San Juan 11:21 - Triqui de San Juan Copala

²¹ Ga̱a ne̱ cataj Marta rihaan Jesús a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor.

San Juan 11:21 Iomraidhean Croise

San Mateo 9:18

Ga̱a caꞌmii Jesús nana̱ yoꞌ rihaan nij síí tucuꞌyón snana̱ síí cuꞌna̱j Juan, ne̱ cuchiꞌ ꞌo̱ síí nica̱j suun rihaan Jesús, ne̱ cayáán ru̱j soꞌ, cachíín niꞌya̱j soꞌ rihaan Jesús, cataj soꞌ a: ―Tiha̱j caviꞌ taꞌníj chala̱ cunii a. Tza̱j ne̱ qui̱ꞌyáá so̱ꞌ se ndoꞌo, caꞌa̱nj níꞌ, ne̱ cuta̱ꞌ so̱ꞌ raꞌá so̱ꞌ xráá noꞌ, ne̱ cunu̱u iꞌna̱ꞌ uún noꞌ na̱nj rugua̱nj ―taj soꞌ, cachíín niꞌya̱j soꞌ rihaan Jesús a.

San Juan 11:2

Ne̱ chana̱ cuꞌna̱j Mariá yoꞌ me se noꞌ me chana̱ caxríj casté gunꞌ da̱j tacóó Síí ꞌNi̱j Raꞌa man níꞌ, ne̱ yuvé raa̱ maꞌa̱n noꞌ tanacoo̱ noꞌ tacóó soꞌ a. Dan me se raꞌvij noꞌ me síí cuꞌna̱j Lázaro síí ranꞌ yoꞌ a.

San Juan 11:3

Dan me se caꞌnéé ro̱j raꞌvij Lázaro yoꞌ nana̱ rihaan Jesús, cataj ro̱j noꞌ a: ―Xa̱ꞌ síí ꞌe̱e̱ rá so̱ꞌ man, tza̱j ne̱ ranꞌ soꞌ, na̱nj Señor ―vaa nana̱ caꞌnéé ro̱j noꞌ rihaan Jesús a.

San Juan 11:32

Dan me se ga̱a cuchiꞌ Mariá rej nicu̱nꞌ Jesús, ga̱a ne̱ queneꞌen noꞌ man soꞌ, ga̱a ne̱ cayáán ru̱j noꞌ rihaan Jesús, ga̱a ne̱ cataj noꞌ a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor ―taj noꞌ rihaan Jesús a.

San Juan 11:37

Ga̱a ne̱ taꞌa̱j nij yuvii̱ cataj a: ―ꞌO̱ se si̱j guun nucua̱j nacuchraꞌ rihaan síí tuchri̱i me síí nihánj á. Cheꞌé dan uun nucua̱j soꞌ naquiꞌya̱j sa̱ꞌ soꞌ man Lázaro ado̱nj. Sese cayáán soꞌ nihánj, ne̱ ne cavi̱ꞌ Lázaro asuun tza̱j maꞌ ―taj taꞌa̱j nij yuvii̱ yoꞌ a.