San Juan 12:1 - Triqui de San Juan Copala

¹ Dan me se achiin ꞌó vata̱nꞌ güii ca̱nuû Chaꞌanj Pascuá, ne̱ caꞌanj Jesús chumanꞌ Betania a. Chumanꞌ Betania roꞌ, yáán síí cuꞌna̱j Lázaro síí cunuu iꞌna̱ꞌ uún quiꞌyaj Jesús a.

San Juan 12:1 Iomraidhean Croise

San Mateo 21:17

Ga̱a ne̱ tanáj Jesús man nij soꞌ, ne̱ curiha̱nj soꞌ chumanꞌ Jerusalén, ne̱ caꞌanj soꞌ chumanꞌ Betania, ne̱ caranꞌ soꞌ ꞌo̱ yanꞌ a.

San Marcos 11:11

Ga̱a ne̱ catúj Jesús chumanꞌ Jerusalén ne̱ caꞌanj soꞌ rej ya̱nj nuvií noco̱o, ne̱ niꞌya̱j Jesús man cunuda̱nj nij rasu̱u̱n ma̱n anica̱j rihaan nuvií noco̱o, ne̱ ma̱an cheꞌé se nichrunꞌ gu̱un rmi̱ꞌ, ne̱ cheꞌé dan curiha̱nj uún Jesús ga̱ chuvi̱j nij síí tucuꞌyón snana̱ soꞌ, ne̱ nanica̱j soꞌ caꞌanj soꞌ chumanꞌ Betania a.

San Lucas 24:50

Ga̱a ne̱ nica̱j Jesús man nij soꞌ, caꞌanj soꞌ nda̱a tuꞌva chumanꞌ Betania a. Ga̱a ne̱ naxca̱j soꞌ raꞌa soꞌ, ne̱ cachíín niꞌya̱j soꞌ rihaan Yaꞌanj se vaa veꞌé ra̱cuíj Yaꞌanj man nij soꞌ, ne̱ cavi̱i̱ sa̱ꞌ nij soꞌ a.

San Lucas 7:37

Ne̱ dan me se yáán ꞌo̱ chana̱ niha̱ꞌ rá ga̱ chii chumanꞌ yoꞌ, ga̱a ne̱ cuno noꞌ nana̱ se vaa cuchiꞌ Jesús tucuá síí fariseo yoꞌ chá soꞌ, ga̱a ne̱ cheꞌé dan nica̱j noꞌ ꞌo̱ agaꞌ catzi̱i̱ veꞌé ndoꞌo vaa nu̱u̱ casté gunꞌ da̱j, caꞌanj noꞌ tucuá síí fariseo yoꞌ a.

San Juan 11:1

Dan me se vaa ꞌo̱ síí ranꞌ, ne̱ síí cuꞌna̱j Lázaro me soꞌ, ne̱ síí ya̱nj chumanꞌ Betania me soꞌ a. Ne̱ chumanꞌ Betania yoꞌ me chiháán chana̱ cuꞌna̱j Mariá ga̱ chuꞌvij Mariá chana̱ cuꞌna̱j Marta a.

San Juan 11:43

Quisíj cataj soꞌ da̱nj, ga̱a ne̱ nucua̱j ndoꞌo caguáj soꞌ, cataj soꞌ a: ―Lázaro. Cavi̱i̱ so̱ꞌ caꞌna̱ꞌ so̱ꞌ nihánj á ―taj soꞌ, caguáj soꞌ man Lázaro a.

San Juan 11:44

Ga̱a ne̱ curiha̱nj síí caviꞌ yoꞌ rque yuꞌuj, ne̱ nacutáj yatzéj nu̱ꞌ man soꞌ, ne̱ caráán yatzéj rihaan soꞌ uún a. Ga̱a ne̱ cataj Jesús rihaan nij yuvii̱ a: ―Nache̱ soj yatzéj man soꞌ, ne̱ cache̱e̱ soꞌ caꞌa̱nj soꞌ á ―taj Jesús rihaan nij yuvii̱ a.

San Juan 11:55

Dan me se da̱j doj quisi̱j Chaꞌanj Pascuá chaꞌanj navij rá nij yuvii̱ israelitá a. Cheꞌé dan cavii nij yuvii̱ ya̱nj chumanꞌ leꞌe̱j, ne̱ caꞌanj nij soꞌ chumanꞌ Jerusalén, cheꞌé rej cunu̱u gue̱e̱ nij soꞌ rihaan Yaꞌanj a.

San Juan 12:12

Ga̱a ne̱ güii aꞌyuj me se cuchiꞌ nana̱ rihaan ta̱ranꞌ nij yuvii̱ israelitá nu̱u̱ chumanꞌ Jerusalén navi̱j rá Chaꞌanj Pascuá se vaa catu̱u̱ Jesús chumanꞌ Jerusalén a.

San Juan 12:20

Dan me se mán taꞌa̱j nij síí aꞌmii xnaꞌánj griego, ne̱ si̱j cuchiꞌ chumanꞌ Jerusalén ga̱a anuû Chaꞌanj Pascuá me nij soꞌ, ne̱ cuchiꞌ nij soꞌ cara̱a̱ gue̱e̱ nij soꞌ rihaan Yaꞌanj a.

San Juan 12:9

Dan me se ri̱i̱ nij yuvii̱ israelitá xcaj cuentá se vaa ya̱nj Jesús chumanꞌ Betania, ne̱ cheꞌé dan caꞌanj uxrá nij soꞌ chumanꞌ yoꞌ a. Dan me se né ina̱nj cheꞌé maꞌa̱n Jesús me caꞌanj nij soꞌ maꞌ. ꞌO̱ se me rá nij soꞌ queneꞌe̱n nij soꞌ man síí cuꞌna̱j Lázaro síí cunuu iꞌna̱ꞌ uún quiꞌyaj Jesús a.