San Juan 1:11 - Triqui de San Juan Copala

¹¹ Nda̱a rihaan maꞌa̱n nij tuviꞌ soꞌ cuchiꞌ soꞌ, tza̱j ne̱ ne caꞌmi̱i̱ sa̱ꞌ nij soꞌ ga̱ soꞌ a̱ maꞌ.

San Juan 1:11 Iomraidhean Croise

San Mateo 15:24

Ga̱a ne̱ cataj soꞌ a: ―Ina̱nj rihaan nij matzinj caꞌanj niꞌya̱ ma̱n chumanꞌ israelitá caꞌnéé Yaꞌanj mán ꞌu̱nj rá soj naꞌ ―taj Jesús rihaan nij soꞌ a.

San Lucas 19:14

’Tza̱j ne̱ nij síí ma̱n chiháán ruꞌvee yoꞌ roꞌ, táá riꞌyunj nij soꞌ man soꞌ, ne̱ cheꞌé dan caꞌnéé nij soꞌ do̱j síí caꞌanj suun caꞌa̱nj chumanꞌ ra̱a̱ caꞌa̱nj cata̱j xnaꞌanj nij soꞌ se vaa naꞌvej nij síí ma̱n chiháán ruꞌvee yoꞌ gu̱un chij soꞌ rihaan nij soꞌ maꞌ.

San Juan 1:10

ne̱ cayáán soꞌ rihaan chumii̱ nihánj, ne̱ maꞌa̱n soꞌ me síí quiꞌyaj chumii̱ nihánj, quiꞌyaj Yaꞌanj, tza̱j ne̱ ne xca̱j nij síí ma̱n rihaan chumii̱ nihánj cuentá me síí me soꞌ a̱ maꞌ.

San Juan 1:12

Tza̱j ne̱ ta̱ranꞌ nij síí aꞌmii sa̱ꞌ ga̱ soꞌ roꞌ, rqué soꞌ se vaa caꞌve̱e gu̱un nij soꞌ taꞌníí maꞌa̱n ya̱ Yaꞌanj a. ꞌO̱ se síí amán rá niꞌya̱j man se‑chuvi̱i soꞌ me nij soꞌ ado̱nj.

San Juan 19:27

Ga̱a ne̱ cataj soꞌ rihaan síí tucuꞌyón snana̱ soꞌ yoꞌ a: ―Chana̱ nihánj gu̱un nií so̱ꞌ á ―taj soꞌ rihaan síí tucuꞌyón snana̱ soꞌ yoꞌ a. Ne̱ ma̱an orá dan guun ni̱i síí tucuꞌyón snana̱ Jesús yoꞌ man nii Jesús, ne̱ caꞌanj nica̱j soꞌ man noꞌ veꞌ tucuá maꞌa̱n soꞌ a.

San Juan 3:32

Ne̱ aꞌmii soꞌ cheꞌé se vaa queneꞌen soꞌ rej xta̱ꞌ do̱ꞌ, cheꞌé nana̱ cuno soꞌ rej xta̱ꞌ do̱ꞌ, ne̱ taj va̱j síí amán rá snana̱ soꞌ maꞌ.

Hechos 13:26

’Cuno̱ soj taꞌni̱j taꞌnij siꞌno̱ Abraham do̱ꞌ, soj si̱j yaníj aráj cochro̱j rihaan Yaꞌanj do̱ꞌ, caꞌmi̱j rihaan soj cuano̱, tinu̱j. A̱j caꞌnaꞌ nana̱ nihánj rihaan níꞌ, quiꞌyaj Yaꞌanj, ne̱ nana̱ nihánj taj xnaꞌanj da̱j quiꞌya̱j níꞌ ga̱a ne̱ caꞌve̱e nani̱i̱ níꞌ rihaan sayuun ne̱ cavi̱i̱ sa̱ꞌ níꞌ ado̱nj.

Hechos 13:46

Tza̱j ne̱ ne cuchuꞌvi̱ꞌ ya̱ Pabló ga̱ Bernabé ni̱ꞌyaj ro̱j soꞌ man nij yuvii̱ israelitá a̱ maꞌ. Ne̱ cataj ro̱j soꞌ a: ―No̱ xcúún núj nata̱ꞌ núj snana̱ Yaꞌanj rihaan nij soj si̱j israelitá asino ya̱a̱n ado̱nj. Tza̱j ne̱ cheꞌé se quiriꞌíj yaníj soj nana̱ yoꞌ, ne̱ cheꞌé se né si̱j no̱ xcúún ca̱yáán ga̱ Yaꞌanj nu̱ꞌ cavii nu̱ꞌ caꞌanj me soj rá soj, ne̱ cheꞌé dan nihánj me se ca̱nica̱j núj, ne̱ nata̱ꞌ núj nana̱ yoꞌ rihaan nij síí yaníj na̱nj ado̱nj.

Hechos 21:6

Ne̱ cataj núj rihaan tuviꞌ núj se vaa caꞌa̱nj núj, ne̱ dan me se cavii núj rque rihoo, ne̱ canica̱j nij soꞌ quinanꞌ nij soꞌ tucuá nij soꞌ a.

Romanos 15:8

Dan me se cata̱j xnaꞌanj ꞌu̱nj rihaan nij soj cheꞌé suun quiꞌyaj Cristó cheꞌé nij yuvii̱ israelitá, ne̱ ga̱a naá me se cataj xnaꞌanj Yaꞌanj rihaan xi̱i nij yuvii̱ israelitá da̱j quiꞌya̱j Yaꞌanj cheꞌé nij soꞌ, ne̱ quisíj ya̱ nu̱ꞌ nana̱ yoꞌ, quiꞌyaj Cristó a.

Romanos 9:1

Cheꞌé se síí noco̱ꞌ man Cristó mé ꞌu̱nj, ne̱ se̱ caꞌmii ne̱ ꞌu̱nj rihaan nij soj maꞌ. ꞌO̱ se ya̱nj Nimán Yaꞌanj ga̱ ꞌu̱nj, ne̱ maꞌa̱n Nimán Yaꞌanj cataj rihanj se vaa nana̱ ya̱ caꞌmij á.

Romanos 9:5

Xi̱i nij yuvii̱ israelitá me nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ a. ꞌO̱ tuviꞌ nij soꞌ me Cristó Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ Cristó me se Yaꞌanj me soꞌ, ne̱ uun chij soꞌ rihaan cunuda̱nj a. Veꞌé uxrá caꞌmi̱i̱ níꞌ cheꞌé soꞌ nu̱ꞌ cavii nu̱ꞌ caꞌanj na̱nj á. Veé da̱nj ga̱a̱ ya̱ ado̱nj.

Gálatas 4:4

Tza̱j ne̱ ga̱a quisíj güii a̱j narii Yaꞌanj asi̱j naá, ne̱ caꞌnéé Yaꞌanj Taꞌníí soꞌ caꞌnaꞌ Taꞌníí soꞌ rihaan chumii̱ nihánj, ne̱ cuchruj ꞌo̱ chana̱ man Taꞌníí Yaꞌanj, ne̱ síí noco̱ꞌ stucua̱nj Moisés me nu̱ꞌ nij tuvi̱ꞌ soꞌ ga̱a cayáán soꞌ rihaan chumii̱ nihánj ado̱nj.