San Juan 11:40 - Triqui de San Juan Copala

⁴⁰ Ga̱a ne̱ cataj Jesús rihaan noꞌ a: ―A̱j cataj xnaꞌanj ꞌu̱nj rihaan so̱ꞌ se vaa sese cuchuma̱n rá so̱ꞌ ni̱ꞌyaj so̱ꞌ manj, ga̱a ne̱ que̱neꞌén so̱ꞌ se vaa niꞌndaj ya̱ nucua̱j Yaꞌanj á ―taj Jesús rihaan Marta yoꞌ a.

San Juan 11:40 Iomraidhean Croise

San Mateo 17:20

Ga̱a ne̱ cataj Jesús a: ―Cheꞌé se do̱j amán rá soj, cheꞌé dan ne caꞌve̱e gu̱un nucua̱j soj maꞌ. Tza̱j ne̱ neꞌen soj se vaa caân ma̱n raa̱ cuêj mostazá xlá, ne̱ nda̱ꞌ se tzínꞌ vaa yoꞌ, tza̱j ne̱ asa̱ꞌ achij yoꞌ, ne̱ ase vaa chruun vaa yoꞌ a. Ne̱ ase vaa caân cuêj mostazá xlá yoꞌ roꞌ, da̱nj ga̱a̱ maꞌa̱n soj ado̱nj. Ya̱ ya̱ cata̱j xnaꞌanj ꞌu̱nj rihaan soj se vaa sese ya̱ amán rá soj ne̱ sese cata̱j soj rihaan ꞌo̱ quij se vaa cu̱riha̱nj quij yoꞌ rej nicu̱nꞌ yoꞌ, ne̱ cavi̱i̱ quij yoꞌ ne̱ caꞌa̱nj yoꞌ níchrej ado̱nj. Ne̱ gu̱un nucua̱j soj quiꞌya̱j soj cunuda̱nj na̱nj ado̱nj.

San Marcos 9:23

Ga̱a ne̱ cataj Jesús rihaan soꞌ a: ―Taj cheꞌé gu̱un vi̱j rá so̱ꞌ maꞌ. ꞌO̱ se síí amán rá niꞌya̱j man Yaꞌanj roꞌ, caꞌve̱e quiꞌya̱j soꞌ cunuda̱nj na̱nj ado̱nj ―taj Jesús a.

San Juan 1:14

Ga̱a ne̱ guun snana̱ Yaꞌanj yoꞌ yuvii̱, ne̱ cayáán soꞌ scaꞌnúj níꞌ, ne̱ queneꞌen núj se vaa niꞌndaj ya̱ sa̱ꞌ veꞌé vaa soꞌ, cheꞌé se o̱rúnꞌ Taꞌníí Rej soꞌ Yaꞌanj me soꞌ a. Ne̱ soꞌ me se uxrá ꞌyaj soꞌ se lu̱j do̱ꞌ, aꞌmii soꞌ nana̱ ya̱ do̱ꞌ ado̱nj.

San Juan 11:4

Dan me se cuchiꞌ nana̱ yoꞌ rihaan Jesús, ga̱a ne̱ cataj soꞌ a: ―Né cheꞌe̱ rej ꞌo̱ cavi̱ꞌ Lázaro me quiranꞌ soꞌ a̱ maꞌ. ꞌO̱ se quiranꞌ soꞌ cheꞌé rej veꞌé doj xca̱j yuvii̱ cuentá cheꞌé Yaꞌanj ado̱nj. Dan me se veꞌé doj xca̱j yuvii̱ cuentá cheꞌé ma̱ꞌanj Taꞌni̱j Yaꞌanj, cheꞌé se vaa quiranꞌ Lázaro na̱nj ado̱nj ―taj Jesús a.

San Juan 12:41

Da̱nj caꞌmii Isaías cheꞌé se a̱j queneꞌen soꞌ se vaa niꞌndaj ya̱ sa̱ꞌ veꞌé vaa Jesús, ne̱ cheꞌé dan caꞌmii soꞌ da̱nj cheꞌé Jesús a.

San Juan 9:3

Ga̱a ne̱ cataj Jesús a: ―Né maꞌa̱n soꞌ do̱ꞌ, né re̱j soꞌ ga̱ nii soꞌ do̱ꞌ, me síí tumé cacunꞌ maꞌ. Ma̱an se Yaꞌanj me rá queneꞌe̱n níꞌ da̱j quiꞌya̱j Yaꞌanj cheꞌé soꞌ ado̱nj.

Romanos 6:4

Dan me se ase vaa quiranꞌ Cristó ga̱a cachinꞌ nii man soꞌ roꞌ, da̱nj quiranꞌ níꞌ ga̱a cataꞌ ne níꞌ a. Ne̱ ase vaa ne cache̱e̱ soꞌ rihaan yoꞌóó rque vaꞌnu̱j güii roꞌ, da̱nj ga̱a̱ níꞌ cuano̱ cheꞌé se cataꞌ ne níꞌ, ne̱ se̱ cachéé níꞌ chrej chiꞌi̱i̱ cuano̱ maꞌ. Ga̱a ne̱ ase vaa cunuu iꞌna̱ꞌ uún Cristó ga̱a caviꞌ soꞌ, quiꞌyaj snucua̱j Rej soꞌ Yaꞌanj roꞌ, da̱nj ga̱a̱ cunu̱u naca̱ nimán níꞌ, ne̱ veꞌé uxrá quiꞌya̱j níꞌ ca̱yáán níꞌ ga̱ tuviꞌ níꞌ, quiꞌya̱j Yaꞌanj ado̱nj.

2 Corintios 3:18

Ne̱ taj se aráán rihaan ta̱ranꞌ níꞌ maꞌ. ꞌO̱ se uun nucua̱j níꞌ neꞌen níꞌ man Síí ꞌNi̱j Raꞌa man níꞌ, se vaa niꞌndaj ya̱ veꞌé vaa soꞌ, ne̱ ase vaa soꞌ roꞌ, da̱nj ga̱a̱ uún maꞌa̱n níꞌ, cheꞌé se niꞌya̱j níꞌ man soꞌ ado̱nj. Dan me se do̱ꞌ do̱ꞌ naquiꞌyaj sa̱ꞌ Nimán Yaꞌanj Si̱j ꞌNi̱j Raꞌa man níꞌ nimán níꞌ, ne̱ dan me se ne̱ soꞌ nimán níꞌ, ne̱ ase vaa maꞌa̱n soꞌ roꞌ, da̱nj ga̱a̱ ta̱ranꞌ níꞌ uún ado̱nj.

2 Corintios 4:6

ꞌO̱ se Yaꞌanj me síí cataj se vaa chugu̱u̱n rihaan chumii̱, ne̱ da̱nj caꞌmii Yaꞌanj ga̱a naá uxrá ga̱a vaa rmi̱ꞌ rihaan chumii̱ nihánj, ga̱a ne̱ cuchuguu̱n rihaan chumii̱ nihánj, ne̱ ya̱j me se chuguu̱n nimán núj, quiꞌyaj uún Yaꞌanj á. Cheꞌé dan me guun nucua̱j núj cataj xnaꞌanj núj rihaan yuvii̱ se vaa niꞌndaj ya̱ sa̱ꞌ veꞌé vaa Yaꞌanj, ne̱ sese cuno̱ nij yuvii̱ snana̱ Cristó, ne̱ xca̱j nij soꞌ cuentá se vaa sa̱ꞌ uxrá quiꞌyaj Yaꞌanj ado̱nj.