San Juan 12:40 - Triqui de San Juan Copala

⁴⁰ Naquiꞌyaj tuchri̱i Yaꞌanj rihaan nij soꞌ, ne̱ naquiꞌyaj nichra̱j soꞌ nimán nij soꞌ, ne̱ cheꞌé dan se̱ caꞌvee queneꞌe̱n rihaan nij soꞌ do̱ꞌ, se̱ caꞌvee xca̱j nimán nij soꞌ cuentá do̱ꞌ a̱ maꞌ. Sese caꞌve̱e, ne̱ ca̱nica̱j rá nij soꞌ, ne̱ ti̱nahuún ꞌu̱nj nimán nij soꞌ a. Yoꞌ me nana̱ cataj Yaꞌanj ne̱ cachrón Isaías rihaan yanj ga̱a naá a.

San Juan 12:40 Iomraidhean Croise

San Mateo 15:14

Se̱ cuno soj aꞌmii nij soꞌ maꞌ. ꞌO̱ se ase vaa síí aráán rihaan vaa nij soꞌ ado̱nj. Dan me se neꞌen soj se vaa sese gu̱un rá síí tuchri̱i ra̱cuíj soꞌ man ꞌó síí tuchri̱i nari̱ꞌ soꞌ chrej caꞌa̱nj soꞌ, ne̱ quini̱j ro̱j síí tuchri̱i yoꞌ rá yuꞌuj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Marcos 4:12

cheꞌé yan: Ni̱ꞌyaj nij soꞌ, tza̱j ne̱ se̱ queneꞌen nij soꞌ maꞌ. Ne̱ atúj nana̱ xréé nij soꞌ, tza̱j ne̱ se̱ xcaj nij soꞌ cuentá a̱ maꞌ. ꞌO̱ se naꞌvej uxrá rá nij soꞌ ca̱nica̱j nimán nij soꞌ ne̱ güe̱j cacunꞌ xráá nij soꞌ a̱ maan ado̱nj ―taj Jesús a.

San Marcos 6:52

ꞌO̱ se ne xca̱j sa̱ꞌ nij soꞌ cuentá cheꞌé se nucua̱j nica̱j Jesús ga̱a cuxraꞌ taꞌa̱j Jesús rachrúún chá nij yuvii̱ a. Ma̱an se nichra̱j ndoꞌo nimán nij soꞌ a.

San Lucas 4:18

Ya̱nj Nimán Yaꞌanj nimán ꞌu̱nj, ne̱ cheꞌé dan narii Yaꞌanj manj caꞌa̱nj caꞌmi̱i̱ natáj ꞌu̱nj nana̱ sa̱ꞌ rihaan nij síí nique̱ a. Caꞌnéé Yaꞌanj manj caꞌmi̱i̱ natáj ꞌu̱nj rihaan nij síí ꞌni̱j tagaꞌ cata̱j ꞌu̱nj se vaa cu̱riha̱nj nij soꞌ cache̱e̱ u̱u̱n nij soꞌ a. Ne̱ caꞌnéé Yaꞌanj manj ra̱cuíj ꞌu̱nj man nij síí tuchri̱i naxra̱ꞌ rihaan nij soꞌ, ne̱ caꞌnéé Yaꞌanj manj ra̱cuíj ꞌu̱nj man nij síí ranꞌ sayuun uún na̱nj á.

San Lucas 8:10

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ tihaa̱n Yaꞌanj nana̱ sa̱ꞌ yuve̱ rihaan soj cheꞌé da̱j vaa uun chij Yaꞌanj ado̱nj. Tza̱j ne̱ rihaan ꞌó nij yuvii̱ me se ina̱nj cuentó cheꞌé nij rasu̱u̱n nanó ꞌu̱nj rihaan nij soꞌ, ga̱a ne̱: Ni̱ꞌyaj nij soꞌ, tza̱j ne̱ se̱ queneꞌen nij soꞌ maꞌ. Ne̱ atúj nana̱ xréé nij soꞌ, tza̱j ne̱ se̱ xcaj nij soꞌ cuentá a̱ maan ado̱nj ―taj Jesús rihaan nij síí tucuꞌyón snana̱ soꞌ a.

San Juan 12:39

Cheꞌé dan ne caꞌve̱e cuchuma̱n rá nij soꞌ a̱ maꞌ. Nda̱a na̱nj uún ne cuchuma̱n rá nij soꞌ cheꞌé ꞌó nana̱ caꞌmii Isaías a:

San Juan 9:39

Ga̱a ne̱ cataj Jesús a: ―Caꞌnáꞌ ꞌu̱nj rihaan chumii̱ nihánj cheꞌé se no̱ xcúún ꞌu̱nj caꞌne̱ꞌ ꞌu̱nj cacunꞌ cheꞌé yuvii̱ ado̱nj. Dan me se xa̱ꞌ nij síí ne neꞌen, tza̱j ne̱ queneꞌe̱n nij soꞌ, qui̱ꞌyáj a. Ne̱ xa̱ꞌ nij síí guun rá se vaa a̱j quisíj xcaj nij soꞌ cuentá, tza̱j ne̱ ase vaa síí aráán rihaan roꞌ, da̱nj ga̱a̱ nij soꞌ, ne̱ se̱ caꞌvee xca̱j nij soꞌ cuentá maꞌ ―taj Jesús a.

Hechos 15:3

Dan me se veꞌé racuíj xꞌneꞌ nij síí noco̱ꞌ man Cristó man nij síí caꞌanj suun, ne̱ caꞌanj nij soꞌ, ne̱ cachén nij soꞌ estadó Fenicia do̱ꞌ, estadó Samaria do̱ꞌ a. Ne̱ cataj xnaꞌanj nij soꞌ rihaan nij tinúú nij soꞌ cheꞌé nij yuvii̱ yaníj se vaa tanáj xco̱ nij soꞌ tucuáán nica̱j nij soꞌ asi̱j naá ne̱ canocoꞌ nij soꞌ man Yaꞌanj ya̱, ga̱a ne̱ guun niha̱ꞌ uxrá rá cunuda̱nj nij síí cuno nana̱ yoꞌ a.

Hechos 28:26

Caꞌa̱nj so̱ꞌ rihaan nij yuvii̱ yoꞌ, ne̱ cata̱j xnaꞌanj so̱ꞌ rihaan nij soꞌ a: “Catu̱u̱ uxrá nana̱ xréé nij soꞌ, tza̱j ne̱ se̱ xcaj nij soꞌ cuentá maꞌ. Ne̱ ni̱ꞌyaj uxrá nij soꞌ, tza̱j ne̱ se̱ queneꞌen nij soꞌ maꞌ.

Hechos 3:19

’Cheꞌé dan ca̱nica̱j nimán soj canoco̱ꞌ soj chrej sa̱ꞌ, ga̱a ne̱ caꞌve̱e tinavi̱j Yaꞌanj cacunꞌ tumé soj á. Ga̱a ne̱ caꞌve̱e quisi̱j güii cunu̱u cui̱j rá ta̱ranꞌ níꞌ si̱j israelitá, quiꞌya̱j Síí ꞌNi̱j Raꞌa man níꞌ a.

Romanos 9:18

Dan me se neꞌen níꞌ se vaa sese me rá Yaꞌanj cunu̱u ꞌe̱e̱ rá Yaꞌanj man ꞌo̱ soꞌ, ne̱ cunu̱u ꞌe̱e̱ rá Yaꞌanj man soꞌ, ne̱ sese me rá Yaꞌanj gu̱un nichra̱j rá ꞌo̱ soꞌ, ne̱ gu̱un nichra̱j rá soꞌ, quiꞌya̱j Yaꞌanj ado̱nj.