Gálatas 1:9 - Triqui de San Juan Copala

⁹ Dan me se a̱j cataj xnaꞌanj núj rihaan soj, ne̱ cuano̱ nihánj me cata̱j xnaꞌanj uún ꞌu̱nj rihaan soj, se vaa sese ino̱ ga̱a̱ nana̱ nata̱ꞌ ꞌo̱ soꞌ rihaan soj ga̱ nana̱ sa̱ꞌ cheꞌé Cristó canocoꞌ soj asi̱j rque̱, ne̱ me rá ꞌu̱nj quira̱nꞌ uxrá síí nataꞌ ꞌó nana̱ yoꞌ sayuun, quiꞌya̱j Yaꞌanj a.

Gálatas 1:9 Iomraidhean Croise

Hechos 18:23

Ne̱ guun ra̱a̱n soꞌ do̱j chumanꞌ Antioquía, ga̱a ne̱ caꞌanj soꞌ nda̱a vaa naj ꞌo̱ ꞌo̱ chumanꞌ na̱j rej yoꞌóó Galacia do̱ꞌ, estadó Frigia do̱ꞌ, ne̱ nariꞌ nucuaj rá cunuda̱nj nij síí tucuꞌyón snana̱ Jesucristó ya̱nj nij chumanꞌ yoꞌ, quiꞌyaj soꞌ a.

Romanos 16:17

Chrej nucua̱j me narque̱j rihaan soj nihánj, tinu̱j, nocoj. Dan me se vaa yuvii̱ me rá quixra̱ꞌ taꞌa̱j soj ga̱ tinúú soj cheꞌé tucuáán a̱j nariꞌ soj, ne̱ gu̱un naꞌa̱j soj cheꞌé stucua̱nj Yaꞌanj, quiꞌya̱j nij soꞌ, ne̱ cheꞌé dan gu̱un yaníj soj rihaan yuvii̱ ꞌyaj da̱nj á.

2 Corintios 1:17

Ga̱a guun rá ꞌu̱nj cache̱n ꞌu̱nj chiháán soj roꞌ, uun vi̱j rá ꞌu̱nj do̱ꞌ, aꞌmii rma̱ꞌán ꞌu̱nj do̱ꞌ, da̱j se vaa ꞌyaj nij síí ma̱n rihaan chumii̱ nihánj, rá soj naꞌ. Taj maꞌ.

Filipenses 3:1

Dan me se ga̱a̱ niha̱ꞌ ya̱ rá nimán soj ni̱ꞌyaj soj man Síí ꞌNi̱j Raꞌa man níꞌ, tinu̱j, nocoj. Né sayu̱u̱n vaa achrón uún ꞌu̱nj nana̱ nihánj naya̱a̱ soj maꞌ. Ne̱ cavi̱i̱ sa̱ꞌ doj soj, sese cuno̱ soj nana̱ nihánj chugua̱nj.

Filipenses 4:4

Ga̱a̱ niha̱ꞌ niga̱nj rá nimán soj ni̱ꞌyaj soj man Síí ꞌNi̱j Raꞌa man níꞌ á. Dan me se cata̱j xnaꞌanj uún ꞌu̱nj rihaan soj á: No̱ xcúún soj ga̱a̱ niha̱ꞌ niga̱nj rá nimán soj na̱nj á.