San Juan 12:42 - Triqui de San Juan Copala

⁴² Tza̱j ne̱ cuchumán rá queꞌe̱e̱ nij síí uun chij rihaan nij yuvii̱ israelitá niꞌya̱j nij soꞌ man Jesús a. Tza̱j ne̱ ne cata̱j xnaꞌanj nij soꞌ se vaa cuchumán rá nij soꞌ maꞌ. ꞌO̱ se cuchuꞌviꞌ nij soꞌ niꞌya̱j nij soꞌ man nij síí fariseo, se vaa cuta̱ꞌ nij síí fariseo cacunꞌ xráá nij soꞌ, ga̱a ne̱ quiri̱i̱ yaníj nij síí fariseo man nij soꞌ rque veꞌ tucuꞌyón nij síí israelitá stucua̱nj Moisés a.

San Juan 12:42 Iomraidhean Croise

San Mateo 10:32

’Me maꞌa̱n síí nata̱ꞌ ya̱ rihaan yuvii̱ se vaa me soꞌ síí noco̱ꞌ manj roꞌ, vaa güii, ne̱ nata̱ꞌ ꞌu̱nj rihaan Réé ꞌu̱nj síí nicu̱nꞌ xta̱ꞌ se vaa si̱j noco̱ꞌ manj me soꞌ a.

San Lucas 12:8

’Ne̱ cata̱j xnaꞌanj ꞌu̱nj rihaan soj cuano̱ se vaa no̱ xcúún soj nata̱ꞌ ya̱ soj rihaan yuvii̱ se vaa me soj síí noco̱ꞌ manj a. Ne̱ nu̱ꞌ síí ꞌyaj da̱nj roꞌ, vaa güii, ne̱ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, nata̱j rihaan nij se‑mo̱zó Yaꞌanj se vaa si̱j noco̱ꞌ manj me soꞌ a.

San Lucas 23:13

Dan me se canacúún síí cuꞌna̱j Pilató man nij xrej ata̱ suun noco̱o do̱ꞌ, man nij síí uun chij rihaan nij yuvii̱ israelitá do̱ꞌ, man maꞌa̱n nij yuvii̱ do̱ꞌ, se vaa caꞌna̱ꞌ nij soꞌ cunu̱u chre̱ꞌ nij soꞌ rihaan soꞌ a.

San Lucas 6:22

’Ne̱ cavi̱i̱ sa̱ꞌ ndoꞌo soj sese quita̱j riꞌyunj yuvii̱ man soj do̱ꞌ, sese quiri̱i̱ yaníj yuvii̱ man soj do̱ꞌ, sese caꞌmi̱i̱ yuvii̱ nana̱ nij rihaan soj do̱ꞌ, sese nachri̱ꞌ yuvii̱ ni̱ꞌyaj yuvii̱ man soj se vaa si̱j chiꞌi̱i̱ me soj do̱ꞌ, cheꞌé se me soj síí noco̱ꞌ manj Si̱j Caꞌnéé Yaꞌanj Ni̱caj Yuꞌunj man Yuvii̱ ado̱nj.

San Juan 11:45

Dan me se caꞌanj nij yuvii̱ israelitá ga̱ Mariá, ne̱ queneꞌen nij soꞌ da̱j quiꞌyaj Jesús a. Cheꞌé dan cuchumán rá queꞌe̱e̱ nij yuvii̱ niꞌya̱j nij soꞌ man Jesús a.

San Juan 12:11

ꞌO̱ se cheꞌé Lázaro me se uun yaníj ri̱i̱ nij yuvii̱ israelitá rihaan nij síí ata̱ suun rihaan nij soꞌ, ne̱ cuchumán rá nij soꞌ niꞌya̱j nij soꞌ man Jesús ado̱nj.

San Juan 16:2

ꞌO̱ se se̱ caꞌvej rá nij síí israelitá cunu̱u chre̱ꞌ soj ga̱ nij soꞌ rá veꞌ tucuꞌyón nij soꞌ stucua̱nj Moisés maꞌ. Ne̱ quisi̱j güii gu̱un rá nij soꞌ se vaa né si̱j noco̱ꞌ man Yaꞌanj me soj, ne̱ gu̱un rá síí ticaviꞌ man soj se vaa veꞌé uxrá ꞌyaj soꞌ se‑su̱u̱n Yaꞌanj ga̱a ticaviꞌ soꞌ man soj a.

San Juan 19:38

Quisíj quiꞌyaj nij tanuu da̱nj, ga̱a ne̱ cachíín niꞌya̱j síí cuꞌna̱j José síí cavii chumanꞌ Arimatea rihaan síí cuꞌna̱j Pilató se vaa caꞌve̱j rá Pilató quiri̱i̱ yaníj soꞌ cúú man Jesús a. Ne̱ xa̱ꞌ José, tza̱j ne̱ si̱j tucuꞌyón snana̱ Jesús me soꞌ, tza̱j ne̱ ma̱an se nocoꞌ yuve̱ soꞌ man Jesús, cheꞌé se cuchuꞌviꞌ soꞌ niꞌya̱j soꞌ man nij síí uun chij rihaan nij yuvii̱ israelitá a. Dan me se caꞌvej rá Pilató, ne̱ cheꞌé dan quirii yaníj José cúú man Jesús a.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.

San Juan 7:13

Tza̱j ne̱ a̱ ꞌó nij yuvii̱ ne caꞌmi̱i̱ ranga̱ꞌ cheꞌé Jesús maꞌ. ꞌO̱ se cuchuꞌviꞌ nij yuvii̱ niꞌya̱j nij yuvii̱ man nij síí uun chij rihaan nij soꞌ a.

San Juan 7:31

Ne̱ queꞌe̱e̱ nij yuvii̱ cuchumán rá niꞌya̱j man soꞌ, ne̱ cataj nij soꞌ a: ―Caꞌve̱e se caꞌna̱ꞌ ꞌó soꞌ cata̱j soꞌ se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, tza̱j ne̱ daj chiha̱a̱ míj se̱ quisíj soꞌ quiꞌya̱j soꞌ doj suun sa̱ꞌ noco̱o rihaan suun sa̱ꞌ noco̱o quiꞌyaj síí nihánj a̱ maꞌ ―taj nij yuvii̱ niꞌya̱j nij soꞌ man Jesús a.

San Juan 9:22

Da̱nj caꞌmii ro̱j ni̱ca̱ rej síí naxraꞌ rihaan yoꞌ cheꞌé se cuchuꞌviꞌ ro̱j soꞌ niꞌya̱j ro̱j soꞌ man nij síí uun chij rihaan nij yuvii̱ israelitá a. Dan me se a̱j guun ya̱ caꞌmii nij síí uun chij yoꞌ se vaa sese cata̱j ꞌo̱ soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me Jesús, ne̱ quiri̱i̱ nij soꞌ xeꞌ man síí aꞌmii da̱nj rá veꞌ tucuꞌyón nij síí israelitá stucua̱nj Moisés a.

San Juan 9:34

Ga̱a ne̱ cataj nij soꞌ rihaan soꞌ a: ―Na̱nj síí tumé cacunꞌ mé so̱ꞌ asi̱j caꞌngaa so̱ꞌ chugua̱nj. Ne nó xcúún so̱ꞌ tu̱cuꞌyón so̱ꞌ a̱ ꞌó nana̱ rihaan núj a̱ maꞌ ―taj nij soꞌ rihaan soꞌ a. Ga̱a ne̱ quirii nij soꞌ man soꞌ xeꞌ a.

Hechos 5:41

Dan me se curiha̱nj nij síí cuneꞌ Jesús rej nuu chre̱ꞌ xꞌneꞌ nij síí ata̱ suun noco̱o doj rihaan nij yuvii̱ israelitá a. Ne̱ guun niha̱ꞌ uxrá rá nimán nij síí cuneꞌ Jesús cheꞌé se si̱j vaa sa̱ꞌ me nij soꞌ niꞌya̱j Yaꞌanj ne̱ cheꞌé dan caꞌvee quiranꞌ nij soꞌ sayuun cheꞌé se‑chuvi̱i Jesús a.

Romanos 10:10

ꞌO̱ se nimán níꞌ me se cuchuma̱n rá níꞌ ni̱ꞌyaj níꞌ Jesús, ne̱ caꞌve̱e cunu̱u sa̱ꞌ níꞌ rihaan Yaꞌanj, ne̱ tuꞌva níꞌ me se caꞌmi̱i̱ ya̱ níꞌ cata̱j níꞌ se vaa noco̱ꞌ níꞌ man Jesús, ne̱ caꞌve̱e nani̱i̱ níꞌ rihaan sayuun ne̱ cavi̱i̱ sa̱ꞌ níꞌ ado̱nj.

1 Juan 4:15

Ne̱ síí taj rihaan tuviꞌ se vaa Taꞌníí Yaꞌanj me Jesús roꞌ, soꞌ me síí ꞌo̱ nocoꞌ man Yaꞌanj, ne̱ ꞌo̱ ne Yaꞌanj ga̱ soꞌ chugua̱nj.

1 Juan 4:2

Tza̱j ne̱ nihánj me se vaa quiꞌya̱j soj, ga̱a ne̱ caꞌve̱e xca̱j soj cuentá me nana̱ me nana̱ rqué Nimán Yaꞌanj ado̱nj. Sese cata̱j ꞌo̱ soꞌ se vaa Jesucristó me Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ guun Jesucristó yuvii̱ caꞌnaꞌ soꞌ, cata̱j ꞌo̱ soꞌ, ne̱ nana̱ yoꞌ me nana̱ rqué Nimán Yaꞌanj ado̱nj.