San Juan 11:18 - Triqui de San Juan Copala

¹⁸ Dan me se nichru̱nꞌ naj chumanꞌ Betania ga̱ chumanꞌ Jerusalén, ne̱ o̱rúnꞌ vaꞌnu̱j kilómetro naj chumanꞌ Jerusalén yoꞌ a.

San Juan 11:18 Iomraidhean Croise

San Mateo 21:17

Ga̱a ne̱ tanáj Jesús man nij soꞌ, ne̱ curiha̱nj soꞌ chumanꞌ Jerusalén, ne̱ caꞌanj soꞌ chumanꞌ Betania, ne̱ caranꞌ soꞌ ꞌo̱ yanꞌ a.

San Lucas 24:13

Dan me se vi̱j nij síí tucuꞌyón snana̱ Jesús roꞌ, va̱j ro̱j soꞌ chrej veé ma̱an güii cotungó yoꞌ a. Ne̱ caꞌanj ro̱j soꞌ nda̱a ꞌo̱ chumanꞌ na̱j xa̱a̱n kilómetro ga̱ chumanꞌ Jerusalén, ne̱ Emaús cuꞌna̱j chumanꞌ yoꞌ a.

San Juan 11:1

Dan me se vaa ꞌo̱ síí ranꞌ, ne̱ síí cuꞌna̱j Lázaro me soꞌ, ne̱ síí ya̱nj chumanꞌ Betania me soꞌ a. Ne̱ chumanꞌ Betania yoꞌ me chiháán chana̱ cuꞌna̱j Mariá ga̱ chuꞌvij Mariá chana̱ cuꞌna̱j Marta a.

San Juan 6:19

Ne̱ dan me se ꞌu̱nꞌ kilómetro tucuachéé nij soꞌ rihoo rihaan na, ga̱a ne̱ queneꞌen nij soꞌ se vaa chéé Jesús rihaan na ꞌnaꞌ soꞌ, ne̱ ga̱a nichrunꞌ soꞌ rihaan rihoo yoꞌ, ne̱ cuchuꞌviꞌ ndoꞌo nij soꞌ a.

Apocalipsis 14:20

Ga̱a ne̱ rej tuꞌva chumanꞌ quirii nii man chruj uvá, ne̱ rej yoꞌ me canuu nii man chruj uvá yoꞌ, ne̱ curiha̱nj ndoꞌo ton rque xruj xi̱j yoꞌ, ne̱ quisíj ton yoꞌ nda̱a tuꞌva nij cuayó yoꞌ rej nu̱u̱ rtá, ne̱ vaꞌnu̱j cientó kilómetro ya̱ cunánj ton yoꞌ rej ga̱nꞌ rihaan yoꞌóó a.

Apocalipsis 21:16

Ne̱ dan me se cuya̱a̱n vaa rej xca̱a̱n ga̱ rej caxra̱ꞌ man chumanꞌ yoꞌ a. Ga̱a ne̱ xcaj taꞌngaꞌ soꞌ chumanꞌ yoꞌ, ne̱ vi̱j míj táá vi̱j cientó (2,200) kilómetro vaa chumanꞌ yoꞌ a. Dan me se cuya̱a̱n vaa rej xca̱a̱n do̱ꞌ, rej caxra̱ꞌ do̱ꞌ, rej xta̱ꞌ do̱ꞌ, man chumanꞌ yoꞌ a.