San Juan 11:11 - Triqui de San Juan Copala

¹¹ Dan me se quisíj caꞌmii soꞌ da̱nj, ga̱a ne̱ cataj uún soꞌ a: ―Ne̱ xa̱ꞌ tuviꞌ níꞌ síí cuꞌna̱j Lázaro, tza̱j ne̱ otoj soꞌ a. Tza̱j ne̱ caꞌa̱nj yaj, cheꞌé rej nari̱i̱ ꞌu̱nj nej rihaan soꞌ a ―taj Jesús rihaan nij síí tucuꞌyón snana̱ soꞌ a.

San Juan 11:11 Iomraidhean Croise

San Mateo 27:52

ne̱ xꞌnúj rej cachinꞌ nii man nij síí caviꞌ, ne̱ cunuu iꞌna̱ꞌ uún queꞌe̱e̱ nij síí noco̱ꞌ man Yaꞌanj caviꞌ asi̱j rque̱ a.

San Mateo 9:24

Ga̱a ne̱ cataj soꞌ a: ―Cu̱riha̱nj soj xeꞌ á. ꞌO̱ se ne cavi̱ꞌ chala̱ cunii nihánj maꞌ. Ma̱an se otoj u̱u̱n noꞌ na̱nj á ―taj Jesús rihaan nij yuvii̱ ma̱n rá veꞌ yoꞌ a. Ga̱a ne̱ caꞌngaꞌ naco̱o̱ nij yuvii̱ niꞌya̱j nij soꞌ man Jesús a.

San Marcos 5:39

Ga̱a ne̱ catúj Jesús rá veꞌ, ne̱ cataj soꞌ rihaan nij yuvii̱ a: ―Me cheꞌé taꞌvee aguáj nij soj ga̱. Ne cavi̱ꞌ chala̱ cunii nihánj maꞌ. Ma̱an se otoj u̱u̱n noꞌ na̱nj á ―taj Jesús a.

San Juan 11:10

Tza̱j ne̱ sese cache̱e̱ ꞌo̱ soꞌ rej nii̱, ne̱ naxru̱ꞌ soꞌ, cheꞌé se taj va̱j yaꞌan chuguu̱n nimán soꞌ ado̱nj ―taj Jesús a.

San Juan 11:12

Cheꞌé dan cataj nij síí tucuꞌyón snana̱ soꞌ rihaan soꞌ a: ―ꞌO̱ se sese otoj soꞌ, ne̱ cunu̱u sa̱ꞌ maꞌa̱n soꞌ, Señor ―taj nij soꞌ rihaan Jesús a.

San Juan 11:13

Dan me se nana̱ dan caꞌmii Jesús cheꞌé se a̱j caviꞌ Lázaro, tza̱j ne̱ nij síí tucuꞌyón snana̱ Jesús me se guun rá nij soꞌ se vaa ya̱ ya̱ otoj u̱u̱n Lázaro, taj Jesús, rá nij soꞌ a.

San Juan 11:3

Dan me se caꞌnéé ro̱j raꞌvij Lázaro yoꞌ nana̱ rihaan Jesús, cataj ro̱j noꞌ a: ―Xa̱ꞌ síí ꞌe̱e̱ rá so̱ꞌ man, tza̱j ne̱ ranꞌ soꞌ, na̱nj Señor ―vaa nana̱ caꞌnéé ro̱j noꞌ rihaan Jesús a.

San Juan 3:29

Ase vaa síí xcaj man chana̱ ne̱ naraꞌa̱a roꞌ, vaa soꞌ, ne̱ ase vaa tuviꞌ síí naraꞌa̱a roꞌ, da̱nj vaa ꞌu̱nj a. Ne̱ nicúnꞌ ꞌu̱nj unó ꞌu̱nj se vaa aꞌmii soꞌ, ne̱ uun niha̱ꞌ uxrá raj, ꞌyaj nana̱ aꞌmii síí naraꞌa̱a, ne̱ cheꞌé dan me uun niha̱ꞌ uxrá raj ado̱nj.

Hechos 7:60

Ga̱a ne̱ canicunꞌ ru̱j soꞌ, ne̱ nucua̱j ndoꞌo caguáj soꞌ, cataj soꞌ a: ―Señor, se̱ caraá so̱ꞌ cacunꞌ nihánj xráá nij soꞌ maꞌ ―taj soꞌ, ga̱a ne̱ caviꞌ soꞌ a.

1 Corintios 15:18

ne̱ nij síí caviꞌ noco̱ꞌ man Cristó me se cuchumán rmaꞌa̱n rá nij soꞌ, ne̱ caꞌanj nij soꞌ rihaan yaꞌan uún vaa ga̱a na̱nj asânj.

1 Corintios 15:34

No̱ xcúún soj xca̱j naca̱ soj cuentá, ne̱ caꞌne̱ꞌ rá soj ga̱ suun ꞌyaj cacunꞌ á. ꞌO̱ se taꞌa̱j soj me síí ne neꞌen uxrá da̱j vaa Yaꞌanj, raj a̱ maꞌ. ꞌO̱ se vaa cheꞌé gu̱un naꞌa̱j soj chugua̱nj.

1 Corintios 15:51

Cuno̱ soj á. Cata̱j xnaꞌanj ꞌu̱nj rihaan nij soj ꞌo̱ nana̱ sa̱ꞌ yuve̱ tihaa̱n naca̱ Yaꞌanj rihanj na̱nj á: Se̱ caviꞌ ta̱ranꞌ níꞌ maꞌ. ꞌO̱ se vaa güii, ne̱ rque o̱rúnꞌ orá leꞌe̱j nii yu̱u̱n cheꞌe̱ cunu̱u ino̱ ta̱ranꞌ níꞌ,

Efesios 5:14

ꞌO̱ se yaꞌan chuguu̱n me se ya̱ ruviꞌ nu̱ꞌ nij rasu̱u̱n ꞌyaj yaꞌan ado̱nj. Cheꞌé dan taj nana̱ nihánj a: Nari̱i̱ soj nej, si̱j otoj scaꞌnúj nij xnangá, ne̱ na̱xagaa soj, canicu̱nꞌ caya̱ soj, ne̱ Cristó me síí chugu̱u̱n rihaan soj á, taj nana̱ yoꞌ a.

1 Tesalonicenses 5:10

Ne̱ Cristó me síí caviꞌ cheꞌé níꞌ, ne̱ cheꞌé dan asa̱ꞌ caꞌnaꞌ uún soꞌ caꞌve̱e se a̱j cavi̱ꞌ níꞌ, caꞌve̱e se ga̱a̱ iꞌna̱ꞌ níꞌ, tza̱j ne̱ ca̱yáán rcuaꞌa̱a̱n cunuda̱nj níꞌ ga̱ soꞌ ado̱nj.

Santiago 2:23

Ne̱ quisíj ya̱ nu̱ꞌ snana̱ Yaꞌanj nana̱ nihánj a: “Cuchumán rá Abraham niꞌya̱j soꞌ man Yaꞌanj, ne̱ cheꞌé dan cataj Yaꞌanj se vaa si̱j sa̱ꞌ nimán me Abraham a.” Ne̱ síí chéé ga̱ Yaꞌanj me Abraham, taj nii uún a.