San Juan 12:39 - Triqui de San Juan Copala

³⁹ Cheꞌé dan ne caꞌve̱e cuchuma̱n rá nij soꞌ a̱ maꞌ. Nda̱a na̱nj uún ne cuchuma̱n rá nij soꞌ cheꞌé ꞌó nana̱ caꞌmii Isaías a:

San Juan 12:39 Iomraidhean Croise

San Juan 10:38

Tza̱j ne̱ sese ya̱ ꞌyáá ꞌu̱nj se‑su̱u̱n Réj Yaꞌanj, ne̱ caꞌve̱e se ne amán rá soj niꞌya̱j soj man ma̱ꞌanj, tza̱j ne̱ vaa cheꞌé cuchuma̱n rá soj ni̱ꞌyaj soj man nij suun sa̱ꞌ noco̱o quiꞌyáj á. Nda̱a síj, ga̱a ne̱ xca̱j soj cuentá, ga̱a ne̱ ꞌo̱ queneꞌe̱n soj se vaa ya̱nj Réj Yaꞌanj ga̱j, ne̱ ya̱nj ꞌu̱nj ga̱ Réj Yaꞌanj uún ado̱nj ―taj Jesús a.

San Juan 12:38

Ne̱ veé da̱nj quisíj ya̱ nu̱ꞌ snana̱ síí cuꞌna̱j Isaías síí nataꞌ snana̱ Yaꞌanj ga̱a naá a. Dan me se cataj Isaías a: Señor, do̱j yuvii̱ cuchumán rá cuno nana̱ caꞌmii núj, ne̱ do̱j yuvii̱ xcaj cuentá se vaa nucua̱j ndoꞌo so̱ꞌ Si̱j ꞌNi̱j Raꞌa man núj ado̱nj, da̱nj taj Isaías a.

San Juan 12:40

Naquiꞌyaj tuchri̱i Yaꞌanj rihaan nij soꞌ, ne̱ naquiꞌyaj nichra̱j soꞌ nimán nij soꞌ, ne̱ cheꞌé dan se̱ caꞌvee queneꞌe̱n rihaan nij soꞌ do̱ꞌ, se̱ caꞌvee xca̱j nimán nij soꞌ cuentá do̱ꞌ a̱ maꞌ. Sese caꞌve̱e, ne̱ ca̱nica̱j rá nij soꞌ, ne̱ ti̱nahuún ꞌu̱nj nimán nij soꞌ a. Yoꞌ me nana̱ cataj Yaꞌanj ne̱ cachrón Isaías rihaan yanj ga̱a naá a.

San Juan 5:44

Daj chiha̱a̱ míj se̱ guun nucua̱j soj cuchuma̱n rá soj ni̱ꞌyaj soj manj a̱ maꞌ. ꞌO̱ se me rá soj veꞌé caꞌmi̱i̱ nij tuviꞌ soj cheꞌé soj, tza̱j ne̱ ne nanó rá soj da̱j quiꞌya̱j soj, ne̱ veꞌé caꞌmi̱i̱ Yaꞌanj cheꞌé soj maꞌ.

San Juan 6:44

Dan me se caꞌnéé Réj Yaꞌanj manj, ne̱ a̱ ꞌó yuvii̱ se̱ caꞌvee caꞌna̱ꞌ rihanj sese né Réj Yaꞌanj quiꞌya̱j caꞌna̱ꞌ soꞌ rihanj a. Ne̱ xa̱ꞌ síí ꞌnaꞌ rihanj, tza̱j ne̱ cunu̱u iꞌna̱ꞌ uún soꞌ qui̱ꞌyáj asa̱ꞌ quisíj güii caꞌa̱nj niꞌya̱ chumii̱ nihánj ado̱nj.

2 Pedro 2:14

Ina̱nj me rá nij síí narqué tucuáán ne̱ quiꞌya̱j nij soꞌ cacunꞌ ga̱ me maꞌa̱n chana̱ ni̱ꞌyaj nij soꞌ, ne̱ ne aꞌneꞌ rá nij soꞌ ga̱ suun ꞌyaj cacunꞌ a̱ maꞌ. Tihaꞌ yuꞌunj nij soꞌ man nij síí ne nica̱j xraan stucua̱nj Yaꞌanj, ne̱ ꞌo̱ vaa nimán nij soꞌ me rá nij soꞌ ga̱a̱ ndoꞌo rasu̱u̱n rihaan nij soꞌ ado̱nj. Ase vaa xnii mañá ndoꞌo roꞌ, da̱nj vaa nij soꞌ, ne̱ ya̱ quira̱nꞌ ndoꞌo nij soꞌ sayuun vaa güii chugua̱nj.