San Juan 11:5 - Triqui de San Juan Copala

⁵ Ne̱ Jesús me se nda̱ꞌ se ꞌe̱e̱ ndoꞌo rá soꞌ man chana̱ cuꞌna̱j Marta do̱ꞌ, man chuꞌvij noꞌ chana̱ cuꞌna̱j Mariá do̱ꞌ, man Lázaro do̱ꞌ,

San Juan 11:5 Iomraidhean Croise

San Lucas 10:38

Dan me se va̱j Jesús chrej ga̱ nij síí tucuꞌyón snana̱ soꞌ, ne̱ cuchiꞌ soꞌ ꞌo̱ chumanꞌ, ne̱ dan me se caꞌvej rá ꞌo̱ chana̱ cuꞌna̱j Marta ya̱nj chumanꞌ yoꞌ cara̱nꞌ Jesús tucuá noꞌ a.

San Lucas 10:40

Tza̱j ne̱ Marta roꞌ, da̱j a̱ suun caráyaꞌa̱nj noꞌ a. Dan me se nichrunꞌ Marta rihaan Jesús, ne̱ cataj noꞌ rihaan soꞌ a: ―Me cheꞌé ne rihuun rá so̱ꞌ se vaa dínj yáán chuꞌvij ꞌu̱nj, ne̱ o̱rúnꞌ ma̱ꞌanj ꞌyaj chuvi̱i, ga̱a Seño̱rꞌ. Cata̱j so̱ꞌ rihaan noꞌ se vaa ra̱cuíj noꞌ manj á ―taj Marta rihaan Jesús a.

San Lucas 10:41

Tza̱j ne̱ cataj Jesús rihaan noꞌ a: ―Nanó ndoꞌo rá so̱ꞌ ne̱ aráya̱ꞌáán so̱ꞌ cheꞌé queꞌe̱e̱ suun, Marta.

San Juan 11:1

Dan me se vaa ꞌo̱ síí ranꞌ, ne̱ síí cuꞌna̱j Lázaro me soꞌ, ne̱ síí ya̱nj chumanꞌ Betania me soꞌ a. Ne̱ chumanꞌ Betania yoꞌ me chiháán chana̱ cuꞌna̱j Mariá ga̱ chuꞌvij Mariá chana̱ cuꞌna̱j Marta a.

San Juan 11:3

Dan me se caꞌnéé ro̱j raꞌvij Lázaro yoꞌ nana̱ rihaan Jesús, cataj ro̱j noꞌ a: ―Xa̱ꞌ síí ꞌe̱e̱ rá so̱ꞌ man, tza̱j ne̱ ranꞌ soꞌ, na̱nj Señor ―vaa nana̱ caꞌnéé ro̱j noꞌ rihaan Jesús a.

San Juan 11:36

Cheꞌé dan cataj nij yuvii̱ israelitá rihaan tuviꞌ nij soꞌ a: ―Ni̱ꞌyaj soj á. ꞌO̱ se taꞌvee soꞌ cheꞌé se ꞌe̱e̱ uxrá rá soꞌ niꞌya̱j soꞌ man síí caviꞌ yoꞌ a ―taj nij yuvii̱ niꞌya̱j nij yuvii̱ man Jesús a.

San Juan 11:6

tza̱j ne̱ ga̱a cuno Jesús nana̱ se vaa ranꞌ Lázaro, ne̱ ne cavi̱i̱ raꞌya̱nj soꞌ caꞌa̱nj soꞌ a̱ maꞌ. ꞌO̱ se guun ra̱a̱n soꞌ yavíj güii rej va̱j soꞌ a.

San Juan 11:8

Ga̱a ne̱ cataj nij síí tucuꞌyón snana̱ soꞌ rihaan soꞌ a: ―Cuano̱ nihánj me se guun ndoꞌo rá nij síí uun chij rihaan nij yuvii̱ israelitá go̱ꞌ nij soꞌ yahij mán so̱ꞌ ne̱ cavi̱ꞌ so̱ꞌ á. Se̱ guun caꞌa̱nj so̱ꞌ rej yoꞌ maꞌ ―taj nij soꞌ rihaan Jesús a.

San Juan 16:27

ꞌO̱ se maꞌa̱n Réj Yaꞌanj ꞌe̱e̱ rá man soj, cheꞌé se si̱j aráj cochro̱j rihanj me soj, ne̱ amán rá soj se vaa cavii ꞌu̱nj rihaan Réj Yaꞌanj na̱nj á.

San Juan 17:26

Ne̱ cataj xnaꞌanj ꞌu̱nj rihaan nij soꞌ da̱j si̱j mé so̱ꞌ, ne̱ cata̱j ꞌu̱nj doj rihaan nij soꞌ, cheꞌé rej ga̱a̱ chrej ga̱a̱ ꞌe̱e̱ rá man tuviꞌ nimán nij soꞌ nda̱a vaa ꞌe̱e̱ rá so̱ꞌ manj, ne̱ ca̱yáán ꞌu̱nj ga̱ nij soꞌ a ―taj Jesús, cachíín niꞌya̱j soꞌ rihaan Yaꞌanj a.