San Juan 11:45 - Triqui de San Juan Copala

⁴⁵ Dan me se caꞌanj nij yuvii̱ israelitá ga̱ Mariá, ne̱ queneꞌen nij soꞌ da̱j quiꞌyaj Jesús a. Cheꞌé dan cuchumán rá queꞌe̱e̱ nij yuvii̱ niꞌya̱j nij soꞌ man Jesús a.

San Juan 11:45 Iomraidhean Croise

San Juan 10:41

Ga̱a ne̱ cuchiꞌ uxrá yuvii̱ rihaan soꞌ, ne̱ cataj nij yuvii̱ se vaa Juan Síí Cutaꞌ Ne man yuvii̱ me se a̱ doj suun sa̱ꞌ noco̱o ne quiꞌya̱j soꞌ, tza̱j ne̱ quisíj ya̱ nu̱ꞌ nana̱ cataj xnaꞌanj Juan cheꞌé Jesús a.

San Juan 11:19

Ne̱ a̱j cavii queꞌe̱e̱ nij yuvii̱ israelitá chumanꞌ Jerusalén, ne̱ cuchiꞌ nij soꞌ rihaan Marta do̱ꞌ, rihaan Mariá do̱ꞌ, cheꞌé rej se̱ nanó rá ro̱j noꞌ, cheꞌé se a̱j caviꞌ raꞌvij ro̱j noꞌ a.

San Juan 11:31

Dan me se nij yuvii̱ israelitá yuvii̱ cane rá veꞌ nanó cuentó ga̱ Mariá me se queneꞌen nij soꞌ se vaa raꞌya̱nj canicunꞌ noꞌ ne̱ curiha̱nj noꞌ xeꞌ, ne̱ canocoꞌ nij soꞌ xcó noꞌ, ne̱ curiha̱nj nij soꞌ xeꞌ a. ꞌO̱ se guun rá nij soꞌ se vaa caꞌa̱nj Mariá rihaan yuꞌuj yuvej cheꞌé rej taꞌve̱e noꞌ, rá nij soꞌ a.

San Juan 12:42

Tza̱j ne̱ cuchumán rá queꞌe̱e̱ nij síí uun chij rihaan nij yuvii̱ israelitá niꞌya̱j nij soꞌ man Jesús a. Tza̱j ne̱ ne cata̱j xnaꞌanj nij soꞌ se vaa cuchumán rá nij soꞌ maꞌ. ꞌO̱ se cuchuꞌviꞌ nij soꞌ niꞌya̱j nij soꞌ man nij síí fariseo, se vaa cuta̱ꞌ nij síí fariseo cacunꞌ xráá nij soꞌ, ga̱a ne̱ quiri̱i̱ yaníj nij síí fariseo man nij soꞌ rque veꞌ tucuꞌyón nij síí israelitá stucua̱nj Moisés a.

San Juan 2:23

Dan me se ga̱a aranꞌ Jesús chumanꞌ Jerusalén ga̱a canuû Chaꞌanj Pascuá, ne̱ queneꞌen queꞌe̱e̱ ndoꞌo yuvii̱ nij suun sa̱ꞌ noco̱o quiꞌyaj Jesús, ne̱ cuchumán rá nij soꞌ niꞌya̱j nij soꞌ se‑chuvi̱i soꞌ a.

San Juan 7:31

Ne̱ queꞌe̱e̱ nij yuvii̱ cuchumán rá niꞌya̱j man soꞌ, ne̱ cataj nij soꞌ a: ―Caꞌve̱e se caꞌna̱ꞌ ꞌó soꞌ cata̱j soꞌ se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, tza̱j ne̱ daj chiha̱a̱ míj se̱ quisíj soꞌ quiꞌya̱j soꞌ doj suun sa̱ꞌ noco̱o rihaan suun sa̱ꞌ noco̱o quiꞌyaj síí nihánj a̱ maꞌ ―taj nij yuvii̱ niꞌya̱j nij soꞌ man Jesús a.