Gálatas 1:2 - Triqui de San Juan Copala

² Dan me se ta̱ranꞌ nij tinúú níꞌ síí ya̱nj ga̱ ꞌu̱nj roꞌ, ꞌyaj yanj cartá nihánj ga̱ ꞌu̱nj, ne̱ caꞌne̱j núj yanj nihánj rihaan nij soj nij xꞌneꞌ yuvii̱ noco̱ꞌ man Cristó si̱j ya̱nj nij chumanꞌ na̱j estadó Galacia a.

Gálatas 1:2 Iomraidhean Croise

Hechos 15:41

Ga̱a ne̱ cachén ro̱j soꞌ nu̱ꞌ estadó Siria do̱ꞌ, nu̱ꞌ estadó Cilicia do̱ꞌ, ne̱ nariꞌ nucuaj nimán nij xꞌneꞌ nij síí noco̱ꞌ man Jesucristó ma̱n cunuda̱nj nij chumanꞌ na̱j ro̱j estadó yoꞌ, quiꞌyaj ro̱j soꞌ a.

Hechos 18:23

Ne̱ guun ra̱a̱n soꞌ do̱j chumanꞌ Antioquía, ga̱a ne̱ caꞌanj soꞌ nda̱a vaa naj ꞌo̱ ꞌo̱ chumanꞌ na̱j rej yoꞌóó Galacia do̱ꞌ, estadó Frigia do̱ꞌ, ne̱ nariꞌ nucuaj rá cunuda̱nj nij síí tucuꞌyón snana̱ Jesucristó ya̱nj nij chumanꞌ yoꞌ, quiꞌyaj soꞌ a.

Hechos 9:31

Veé dan me se dínj yáán cunuda̱nj nij xꞌneꞌ nij síí noco̱ꞌ man Jesús ya̱nj nu̱ꞌ estadó Judea do̱ꞌ, Galilea do̱ꞌ, Samaria do̱ꞌ a. Dan me se caráj cochro̱j ndoꞌo nij soꞌ rihaan Yaꞌanj Si̱j ꞌNi̱j Raꞌa man níꞌ, ne̱ cheꞌé dan nariꞌ nucuaj nij soꞌ, ne̱ guun ri̱i̱ ndoꞌo nij soꞌ doj, quiꞌyaj Nimán Yaꞌanj a.

1 Corintios 16:1

Cata̱j xnaꞌanj ꞌu̱nj rihaan nij soj cheꞌé saꞌanj naquiꞌya̱j chre̱ꞌ soj rque̱ soj man nij síí nique̱ síí noco̱ꞌ man Cristó á. Dan me se quiꞌya̱j soj nda̱a se vaa caꞌnéꞌ ꞌu̱nj suun rihaan nij xꞌneꞌ nij síí noco̱ꞌ man Cristó ya̱nj estadó Galacia a.

Gálatas 3:1

Síí nij snúú rmaꞌa̱n ya̱ me soj si̱j ma̱n estadó Galacia na̱nj chugua̱nj. Me cheꞌé guun rá soj ta̱náj soj tucuáán sa̱ꞌ ga̱. Vaa síí quiꞌyaj chre̱e man soj naꞌ. Né se sa̱ꞌ uxrá nataꞌ nii rihaan soj se vaa caviꞌ Jesucristó rihaan rcutze̱ cheꞌé soj a̱ naꞌ.

Filipenses 2:22

Tza̱j ne̱ a̱j neꞌen soj se vaa síí sa̱ꞌ uxrá me Timoteo, ne̱ da̱j se ꞌyaj xnii racuíj xnii man rej xnii roꞌ, da̱nj vaa ꞌyaj Timoteo racuíj soꞌ mán ꞌu̱nj nataꞌ rój nana̱ sa̱ꞌ cheꞌé Cristó ado̱nj.

Filipenses 4:21

Me raj cata̱j nij soj rihaan cunuda̱nj nij síí noco̱ꞌ man Cristó Jesús se vaa veꞌé ca̱yáán nij soꞌ raj a. Ne̱ vaa nij tinúú níꞌ síí ma̱n ga̱j, ne̱ veꞌé cuma̱n nij soj, rá nij soꞌ uún a.