San Juan 12:44 - Triqui de San Juan Copala

⁴⁴ Ne̱ sca̱ꞌ ndoꞌo caꞌmii Jesús, cataj soꞌ a: ―Xa̱ꞌ síí amán rá niꞌya̱j manj, tza̱j ne̱ né ina̱nj ma̱ꞌanj me síí amán rá soꞌ niꞌya̱j soꞌ man maꞌ. ꞌO̱ se amán rá soꞌ niꞌya̱j soꞌ man síí caꞌnéé manj rihaan chumii̱ nihánj ado̱nj.

San Juan 12:44 Iomraidhean Croise

San Mateo 10:40

’Sese aꞌmii sa̱ꞌ ꞌo̱ soꞌ ga̱ soj, ne̱ si̱j aꞌmii sa̱ꞌ ga̱j me soꞌ ado̱nj. Ne̱ sese aꞌmii sa̱ꞌ soꞌ ga̱j, ne̱ si̱j aꞌmii sa̱ꞌ ga̱ síí caꞌnéé manj rihaan chumii̱ nihánj me uún soꞌ ado̱nj.

San Marcos 9:23

Ga̱a ne̱ cataj Jesús rihaan soꞌ a: ―Taj cheꞌé gu̱un vi̱j rá so̱ꞌ maꞌ. ꞌO̱ se síí amán rá niꞌya̱j man Yaꞌanj roꞌ, caꞌve̱e quiꞌya̱j soꞌ cunuda̱nj na̱nj ado̱nj ―taj Jesús a.

San Marcos 9:37

―Me maꞌa̱n ꞌo̱ síí aráj cochro̱j ne̱ aꞌmii sa̱ꞌ soꞌ ga̱ ꞌo̱ xnii leꞌe̱j nihánj cheꞌé se‑chu̱vií ꞌu̱nj, ne̱ adi̱ꞌ ma̱ꞌanj me aráj cochro̱j soꞌ ne̱ aꞌmii sa̱ꞌ soꞌ ga̱ vaa na̱nj ado̱nj. Dan me se síí aꞌmii sa̱ꞌ ga̱ ꞌu̱nj me se né o̱rúnꞌ ꞌu̱nj me aꞌmii sa̱ꞌ soꞌ ga̱ maꞌ. Ma̱an Yaꞌanj ya̱ síí caꞌnéé mán ꞌu̱nj rihaan chumii̱ nihánj me aráj cochro̱j ya̱ soꞌ ne̱ aꞌmii sa̱ꞌ ya̱ soꞌ ga̱ vaa na̱nj ado̱nj ―taj Jesús a.

San Juan 11:43

Quisíj cataj soꞌ da̱nj, ga̱a ne̱ nucua̱j ndoꞌo caguáj soꞌ, cataj soꞌ a: ―Lázaro. Cavi̱i̱ so̱ꞌ caꞌna̱ꞌ so̱ꞌ nihánj á ―taj soꞌ, caguáj soꞌ man Lázaro a.

San Juan 13:20

Ya̱ ya̱ cata̱j xnaꞌanj ꞌu̱nj rihaan soj se vaa xa̱ꞌ síí veꞌé nica̱j tuviꞌ ga̱ síí caꞌne̱j ꞌu̱nj rihaan chumii̱ nihánj, tza̱j ne̱ soꞌ me síí veꞌé nica̱j tuviꞌ ga̱ ma̱ꞌanj a. Ne̱ xa̱ꞌ síí veꞌé nica̱j tuviꞌ ga̱ ma̱ꞌanj, tza̱j ne̱ soꞌ me síí veꞌé nica̱j tuviꞌ ga̱ síí caꞌnéé manj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Juan 5:24

’Ya̱ ya̱ cata̱j xnaꞌanj ꞌu̱nj rihaan soj cuano̱ se vaa síí uno snana̱j ne̱ amán rá niꞌya̱j man síí caꞌnéé manj roꞌ, soꞌ me síí vaa iꞌna̱ꞌ nimán rihaan Yaꞌanj nu̱ꞌ cavii nu̱ꞌ caꞌanj, ne̱ se̱ quiꞌyaj Yaꞌanj sayuun man soꞌ maꞌ. ꞌO̱ se tanáj xco̱ soꞌ rej ya̱nj yaníj nimán soꞌ ga̱ Yaꞌanj ne̱ catúj soꞌ rej vaa iꞌna̱ꞌ nimán soꞌ rihaan Yaꞌanj a.

San Juan 7:28

Cheꞌé dan sca̱ꞌ ndoꞌo caꞌmii Jesús ga̱a tucuꞌyón soꞌ man nij yuvii̱ rej ya̱nj nuvií noco̱o, ne̱ cataj soꞌ a: ―Neꞌen soj manj, ne̱ neꞌen soj me rej cavii ꞌu̱nj na̱nj ado̱nj. Tza̱j ne̱ ne caꞌna̱ꞌ ma̱ꞌanj maꞌ. ꞌO̱ se ya̱ aꞌmii síí caꞌnéé manj, tza̱j ne̱ ne neꞌen uxrá soj man soꞌ a̱ maꞌ.

1 Pedro 1:21

Ne̱ cheꞌé se vaa quiꞌyaj Cristó cheꞌé soj roꞌ, cheꞌé dan amán rá soj niꞌya̱j soj man Yaꞌanj cheꞌé se soꞌ me síí naquiꞌyaj iꞌna̱ꞌ man Cristó, ne̱ soꞌ me síí quiꞌyaj se vaa taj yuvii̱ se vaa niꞌndaj ya̱ sa̱ꞌ cavii Cristó a. Ne̱ cheꞌé se da̱nj quiꞌyaj Yaꞌanj roꞌ, cheꞌé dan amán rá soj niꞌya̱j soj man Yaꞌanj, ne̱ naꞌvi̱j soj quisi̱j güii cavi̱i̱ sa̱ꞌ ndoꞌo soj quiꞌya̱j soꞌ a.