San Juan 1:38 - Triqui de San Juan Copala

³⁸ Ga̱a ne̱ canica̱j Jesús, ne̱ queneꞌen soꞌ se vaa canocoꞌ ro̱j soꞌ man soꞌ, ne̱ cataj Jesús rihaan ro̱j soꞌ a: ―Vaa se achiin man ro̱j so̱j naꞌ ―taj Jesús, xnáꞌanj Jesús man ro̱j soꞌ a. Ga̱a ne̱ xnáꞌanj ro̱j soꞌ, cataj ro̱j soꞌ a: ―Maestro, me rej aránꞌ so̱ꞌ ga̱ ―cataj ro̱j soꞌ, xnáꞌanj ro̱j soꞌ man Jesús a.

San Juan 1:38 Iomraidhean Croise

San Lucas 10:39

Ne̱ yáán chuꞌvij noꞌ chana̱ cuꞌna̱j Mariá ga̱ noꞌ, ne̱ dan me se caꞌanj ca̱yáán chuꞌvij noꞌ Mariá tacóó Jesús, ne̱ nanó xre̱j noꞌ snana̱ soꞌ a.

San Lucas 14:25

Dan me se ri̱i̱ uxrá yuvii̱ vaj ga̱ Jesús, ne̱ canica̱j soꞌ, cataj soꞌ rihaan nij yuvii̱ a:

San Lucas 15:20

’Ga̱a ne̱ cavii soꞌ caꞌanj soꞌ rej ya̱nj rej soꞌ a. Dan me se ga̱nꞌ ndoꞌo va̱j soꞌ chéé soꞌ, ne̱ queneꞌen rej soꞌ man soꞌ, ne̱ cunuu ꞌe̱e̱ ndoꞌo rá rej soꞌ man soꞌ, ne̱ cunánj rej soꞌ nda̱a rej va̱j soꞌ, ne̱ naꞌya̱a̱n rej soꞌ man soꞌ, ne̱ cachrón tuꞌva̱ rej soꞌ man soꞌ a.

San Lucas 19:5

Dan me se ga̱a cuchiꞌ Jesús tacóó chruun ta̱j Zaqueo, ne̱ niꞌya̱j Jesús raa̱ chruun, ne̱ cataj soꞌ rihaan Zaqueo a: ―Nani̱j so̱ꞌ cuaj rihaan yoꞌóó, Zaqueo. ꞌO̱ se vaa cheꞌé ndoꞌo ca̱ránꞌ ꞌu̱nj veꞌ tucuá so̱ꞌ cuanꞌ á ―taj Jesús rihaan Zaqueo a.

San Lucas 22:61

Ga̱a ne̱ canica̱j Jesús Si̱j ꞌNi̱j Raꞌa man níꞌ, ne̱ niꞌya̱j soꞌ man Pedró, ga̱a ne̱ nanuj rá Pedró snana̱ soꞌ ga̱a cataj soꞌ rihaan Pedró a: “Neꞌén ꞌu̱nj se vaa asa̱ꞌ ataa cagua̱j taꞌloo nii̱ corá, ne̱ vaꞌnu̱j cata̱j so̱ꞌ se vaa ne neꞌén so̱ꞌ manj maꞌ”, cataj Síí ꞌNi̱j Raꞌa man níꞌ rihaan Pedró quii a.

San Lucas 8:38

Ga̱a ne̱ rquee̱ síí nahuun sa̱ꞌ rihaan Jesús se vaa caꞌve̱j rá Jesús caꞌa̱nj soꞌ ga̱ Jesús, tza̱j ne̱ ne caꞌve̱j rá Jesús maꞌ. Ga̱a ne̱ cataj Jesús a:

San Juan 1:37

Dan me se cuno ro̱j síí tucuꞌyón snana̱ Juan nana̱ caꞌmii soꞌ, ne̱ canocoꞌ ro̱j soꞌ man Jesús a.

San Juan 1:39

Ga̱a ne̱ cataj Jesús rihaan ro̱j soꞌ a: ―Caꞌa̱nj níꞌ, ne̱ queneꞌe̱n ro̱j soj á ―taj Jesús a. Cheꞌé dan me caꞌanj ro̱j soꞌ, ne̱ queneꞌen ro̱j soꞌ rej aranꞌ Jesús, ne̱ cunuû ro̱j soꞌ tucuá soꞌ cunu̱ꞌ güii yoꞌ a. Dan me se agaꞌ caꞌa̱nj rej anocoꞌ güii me orá caꞌmii ro̱j soꞌ ga̱ Jesús a.

San Juan 1:49

Ga̱a ne̱ cataj Natanael a: ―Taꞌni̱j Yaꞌanj mé so̱ꞌ, maestro. Si̱j nica̱j suun rey uun chij rihaan níꞌ si̱j israelitá mé so̱ꞌ á ―taj Natanael a.

San Juan 12:21

Dan me se cuchiꞌ nij soꞌ rihaan síí cuꞌna̱j Felipé síí cavii chumanꞌ Betsaida chumanꞌ na̱j estadó Galilea, ga̱a ne̱ cachíín niꞌya̱j nij soꞌ man soꞌ, ne̱ cataj nij soꞌ a: ―Me ndoꞌo rá núj caꞌmi̱i̱ núj do̱j ga̱ Jesús, señor ―taj nij soꞌ rihaan Felipé a.

San Juan 18:4

Dan me se queneꞌen Jesús nu̱ꞌ se vaa quira̱nꞌ soꞌ, tza̱j ne̱ curiha̱nj soꞌ, ne̱ cataj soꞌ rihaan nij soꞌ a: ―Me síí nanoꞌ soj ga̱ ―taj soꞌ, xnáꞌanj soꞌ man nij soꞌ a.

San Juan 18:7

Ga̱a ne̱ xnáꞌanj uún Jesús man nij soꞌ, cataj soꞌ a: ―Me síí nanoꞌ soj ga̱ ―taj uún Jesús a. Ga̱a ne̱ cataj uún nij soꞌ a: ―Jesús síí cavii chumanꞌ Nazaret a ―taj uún nij soꞌ a.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.

San Juan 3:26

Veé dan, ne̱ cuchiꞌ nij síí tucuꞌyón snana̱ Juan rihaan maꞌa̱n Juan, ne̱ cataj nij soꞌ a: ―Síí chéé ga̱ so̱ꞌ ga̱a va̱j níꞌ rej rne̱j tuꞌva chráá cuꞌna̱j Jordán roꞌ, síí natáꞌ so̱ꞌ cheꞌé roꞌ, utaꞌ ne soꞌ man yuvii̱ cuano̱, ne̱ ꞌanj ta̱ranꞌ nij yuvii̱ rej va̱j soꞌ, maestro ―taj nij síí tucuꞌyón snana̱ Juan rihaan Juan a.

San Juan 4:31

Dan me se ga̱a caꞌmii chana̱ ga̱ nij síí ma̱n chumanꞌ yoꞌ, ne̱ guun cheꞌe̱ nij síí tucuꞌyón snana̱ Jesús rquee̱ nij soꞌ se chá man Jesús, cataj nij soꞌ a: ―Cha̱ so̱ꞌ do̱j se chá, maestro ―taj nij soꞌ a.

San Juan 6:25

Dan me se nariꞌ nij soꞌ man Jesús chumanꞌ Capernaum, ga̱a ne̱ xnáꞌanj nij soꞌ man soꞌ, cataj nij soꞌ a: ―Aman caꞌnáꞌ so̱ꞌ nihánj, ga̱a maestro̱ꞌ ―taj nij yuvii̱, xnáꞌanj nij soꞌ man Jesús a.

Hechos 10:21

Ga̱a ne̱ nanij Pedró nda̱a rej nicu̱nꞌ vaꞌnu̱j nij snóꞌo, ne̱ cataj soꞌ rihaan nij soꞌ a: ―ꞌU̱nj nihánj me síí nanoꞌ nij soj ado̱nj. Ne̱ me cheꞌé caꞌnaꞌ soj nihánj ga̱ ―taj Pedró, xnáꞌanj soꞌ man nij soꞌ a.

Hechos 10:29

Cheꞌé dan ga̱a canacúún Cornelió nihánj manj, ne̱ ne cata̱j ꞌu̱nj se vaa se̱ caꞌanj ꞌu̱nj maꞌ. Tana̱nj caꞌnáꞌ ꞌu̱nj cuaj na̱nj á. Ne̱ nihánj me se cata̱j xnaꞌanj nij soj rihanj da̱j me cheꞌé canacúún nij soj manj caꞌna̱j á ―taj Pedró rihaan nij tuvi̱ꞌ Cornelió a.