San Juan 12:45 - Triqui de San Juan Copala

⁴⁵ Ne̱ xa̱ꞌ síí acaj cuentá cheꞌej, tza̱j ne̱ soꞌ me síí acaj cuentá cheꞌé síí caꞌnéé manj rihaan chumii̱ nihánj ado̱nj.

San Juan 12:45 Iomraidhean Croise

San Juan 12:41

Da̱nj caꞌmii Isaías cheꞌé se a̱j queneꞌen soꞌ se vaa niꞌndaj ya̱ sa̱ꞌ veꞌé vaa Jesús, ne̱ cheꞌé dan caꞌmii soꞌ da̱nj cheꞌé Jesús a.

San Juan 15:24

Ne̱ suun sa̱ꞌ noco̱o quiꞌyáj queneꞌen nij soꞌ me se ne quiꞌya̱j a̱ ꞌó yuvii̱ suun sa̱ꞌ noco̱o vaa da̱nj maꞌ. Ne̱ sese ne qui̱ꞌyáj suun sa̱ꞌ noco̱o yoꞌ queneꞌe̱n nij soꞌ, ne̱ ne tumé nij soꞌ cacunꞌ tza̱j maꞌ. Tza̱j ne̱ ya̱j me se a̱j queneꞌen nij soꞌ nij suun sa̱ꞌ noco̱o quiꞌyáj, ne̱ quitáá riꞌyunj nij soꞌ mán ꞌu̱nj do̱ꞌ, man Réj Yaꞌanj do̱ꞌ na̱nj ado̱nj.

San Juan 6:40

ꞌO̱ se nihánj me se vaa me rá Réj Yaꞌanj na̱nj á. Me rá soꞌ ꞌo̱ ga̱a̱ iꞌna̱ꞌ ta̱ranꞌ nij síí amán rá niꞌya̱j manj nu̱ꞌ cavii nu̱ꞌ caꞌanj ga̱ soꞌ a. Ne̱ ꞌu̱nj me síí quiꞌya̱j cunu̱u iꞌna̱ꞌ uún nij soꞌ asa̱ꞌ quisíj güii caꞌa̱nj niꞌya̱ chumii̱ nihánj ado̱nj ―taj Jesús rihaan nij yuvii̱ a.

2 Corintios 4:6

ꞌO̱ se Yaꞌanj me síí cataj se vaa chugu̱u̱n rihaan chumii̱, ne̱ da̱nj caꞌmii Yaꞌanj ga̱a naá uxrá ga̱a vaa rmi̱ꞌ rihaan chumii̱ nihánj, ga̱a ne̱ cuchuguu̱n rihaan chumii̱ nihánj, ne̱ ya̱j me se chuguu̱n nimán núj, quiꞌyaj uún Yaꞌanj á. Cheꞌé dan me guun nucua̱j núj cataj xnaꞌanj núj rihaan yuvii̱ se vaa niꞌndaj ya̱ sa̱ꞌ veꞌé vaa Yaꞌanj, ne̱ sese cuno̱ nij yuvii̱ snana̱ Cristó, ne̱ xca̱j nij soꞌ cuentá se vaa sa̱ꞌ uxrá quiꞌyaj Yaꞌanj ado̱nj.

Colosenses 1:15

Ne ruviꞌ Yaꞌanj niꞌya̱j yuvii̱ maꞌ. Ma̱an se queneꞌen níꞌ man Cristó, ne̱ xcaj níꞌ cuentá da̱j vaa maꞌa̱n Yaꞌanj ado̱nj. Asi̱j ataa quiꞌya̱j Yaꞌanj chumii̱, ne̱ a̱j nicu̱nꞌ Cristó ga̱ soꞌ ado̱nj.

Hebreos 1:3

Ne̱ ase vaa maꞌa̱n Yaꞌanj roꞌ, da̱nj vaa soꞌ chugua̱nj. Dan me se ga̱a niꞌya̱j níꞌ man soꞌ, ne̱ xcaj níꞌ cuentá se vaa niꞌndaj ya̱ sa̱ꞌ veꞌé vaa Yaꞌanj, ne̱ xcaj ya̱ níꞌ cuentá da̱j vaa maꞌa̱n Yaꞌanj ado̱nj. Ne̱ cheꞌé se si̱j nucua̱j ndoꞌo me soꞌ roꞌ, cheꞌé dan ma̱an nana̱ avii u̱u̱n tuꞌva soꞌ, ne̱ ꞌo̱ mán chre̱ꞌ nu̱ꞌ rasu̱u̱n ꞌyaj soꞌ a. Ga̱a quisíj tinavij soꞌ cacunꞌ tumé níꞌ, ga̱a ne̱ caꞌanj ca̱yáán soꞌ rej xta̱ꞌ ndoꞌo rej xꞌnu̱j Yaꞌanj, ne̱ rej nuva̱ꞌ Yaꞌanj rej sa̱ꞌ doj yáán soꞌ cuano̱ ado̱nj.

1 Juan 5:20

Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.