San Juan 10:38 - Triqui de San Juan Copala

³⁸ Tza̱j ne̱ sese ya̱ ꞌyáá ꞌu̱nj se‑su̱u̱n Réj Yaꞌanj, ne̱ caꞌve̱e se ne amán rá soj niꞌya̱j soj man ma̱ꞌanj, tza̱j ne̱ vaa cheꞌé cuchuma̱n rá soj ni̱ꞌyaj soj man nij suun sa̱ꞌ noco̱o quiꞌyáj á. Nda̱a síj, ga̱a ne̱ xca̱j soj cuentá, ga̱a ne̱ ꞌo̱ queneꞌe̱n soj se vaa ya̱nj Réj Yaꞌanj ga̱j, ne̱ ya̱nj ꞌu̱nj ga̱ Réj Yaꞌanj uún ado̱nj ―taj Jesús a.

San Juan 10:38 Iomraidhean Croise

San Juan 10:25

Ga̱a ne̱ cataj Jesús rihaan nij soꞌ a: ―A̱j cataj xnaꞌanj ꞌu̱nj rihaan soj, tza̱j ne̱ naꞌvej rá soj cuchuma̱n rá soj a̱ maꞌ. Ne̱ xa̱ꞌ suun sa̱ꞌ noco̱o ꞌyáá ꞌu̱nj cheꞌé Réj Yaꞌanj, tza̱j ne̱ maꞌa̱n nij suun sa̱ꞌ noco̱o yoꞌ taj xnaꞌanj da̱j si̱j mej ado̱nj.

San Juan 10:30

ꞌO̱ se ase vaa o̱rúnꞌ yuvii̱ vaa ꞌu̱nj ga̱ Réj ado̱nj ―taj Jesús rihaan nij soꞌ a.

San Juan 11:4

Dan me se cuchiꞌ nana̱ yoꞌ rihaan Jesús, ga̱a ne̱ cataj soꞌ a: ―Né cheꞌe̱ rej ꞌo̱ cavi̱ꞌ Lázaro me quiranꞌ soꞌ a̱ maꞌ. ꞌO̱ se quiranꞌ soꞌ cheꞌé rej veꞌé doj xca̱j yuvii̱ cuentá cheꞌé Yaꞌanj ado̱nj. Dan me se veꞌé doj xca̱j yuvii̱ cuentá cheꞌé ma̱ꞌanj Taꞌni̱j Yaꞌanj, cheꞌé se vaa quiranꞌ Lázaro na̱nj ado̱nj ―taj Jesús a.

San Juan 14:20

’Asa̱ꞌ queneꞌen soj manj ne̱ queneꞌe̱n soj se vaa cuya̱a̱n vaa rá ꞌu̱nj ga̱ Réj, ne̱ cuya̱a̱n ga̱a̱ rá soj ga̱ ꞌu̱nj, ne̱ cuya̱a̱n ga̱a̱ rá ꞌu̱nj ga̱ soj na̱nj ado̱nj.

San Juan 17:11

’Ne̱ nihánj me se nuvíꞌ ꞌu̱nj yáán rihaan chumii̱ nihánj a̱ maꞌ. Tza̱j ne̱ nij síí nihánj yáán rihaan chumii̱ nihánj ado̱nj. ꞌU̱nj me se quina̱nꞌ ꞌu̱nj rej ya̱nj so̱ꞌ na̱nj ado̱nj. Dan me se nij síí rqué so̱ꞌ manj me se qui̱ꞌyáá so̱ꞌ se ndoꞌo, ne̱ tu̱mé so̱ꞌ man nij soꞌ cheꞌé se‑chu̱vií so̱ꞌ, cheꞌé rej ꞌo̱ cuno̱ nij soꞌ rihaan so̱ꞌ, Ata̱j Chij Síí Sa̱ꞌ Ina̱nj. Ne̱ cuya̱a̱n ga̱a̱ rá nimán nij soꞌ nda̱a vaa cuya̱a̱n vaa rá nimán ro̱ꞌ á.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.

San Juan 5:36

’Ne̱ xa̱ꞌ ꞌu̱nj nihánj, tza̱j ne̱ sa̱ꞌ doj vaa síí taj xnaꞌanj cheꞌé ꞌu̱nj rihaan síí cuꞌna̱j Juan a. Dan me se vaa suun caꞌneꞌ Réj rihanj se vaa ya̱ quisi̱j suun sa̱ꞌ yoꞌ qui̱ꞌyáj, ne̱ cheꞌé dan me ꞌyáá ꞌu̱nj nij suun sa̱ꞌ yoꞌ a. Cheꞌé maꞌa̱n suun sa̱ꞌ yoꞌ caꞌve̱e xca̱j soj cuentá se vaa si̱j caꞌnéé Réj Yaꞌanj mej ado̱nj.

Hechos 2:22

’Ne̱ cuano̱ nihánj me se cuno̱ soj si̱j israelitá nana̱ nihánj á. Dan me se a̱j queneꞌen nij soj da̱j quiꞌyaj Jesús síí cavii chumanꞌ Nazaret, se vaa guun nucua̱j soꞌ quiꞌyaj ndoꞌo soꞌ da̱j a̱ nij suun sa̱ꞌ noco̱o tihaa̱n se vaa ya̱ Síí Caꞌnéé Yaꞌanj me soꞌ ado̱nj.

1 Juan 3:24

Ne̱ síí uno suun caꞌneꞌ Yaꞌanj rihaan níꞌ roꞌ, soꞌ me síí ꞌo̱ nocoꞌ man Yaꞌanj, ne̱ ꞌo̱ ne Yaꞌanj ga̱ soꞌ ado̱nj. Ne̱ nihánj me rej neꞌen níꞌ se vaa ꞌo̱ ne Yaꞌanj ga̱ níꞌ na̱nj ado̱nj. ꞌO̱ se rqué Yaꞌanj Nimán Yaꞌanj man níꞌ ado̱nj.