San Juan 1:19 - Triqui de San Juan Copala

¹⁹ Ne̱ nij síí uun chij rihaan nij yuvii̱ israelitá síí ma̱n chumanꞌ Jerusalén me se caꞌnéé nij soꞌ man xrej do̱ꞌ, man síí racuíj man nij xrej do̱ꞌ, se vaa caꞌa̱nj nij soꞌ xna̱ꞌanj nij soꞌ man síí cuꞌna̱j Juan me síí me Juan a.

San Juan 1:19 Iomraidhean Croise

San Juan 1:7

Ne̱ caꞌnaꞌ soꞌ cata̱j xnaꞌanj soꞌ cheꞌé yaꞌan chuguu̱n yoꞌ, ne̱ me rá soꞌ cuchuma̱n rá cunuda̱nj yuvii̱ ni̱ꞌyaj nij yuvii̱ man yaꞌan chuguu̱n yoꞌ a.

San Juan 10:24

ne̱ cunuu chre̱ꞌ nij síí uun chij rihaan nij yuvii̱ israelitá, ne̱ ꞌo̱ tucuachriin nij soꞌ nu̱ꞌ anica̱j man Jesús a. Ga̱a ne̱ cataj nij soꞌ a: ―Nda̱a aman me quisi̱j güii gu̱un ya̱ ya̱ rá nimán núj ni̱ꞌyaj núj mán so̱ꞌ ga̱. ꞌO̱ se cata̱j xnaꞌanj yá yá so̱ꞌ rihaan núj sese ya̱ Si̱j Caꞌnéé Yaꞌanj Ti̱nanii man Yuvii̱ rihaan Sayuun me yá so̱ꞌ á ―taj nij soꞌ rihaan Jesús a.

San Juan 10:31

Ga̱a ne̱ taꞌaa uún nij síí uun chij rihaan nij yuvii̱ israelitá yahij go̱ꞌ nij soꞌ man Jesús a.

San Juan 11:19

Ne̱ a̱j cavii queꞌe̱e̱ nij yuvii̱ israelitá chumanꞌ Jerusalén, ne̱ cuchiꞌ nij soꞌ rihaan Marta do̱ꞌ, rihaan Mariá do̱ꞌ, cheꞌé rej se̱ nanó rá ro̱j noꞌ, cheꞌé se a̱j caviꞌ raꞌvij ro̱j noꞌ a.

San Juan 2:18

Ga̱a ne̱ cataj nij síí uun chij rihaan nij yuvii̱ israelitá rihaan Jesús a: ―Qui̱ꞌyáá so̱ꞌ ꞌo̱ suun sa̱ꞌ noco̱o queneꞌe̱n núj, ga̱a ne̱ gu̱un ya̱ rá núj se vaa no̱ xcúún so̱ꞌ qui̱ꞌyáá so̱ꞌ da̱nj ado̱nj ―taj nij soꞌ rihaan Jesús a.

San Juan 2:20

Cheꞌé dan cataj nij síí uun chij yoꞌ rihaan Jesús a: ―Vi̱j chiha̱a̱ vata̱nꞌ (46) ya̱ yoꞌ quiꞌyaj suun nij síí cuneꞌ nuvií nihánj, tza̱j ne̱ asa̱ꞌ caꞌve̱e naquiꞌya̱j sa̱ꞌ so̱ꞌ nuvií nihánj rque vaꞌnu̱j güii, rá so̱ꞌ ga̱ ―taj nij soꞌ rihaan Jesús a.

San Juan 5:10

Cheꞌé dan me nij síí uun chij rihaan nij yuvii̱ israelitá me se cataj nij soꞌ rihaan síí nahuun sa̱ꞌ yoꞌ a: ―Güii naránj rá níꞌ me nihánj á. Ne nó xcúún so̱ꞌ ca̱tá so̱ꞌ tuvéé so̱ꞌ cuanꞌ maꞌ ―taj nij soꞌ rihaan soꞌ a.

San Juan 5:15

Dan me se cavii snóꞌo yoꞌ, ne̱ nataꞌ soꞌ rihaan nij síí uun chij rihaan nij yuvii̱ israelitá se vaa Jesús me síí quiꞌyaj nahuun sa̱ꞌ soꞌ a.

San Juan 5:16

Cheꞌé dan guun rá nij síí uun chij yoꞌ quiꞌya̱j nij soꞌ sayuun man Jesús, cheꞌé se güii naránj rá nij soꞌ me güii nahuun sa̱ꞌ snóꞌo yoꞌ, quiꞌyaj Jesús a.

San Juan 5:18

Cheꞌé dan doj a̱ nanoꞌ nij soꞌ da̱j quiꞌya̱j nij soꞌ, ga̱a ne̱ caꞌve̱e cavi̱ꞌ Jesús a. ꞌO̱ se né cheꞌe̱ ina̱nj se ne ꞌyaj Jesús tucuáán noco̱ꞌ nij soꞌ cheꞌé güii naránj rá nij soꞌ me guun rá nij soꞌ cavi̱ꞌ Jesús maꞌ. ꞌO̱ se cheꞌé se cataj soꞌ se vaa Rej maꞌa̱n soꞌ me Yaꞌanj, cheꞌé dan guun doj rá nij soꞌ cavi̱ꞌ Jesús na̱nj ado̱nj. Dan me se ase vaa Yaꞌanj vaa maꞌa̱n soꞌ, taj soꞌ a.

San Juan 6:41

Dan me se, cheꞌé se cataj Jesús se vaa maꞌa̱n soꞌ me rachrúún nanij rej xta̱ꞌ rihaan chumii̱ nihánj, ne̱ cheꞌé dan caꞌmii nij síí uun chij rihaan nij yuvii̱ israelitá nana̱ nij niꞌya̱j nij soꞌ man Jesús,

San Juan 6:52

Dan me se nuchruj ra̱a̱ ndoꞌo nij síí uun chij yoꞌ ga̱ tuviꞌ nij soꞌ, ne̱ xnáꞌanj nij soꞌ man tuviꞌ nij soꞌ a: ―Asa̱ꞌ caꞌve̱e rque̱ síí nihánj nee̱ man maꞌa̱n soꞌ cha̱ yuvii̱ ga̱ ―taj nij soꞌ, xnáꞌanj nij soꞌ man tuviꞌ nij soꞌ a.

San Juan 7:1

Quisíj caꞌmii Jesús nu̱ꞌ nana̱ dan, ga̱a ne̱ cachéé Jesús estadó Galilea a. ꞌO̱ se ne caꞌve̱j rá soꞌ cache̱e̱ soꞌ estadó Judea, cheꞌé se nanoꞌ nij síí uun chij rihaan nij yuvii̱ israelitá man soꞌ, ne̱ ticavi̱ꞌ nij soꞌ man Jesús, rá nij soꞌ a.

San Juan 7:11

Cheꞌé dan me nanoꞌ nij síí uun chij rihaan nij yuvii̱ israelitá man Jesús rej canuû chaꞌanj yoꞌ a. Ne̱ xnáꞌanj nij soꞌ man tuviꞌ nij soꞌ, cataj nij soꞌ a: ―Me rej va̱j síí yoꞌ ga̱ ―taj nij soꞌ, xnáꞌanj nij soꞌ man tuviꞌ nij soꞌ a.

San Juan 7:15

Cheꞌé dan caráyaꞌa̱nj nij síí uun chij rihaan nij yuvii̱ israelitá, ne̱ cataj nij soꞌ a: ―Né si̱j tucuꞌyón me síí nihánj maꞌ. Me rej nariꞌ soꞌ snana̱ Yaꞌanj ga̱ ―taj nij síí uun chij yoꞌ niꞌya̱j nij soꞌ man Jesús a.

San Juan 8:22

Cheꞌé dan xnáꞌanj nij síí uun chij rihaan nij yuvii̱ israelitá man tuviꞌ nij soꞌ, cataj nij soꞌ a: ―Ticavi̱ꞌ soꞌ man maꞌa̱n soꞌ, rá soj naꞌ. Cheꞌé dan cataj soꞌ se vaa se̱ guun nucua̱j níꞌ cuchi̱ꞌ níꞌ rej caꞌa̱nj soꞌ, rá soj naꞌ ―taj nij soꞌ, xnáꞌanj nij soꞌ man tuviꞌ nij soꞌ a.

San Juan 8:48

Ga̱a ne̱ cataj nij síí uun chij rihaan nij yuvii̱ israelitá a: ―Ya̱ uxrá vaa nana̱ caꞌmii núj se vaa né tuvi̱ꞌ núj mé so̱ꞌ a̱ maꞌ. ꞌO̱ se síí cavii estadó Samaria mé so̱ꞌ chugua̱nj. Nu̱u̱ nana̱ chre̱e nimán so̱ꞌ ado̱nj ―taj nij soꞌ rihaan Jesús a.

San Juan 8:52

Cheꞌé dan nij síí uun chij rihaan nij yuvii̱ israelitá cataj rihaan soꞌ a: ―Cuano̱ nihánj me se neꞌen ya̱ núj se vaa nu̱u̱ nana̱ chre̱e nimán so̱ꞌ á. ꞌO̱ se caviꞌ síí cuꞌna̱j Abraham caviꞌ nij síí nataꞌ snana̱ Yaꞌanj ga̱a naá caviꞌ, ne̱ nihánj me taj so̱ꞌ se vaa sese cuno̱ núj snana̱ so̱ꞌ, ne̱ daj chiha̱a̱ míj se̱ caviꞌ núj, taj so̱ꞌ maan asânj.

San Juan 8:57

Cheꞌé dan nij síí uun chij rihaan nij yuvii̱ israelitá cataj rihaan Jesús a: ―Ataa quisi̱j so̱ꞌ vi̱j chiha̱a̱ chi̱ꞌ (50) yoꞌ a. Asa̱ꞌ aꞌvee taj so̱ꞌ se vaa queneꞌén so̱ꞌ man Abraham ga̱ ―taj nij soꞌ, xnáꞌanj nij soꞌ man Jesús a.

Hechos 13:25

Dan me se ga̱a ataa do̱j tzínꞌ quisi̱j caꞌmii natáj Juan nu̱ꞌ se vaa guun rá Yaꞌanj cata̱j soꞌ, ga̱a ne̱ cataj soꞌ a: “Me síí mé ꞌu̱nj, rá nij soj ga̱. ꞌO̱ se né si̱j nanoꞌ soj man mej maꞌ. Tza̱j ne̱ xca̱j soj cuentá se vaa vaa síí noco̱ꞌ xcó ꞌu̱nj, ne̱ si̱j sa̱ꞌ uxrá doj me soꞌ rihanj, ne̱ ne nó xcúnj nache̱j canj ꞌni̱j tacóó soꞌ maꞌ”, taj Juan rihaan nij yuvii̱ caꞌmii soꞌ cheꞌé Jesús a.

Hechos 19:4

Ga̱a ne̱ cataj Pabló rihaan nij soꞌ a: ―Xa̱ꞌ Juan, tza̱j ne̱ cutaꞌ ne soꞌ man yuvii̱ cheꞌé se canica̱j nimán nij yuvii̱ canocoꞌ nij yuvii̱ tucuáán sa̱ꞌ a. Ne̱ cataj Juan rihaan nij yuvii̱ se vaa síí caꞌna̱ꞌ rej xco̱ Juan roꞌ, me síí no̱ xcúún nij yuvii̱ cuchuma̱n rá nij soꞌ ni̱ꞌyaj nij soꞌ man, ne̱ síí caꞌnaꞌ rej xco̱ Juan roꞌ, me Jesús a ―taj Pabló rihaan nij yuvii̱ yoꞌ a.

1 Juan 1:5

Ne̱ nihánj roꞌ, me nana̱ cataj xnaꞌanj Jesucristó cuno núj, ne̱ nataꞌ núj nana̱ nihánj rihaan soj, ne̱ dan me se ase vaa ꞌo̱ yaꞌan chuguu̱n vaa Yaꞌanj, ne̱ rej va̱j Yaꞌanj me se nuviꞌ rej rmi̱ꞌ rej va̱j soꞌ maꞌ.