Efesios 4:6 - Triqui de San Juan Copala

⁶ ne̱ o̱rúnꞌ Yaꞌanj me Rej ta̱ranꞌ níꞌ uún a. Nica̱j yuꞌunj soꞌ man ta̱ranꞌ níꞌ, ne̱ ꞌyaj suun soꞌ nimán ta̱ranꞌ níꞌ, ne̱ ya̱nj soꞌ nimán ta̱ranꞌ níꞌ na̱nj ado̱nj.

Efesios 4:6 Iomraidhean Croise

San Mateo 6:13

Ca̱ráán raꞌá so̱ꞌ xráá núj rihaan chrej chiꞌi̱i̱, ne̱ ti̱nanii so̱ꞌ man núj se̱ quiꞌyaj núj cacunꞌ, quiꞌya̱j Síí Chre̱e maꞌ. Ina̱nj da̱nj caꞌmi̱i̱ soj cachi̱nj niꞌya̱j soj rihaan Yaꞌanj ado̱nj.

San Mateo 6:9

Cheꞌé dan asa̱ꞌ achíín niꞌya̱j soj, ne̱ nihánj cata̱j soj á: Ata̱j Chij, síí nicu̱nꞌ xta̱ꞌ, me rá nimán núj cara̱a̱ cochro̱j yuvii̱ mán so̱ꞌ ado̱nj.

San Juan 14:23

Ga̱a ne̱ cataj Jesús rihaan soꞌ a: ―Síí aráj cochro̱j rihanj me se cuno̱ soꞌ snana̱j, ne̱ cunu̱u ꞌe̱e̱ rá Réj Yaꞌanj man soꞌ, ga̱a ne̱ cuchi̱ꞌ rój rihaan soꞌ, ne̱ ꞌo̱ ca̱yáán rój ga̱ soꞌ ado̱nj.

San Juan 17:26

Ne̱ cataj xnaꞌanj ꞌu̱nj rihaan nij soꞌ da̱j si̱j mé so̱ꞌ, ne̱ cata̱j ꞌu̱nj doj rihaan nij soꞌ, cheꞌé rej ga̱a̱ chrej ga̱a̱ ꞌe̱e̱ rá man tuviꞌ nimán nij soꞌ nda̱a vaa ꞌe̱e̱ rá so̱ꞌ manj, ne̱ ca̱yáán ꞌu̱nj ga̱ nij soꞌ a ―taj Jesús, cachíín niꞌya̱j soꞌ rihaan Yaꞌanj a.

San Juan 20:17

Ga̱a ne̱ cataj Jesús rihaan noꞌ a: ―Caꞌne̱ꞌ rá so̱ꞌ, se̱ canó so̱ꞌ doj manj maꞌ. ꞌO̱ se ataa cavi̱i̱ uún ꞌu̱nj quina̱nꞌ ꞌu̱nj rihaan Réj Yaꞌanj, ne̱ me rá ꞌu̱nj caꞌa̱nj so̱ꞌ rihaan nij tinúú ꞌu̱nj a. Cata̱j xnaꞌanj so̱ꞌ rihaan nij soꞌ se vaa cavi̱i̱ ꞌu̱nj quina̱nꞌ ꞌu̱nj rihaan Réj, ne̱ soꞌ me Rej soj uún, ne̱ Yaꞌanj si̱j noco̱ꞌ ꞌu̱nj me soꞌ, ne̱ Yaꞌanj síí noco̱ꞌ soj me uún soꞌ ado̱nj ―taj Jesús rihaan Mariá a.

Romanos 11:36

Dan me se maꞌa̱n Yaꞌanj quiꞌyaj cunuda̱nj rasu̱u̱n, ne̱ cheꞌé maꞌa̱n Yaꞌanj mán rasu̱u̱n rihaan chumii̱, ne̱ se rásuun Yaꞌanj me cunuda̱nj rasu̱u̱n a. Veꞌé uxrá caꞌmi̱i̱ cunuda̱nj yuvii̱ cheꞌé Yaꞌanj nu̱ꞌ cavii nu̱ꞌ caꞌanj ado̱nj. Veé da̱nj ga̱a̱ ya̱ ado̱nj.

1 Corintios 12:6

Ne̱ ino̱ vaa suun ꞌyaj Yaꞌanj ga̱ ꞌo̱ ꞌo̱ níꞌ, tza̱j ne̱ veé o̱rúnꞌ Yaꞌanj ꞌyaj da̱j a̱ suun sa̱ꞌ yoꞌ na̱nj á.

1 Corintios 8:6

Ne̱ xa̱ꞌ níꞌ, tza̱j ne̱ neꞌen níꞌ se vaa o̱rúnꞌ ya̱ Yaꞌanj á. Rej níꞌ Yaꞌanj me soꞌ, ne̱ o̱rúnꞌ soꞌ me síí quiꞌyaj cunuda̱nj rasu̱u̱n ma̱n rihaan chumii̱ nihánj, ne̱ ina̱nj cheꞌé maꞌa̱n soꞌ vaa iꞌna̱ꞌ níꞌ a. Ne̱ vaa o̱rúnꞌ Síí ꞌNi̱j Raꞌa man níꞌ, ne̱ Jesucristó cuꞌna̱j soꞌ, ne̱ cheꞌé soꞌ curuviꞌ nu̱ꞌ rasu̱u̱n ma̱n rihaan chumii̱ nihánj, ne̱ cheꞌé soꞌ ya̱ vaa iꞌna̱ꞌ níꞌ ado̱nj.

2 Corintios 6:16

Ne̱ xa̱ꞌ níꞌ si̱j noco̱ꞌ man Yaꞌanj, tza̱j ne̱ asa̱ꞌ caꞌve̱e cunu̱u chre̱ꞌ níꞌ ga̱ yaꞌanj quiꞌyaj maꞌa̱n yuvii̱, rá soj ga̱. Ne̱ xa̱ꞌ Yaꞌanj, tza̱j ne̱ síí vaa iꞌna̱ꞌ me soꞌ, ne̱ ya̱nj soꞌ nimán níꞌ ado̱nj. ꞌO̱ cuya̱a̱n vaa nana̱ nihánj ga̱ nana̱ caꞌmii Yaꞌanj ga̱a naá ga̱a cataj Yaꞌanj a: Ca̱yáán ꞌu̱nj ga̱ nij soꞌ, ne̱ cache̱e̱ ꞌu̱nj ga̱ nij soꞌ, ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj a, taj Yaꞌanj ga̱a naá a.

Efesios 1:21

Veé dan, ne̱ rej xta̱ꞌ yoꞌ me se uun chij soꞌ doj rihaan da̱j a̱ nij síí nucua̱j do̱ꞌ, da̱j a̱ nij síí rii taꞌngaꞌ do̱ꞌ, da̱j a̱ nij síí uun chij do̱ꞌ, da̱j a̱ nij síí nica̱j suun do̱ꞌ a. Ne̱ se‑chuvi̱i soꞌ me se sa̱ꞌ doj vaa yoꞌ rihaan se‑chuvi̱i ta̱ranꞌ nij síí uun chij rihaan chumii̱ nihánj do̱ꞌ, rihaan rej xta̱ꞌ do̱ꞌ ado̱nj. Tza̱j ne̱ ne do̱j cuano̱ me uun chij soꞌ maꞌ. ꞌO̱ se gu̱un chij soꞌ nu̱ꞌ cavii nu̱ꞌ caꞌanj na̱nj ado̱nj.

Efesios 2:22

Ne̱ maꞌa̱n nij soj me se cheꞌé se noco̱ꞌ soj man Síí ꞌNi̱j Raꞌa man níꞌ, cheꞌé dan cunuu rcuaꞌa̱a̱n soj ga̱ ꞌó nij síí guun nuvií, ne̱ nihánj me se maꞌa̱n ya̱ Nimán Yaꞌanj yáán scaꞌnúj ta̱ranꞌ níꞌ ado̱nj.

Efesios 3:17

Ne̱ achíín ni̱ꞌyáj se vaa cuchuma̱n doj rá soj ni̱ꞌyaj soj man Cristó, ne̱ ꞌo̱ natu̱u̱ Cristó nimán soj quiꞌya̱j Yaꞌanj, ga̱a ne̱ ꞌo̱ cunu̱u ꞌe̱e̱ rá soj man ta̱ranꞌ tinúú soj ado̱nj.

Efesios 6:23

Me rá ꞌu̱nj ga̱a̱ xe̱j nimán nij tinu̱j nij soj, ne̱ ga̱a̱ ꞌe̱e̱ rá soj tinúú soj, ne̱ ga̱a̱ nucua̱j rá soj man Yaꞌanj, quiꞌya̱j Rej níꞌ Yaꞌanj do̱ꞌ, quiꞌya̱j Jesucristó Si̱j ꞌNi̱j Raꞌa man níꞌ do̱ꞌ ado̱nj.

1 Juan 3:24

Ne̱ síí uno suun caꞌneꞌ Yaꞌanj rihaan níꞌ roꞌ, soꞌ me síí ꞌo̱ nocoꞌ man Yaꞌanj, ne̱ ꞌo̱ ne Yaꞌanj ga̱ soꞌ ado̱nj. Ne̱ nihánj me rej neꞌen níꞌ se vaa ꞌo̱ ne Yaꞌanj ga̱ níꞌ na̱nj ado̱nj. ꞌO̱ se rqué Yaꞌanj Nimán Yaꞌanj man níꞌ ado̱nj.