꞌ nana̱ nihánj nana̱ no̱ rihaan Danj Yaꞌanj a: “Cuxraꞌ taꞌa̱j nii saga̱nꞌ ꞌu̱nj, ne̱ tico tixaj nii cheꞌé se‑co̱toó ꞌu̱nj a”, taj Danj Yaꞌanj a. Dan me se nij tanuu me nij síí quiꞌyaj da̱nj ado̱nj.

San Juan 19:36

ꞌO̱ se guun nu̱ꞌ nihánj cheꞌé rej quisi̱j ya̱ nu̱ꞌ nana̱ nihánj nana̱ no̱ rihaan Danj Yaꞌanj, se vaa taj yoꞌ a: “Se̱ cachranꞌ a̱ ꞌó cúú man soꞌ maꞌ”, taj nana̱ no̱ rihaan Danj Yaꞌanj a.

San Juan 21:17

Ga̱a ne̱ cataj uún Jesús rihaan Pedró a: ―Cu̱nó so̱ꞌ caꞌmi̱j, Simón taꞌníí Jonás. ꞌE̱e̱ rá so̱ꞌ manj naꞌ ―taj uún Jesús a. Ne̱ veé da̱nj quisíj vaꞌnu̱j xnáꞌanj soꞌ da̱nj man Pedró a. Dan me se quinanó rá Pedró cheꞌé se quisíj vaꞌnu̱j xnáꞌanj Jesús da̱nj man soꞌ a. Ga̱a ne̱ cataj uún soꞌ rihaan Jesús a: ―Neꞌén so̱ꞌ cunuda̱nj, Señor. Ma̱ꞌán so̱ꞌ neꞌen se vaa ꞌe̱e̱ raj mán so̱ꞌ á ―taj Pedró rihaan Jesús a. ―Veꞌé rque̱ so̱ꞌ cha̱ daán ꞌu̱nj matzinj á.

San Juan 6:70

Ga̱a ne̱ cataj Jesús rihaan chuvi̱j nij soꞌ a: ―Dan me se ꞌu̱nj me síí narii man chuvi̱j nij soj se vaa canoco̱ꞌ soj manj, tza̱j ne̱ ase vaa maꞌa̱n Síí Chre̱e vaa ꞌo̱ nij soj ado̱nj ―taj Jesús rihaan chuvi̱j nij soꞌ a.

Hechos 1:16

―Vaa cheꞌé quisi̱j ya̱ nu̱ꞌ nana̱ no̱ rihaan Danj Yaꞌanj nana̱ rqué Nimán Yaꞌanj caꞌmii rey cuꞌna̱j David nana̱ aꞌmii cheꞌé síí cuꞌna̱j Judas, ne̱ ya̱ da̱nj guun, tinu̱j, nocoj. Ne̱ dan me se ya̱ ya̱ guun soꞌ síí racuíj man nij síí ta̱ꞌaa man Jesús se vaa caꞌvee nariꞌ nij soꞌ man Jesús, quiꞌyaj Judas a.

Hechos 1:2

Asino caꞌneꞌ soꞌ suun rihaan nij síí cuneꞌ soꞌ caꞌa̱nj nata̱ꞌ snana̱ soꞌ, nda̱a vaa cataj Nimán Yaꞌanj rihaan soꞌ, nda̱a güii cavii soꞌ quinanꞌ soꞌ xta̱ꞌ a.

2 Corintios 4:5

Xa̱ꞌ núj, tza̱j ne̱ ne aꞌmii natáj núj cheꞌé maꞌa̱n núj maꞌ. Ina̱nj cheꞌé Jesucristó Si̱j ꞌNi̱j Raꞌa man níꞌ aꞌmii natáj núj, ne̱ taj núj se vaa cheꞌé se noco̱ꞌ núj man Jesús, ne̱ cheꞌé dan si̱j ꞌyaj se‑su̱u̱n Jesús rihaan soj me núj ado̱nj.

Hebreos 4:13

Ne̱ nu̱ꞌ nij rasu̱u̱n vaa yuve̱ roꞌ, ruviꞌ nu̱ꞌ nij yoꞌ rihaan Yaꞌanj chugua̱nj. ꞌO̱ se ranga̱ꞌ uxrá rihaan Yaꞌanj na̱nj á. Ne̱ ruviꞌ nu̱ꞌ rasu̱u̱n niꞌya̱j soꞌ, ne̱ ya̱ ruviꞌ sa̱ꞌ nu̱ꞌ rasu̱u̱n niꞌya̱j Yaꞌanj ado̱nj. Ne̱ veé rihaan maꞌa̱n ya̱ Yaꞌanj roꞌ, me caꞌa̱nj níꞌ nago̱ꞌ níꞌ cuentá ado̱nj.

Apocalipsis 2:23

Ne̱ ꞌo̱ cavi̱ꞌ nij síí noco̱ꞌ snana̱ chana̱ yoꞌ, qui̱ꞌyáj, ga̱a ne̱ queneꞌe̱n nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ se vaa ꞌu̱nj me síí acaj ndoꞌo cuentá da̱j vaa raa̱ yuvii̱ do̱ꞌ, da̱j vaa nimán yuvii̱ do̱ꞌ, ne̱ na̱ruꞌvee ꞌu̱nj rihaan ꞌo̱ ꞌo̱ nij soj cheꞌé se vaa ꞌyaj ꞌo̱ ꞌo̱ nij soj chugua̱nj.