San Juan 10:19 - Triqui de San Juan Copala

¹⁹ Ga̱a ne̱ cuxraꞌ taꞌa̱j uún nij yuvii̱ israelitá man nij soꞌ, ga̱a cuno nij soꞌ nana̱ yoꞌ a.

San Juan 10:19 Iomraidhean Croise

San Juan 6:52

Dan me se nuchruj ra̱a̱ ndoꞌo nij síí uun chij yoꞌ ga̱ tuviꞌ nij soꞌ, ne̱ xnáꞌanj nij soꞌ man tuviꞌ nij soꞌ a: ―Asa̱ꞌ caꞌve̱e rque̱ síí nihánj nee̱ man maꞌa̱n soꞌ cha̱ yuvii̱ ga̱ ―taj nij soꞌ, xnáꞌanj nij soꞌ man tuviꞌ nij soꞌ a.

San Juan 9:16

Cheꞌé dan cataj taꞌa̱j nij síí fariseo a: ―Né si̱j caꞌnéé Yaꞌanj rihaan níꞌ me síí quiꞌyaj naxraꞌ rihaan síí nihánj a̱ maꞌ. ꞌO̱ se ꞌyaj suun soꞌ güii no̱ xcúún níꞌ nara̱a̱n rá níꞌ ado̱nj ―taj taꞌa̱j nij síí fariseo yoꞌ a. Tza̱j ne̱ ꞌó taꞌa̱j nij soꞌ cataj a: ―Tza̱j ne̱ né si̱j tumé cacunꞌ me soꞌ a̱ maꞌ. ꞌO̱ se ꞌo̱ síí tumé cacunꞌ me se daj chiha̱a̱ míj se̱ guun nucua̱j soꞌ quiꞌya̱j soꞌ suun sa̱ꞌ noco̱o nda̱a vaa quiꞌyaj síí nihánj a̱ maan ado̱nj ―taj ꞌó taꞌa̱j nij síí fariseo yoꞌ a. Dan me se cuxraꞌ taꞌa̱j nij síí fariseo man nij soꞌ, ne̱ ino̱ guun rá nij soꞌ ga̱ tuviꞌ nij soꞌ niꞌya̱j nij soꞌ man Jesús a.

Hechos 14:4

Ga̱a ne̱ xraꞌ taꞌa̱j nij yuvii̱ ma̱n chumanꞌ yoꞌ a. ꞌO̱ se taꞌa̱j nij soꞌ roꞌ, canocoꞌ snana̱ nij síí israelitá síí naꞌvej rá cuno̱ snana̱ Yaꞌanj, ne̱ ꞌó taꞌa̱j nij soꞌ roꞌ, canocoꞌ snana̱ ro̱j síí cuneꞌ Jesucristó caꞌa̱nj nata̱ꞌ snana̱ soꞌ a.

1 Corintios 11:18

Asino ya̱a̱n cata̱j xnaꞌanj ꞌu̱nj rihaan soj cheꞌé se vaa ne cuya̱a̱n vaa rá ta̱ranꞌ soj a̱ maan chugua̱nj. Dan me se caꞌnaꞌ nana̱ rihanj se vaa ga̱a nuu chre̱ꞌ xꞌneꞌ nij soj, ne̱ uun yaníj taꞌa̱j soj rihaan tuviꞌ soj, ne̱ ino̱ vaa rá taꞌa̱j ꞌo̱ ꞌo̱ soj, ne̱ xa̱ꞌ nana̱ yoꞌ, tza̱j ne̱ nana̱ ya̱ me nana̱ yoꞌ, raj na̱nj á.

1 Corintios 3:3

Dan me se ꞌyaj ndoꞌo soj se vaa me rá ina̱nj nee̱ man soj quiꞌya̱j soj, ne̱ dan me se uun xco̱j ruva̱a̱ ndoꞌo rá soj niꞌya̱j soj tinúú soj, ne̱ cheꞌé dan aꞌmii anó tuviꞌ soj ga̱ tinúú soj, ne̱ ase vaa na̱j guun yuvii̱ ma̱n rihaan chumii̱ nihánj roꞌ, da̱nj vaa soj ado̱nj.