San Juan 12:23 - Triqui de San Juan Copala

²³ Ga̱a ne̱ cataj Jesús rihaan nij soꞌ a: ―ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, cuano̱ nihánj me se quisíj güii quina̱nꞌ ꞌu̱nj rej xta̱ꞌ ne̱ niꞌndaj ya̱ sa̱ꞌ veꞌé gu̱un chij ꞌu̱nj, quiꞌya̱j Yaꞌanj ado̱nj.

San Juan 12:23 Iomraidhean Croise

San Mateo 25:31

’Asa̱ꞌ caꞌnaꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj, ne̱ niꞌndaj ya̱ sa̱ꞌ veꞌé ga̱a̱ caꞌna̱ꞌ ꞌu̱nj, ne̱ caꞌna̱ꞌ cunuda̱nj nij se‑mo̱zó ꞌu̱nj nij síí gue̱e̱ a. Ne̱ asa̱ꞌ caꞌnáꞌ ꞌu̱nj, ne̱ quita̱j ꞌu̱nj rihaan xrúún ꞌu̱nj chruun xlá niꞌndaj ya̱ veꞌé vaa, ne̱ caꞌne̱ꞌ ꞌu̱nj cacunꞌ cheꞌé yuvii̱ ado̱nj.

San Mateo 26:45

Ga̱a ne̱ canica̱j uún soꞌ caꞌnaꞌ soꞌ rihaan vaꞌnu̱j nij síí tucuꞌyón snana̱ soꞌ, ne̱ cataj soꞌ a: ―Caꞌve̱e coto̱j soj caꞌve̱e nara̱a̱n rá soj á. Ni̱ꞌyaj soj á. Da̱j doj quisi̱j orá ta̱cuachén ꞌo̱ soꞌ mán ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan síí tumé ndoꞌo cacunꞌ ado̱nj.

San Marcos 14:35

Ga̱a ne̱ cavii soꞌ yaníj do̱j tzínꞌ, ne̱ caꞌanj ca̱yáán ru̱j soꞌ nda̱a canó rihaan soꞌ rihaan yoꞌóó, ne̱ cachíín niꞌya̱j soꞌ rihaan Yaꞌanj se vaa sese caꞌve̱e, ne̱ ca̱ráán raꞌa Yaꞌanj xráá soꞌ, se̱ gaa na̱nj quira̱nꞌ soꞌ sayuun a.

San Marcos 14:41

Ga̱a ne̱ síj vaꞌnu̱j caꞌnaꞌ uún soꞌ rej ma̱n vaꞌnu̱j nij síí tucuꞌyón snana̱ soꞌ, ne̱ cataj soꞌ a: ―Caꞌve̱e coto̱j soj caꞌve̱e nara̱a̱n rá soj caꞌve̱e sese vaa yaꞌnúj rihaan soj á. Ni̱ꞌyaj soj á. Quisíj orá ta̱cuachén ꞌo̱ soꞌ manj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan síí tumé ndoꞌo cacunꞌ ado̱nj.

San Juan 12:16

Dan me se nij síí tucuꞌyón snana̱ Jesús me se ga̱a güii catúj Jesús chumanꞌ Jerusalén, ne̱ ne xca̱j nij soꞌ cuentá se vaa quiꞌyaj soꞌ nda̱a vaa cataj nana̱ no̱ rihaan yanj yoꞌ maꞌ. Tza̱j ne̱ nda̱a quisíj güii quinanꞌ Jesús rej xta̱ꞌ ne̱ niꞌndaj ya̱ sa̱ꞌ veꞌé guun chij soꞌ, ga̱a ne̱ ninuj rá nij soꞌ nana̱ no̱ rihaan Danj Yaꞌanj, ne̱ ninuj rá nij soꞌ se vaa guun cheꞌé Jesús a.

San Juan 12:27

’Cuano̱ nihánj me se nanó uxrá rá nimanj chugua̱nj. Ne̱ da̱j qui̱ꞌyáj a̱ ranj a. Cachi̱nj ni̱ꞌyáj rihaan Réj se vaa ti̱nanii soꞌ manj rihaan sayuun qui̱ranj cuano̱, rá soj naꞌ. Taj maꞌ. Cheꞌe̱ yan qui̱ránꞌ ꞌu̱nj sayuun caꞌnaj ado̱nj ―taj Jesús a.

San Juan 13:1

Dan me se ga̱a ataa ca̱nuû Chaꞌanj Pascuá, ne̱ queneꞌen Jesús se vaa nichrunꞌ quisi̱j orá ta̱náj soꞌ chumii̱ nihánj ne̱ quina̱nꞌ soꞌ rihaan Rej soꞌ Yaꞌanj a. Dan me se ꞌe̱e̱ rá soꞌ man nij síí cachéé ga̱ soꞌ rihaan chumii̱ nihánj, ne̱ ꞌo̱ ꞌe̱e̱ rá soꞌ man nij soꞌ nda̱a se caviꞌ soꞌ a.

San Juan 7:39

Da̱nj taj Jesús, caꞌmii soꞌ cheꞌé Nimán Yaꞌanj cu̱nuû nimán nij síí cuchumán rá niꞌya̱j man soꞌ a. ꞌO̱ se ataa caꞌna̱ꞌ Nimán Yaꞌanj rihaan yuvii̱, ese ataa quisi̱j güii quina̱nꞌ Jesús rej xta̱ꞌ ne̱ niꞌndaj ya̱ sa̱ꞌ veꞌé gu̱un chij soꞌ a.