San Juan 12:29 - Triqui de San Juan Copala

²⁹ Dan me se nicu̱nꞌ uxrá yuvii̱ ga̱ Jesús, ne̱ cuno nij soꞌ nana̱ yoꞌ, ne̱ cataj nij soꞌ se vaa caguáj tuꞌvii rej xta̱ꞌ a. Ne̱ ꞌó taꞌa̱j nij soꞌ cataj se vaa caꞌmii ꞌo̱ se‑mo̱zó Yaꞌanj nana̱ yoꞌ rihaan Jesús a.

San Juan 12:29 Iomraidhean Croise

Hechos 9:7

Ne̱ nij snóꞌo va̱j chrej ga̱ Saulo me se canicunꞌ nij soꞌ, ne̱ a̱ doj nana̱ ne caꞌmi̱i̱ nij soꞌ a̱ maꞌ. Ne̱ cuno nij soꞌ nana̱ yoꞌ, tza̱j ne̱ taj a̱ ꞌó yuvii̱ ne queneꞌe̱n nij soꞌ a̱ maꞌ.

Apocalipsis 11:19

Ga̱a ne̱ naxraꞌ taꞌyaa rihaan nuvií noco̱o rej ya̱nj Yaꞌanj rej xta̱ꞌ, ne̱ rá nuvií noco̱o me se curuviꞌ chrúún gue̱e̱ nu̱u̱ ro̱j yahij no̱ tucuáán guun ya̱ caꞌmii Yaꞌanj ga̱ Moisés ga̱a naá a. Ga̱a ne̱ quiraa̱n ndoꞌo, ne̱ cari̱i̱n ndoꞌo, ne̱ canuu̱ ndoꞌo, ne̱ cavii ndoꞌo nana̱ yuva̱a̱, ne̱ caguáj tuꞌvii, ne̱ cachén yuún, ne̱ camanꞌ ndoꞌo maa̱n yahi̱j xi̱j na̱nj ado̱nj.

Apocalipsis 14:2

Ga̱a ne̱ cunó ꞌu̱nj se vaa caꞌmii nana̱ cavii rej xta̱ꞌ, ne̱ ase vaa uun ayu̱j va̱j chráá xi̱j do̱ꞌ, ase vaa uun aguáj ndoꞌo tuꞌvii do̱ꞌ, da̱nj vaa nana̱ yoꞌ, ne̱ ase vaa chraꞌ achráá nii yaꞌánj arpá vaa nana̱ yoꞌ a.

Apocalipsis 6:1

Ga̱a ne̱ queneꞌén ꞌu̱nj se vaa caꞌnéj Matzinj Leꞌe̱j ꞌo̱ nij chi̱j selló caráán tuꞌva yanj libró yoꞌ, ga̱a ne̱ cunoj caꞌmii ꞌo̱ tuviꞌ caꞌa̱nj nij xcuu, ne̱ ase uun ráꞌ ga̱a aguáj tuꞌvii roꞌ, da̱nj guun raj ga̱a caꞌmii xoꞌ a. Ne̱ cataj soꞌ a: ―Caꞌna̱ꞌ so̱ꞌ ni̱ꞌyaj so̱ꞌ á ―taj xcuu yoꞌ a.

Apocalipsis 8:5

Ga̱a ne̱ dan me se caꞌanj nica̱j se‑mo̱zó Yaꞌanj yoꞌ agaꞌ acaa squíí xlá yoꞌ rihaan mesá altar, ga̱a ne̱ caraa ndoꞌo soꞌ ruꞌviꞌ yaꞌan ma̱n rihaan mesá altar yoꞌ rá agaꞌ, ga̱a ne̱ tagüéj soꞌ ruꞌviꞌ yaꞌan yoꞌ rihaan chumii̱ a. Ga̱a ne̱ caguáj tuꞌvii, ne̱ cari̱i̱n ndoꞌo, ne̱ quiraa̱n ndoꞌo, ne̱ cachén ndoꞌo yuún, quiꞌyaj se‑mo̱zó Yaꞌanj yoꞌ ga̱a tagüéj yoꞌ squíí xlá rihaan chumii̱ a.