Efesios 3:16 - Triqui de San Juan Copala

¹⁶ ne̱ achíín ni̱ꞌyáj rihaan soꞌ cheꞌé soj se vaa, cheꞌé se niꞌndaj ya̱ sa̱ꞌ veꞌé vaa soꞌ ne̱ taj a̱ ꞌó se achiin man soꞌ, nari̱ꞌ nucuaj nimán soj quiꞌya̱j Nimán soꞌ ado̱nj.

Efesios 3:16 Iomraidhean Croise

San Mateo 6:13

Ca̱ráán raꞌá so̱ꞌ xráá núj rihaan chrej chiꞌi̱i̱, ne̱ ti̱nanii so̱ꞌ man núj se̱ quiꞌyaj núj cacunꞌ, quiꞌya̱j Síí Chre̱e maꞌ. Ina̱nj da̱nj caꞌmi̱i̱ soj cachi̱nj niꞌya̱j soj rihaan Yaꞌanj ado̱nj.

Romanos 2:29

Caꞌve̱e se nu̱ꞌ nana̱ no̱ rihaan yanj nocoꞌ ꞌo̱ soꞌ, tza̱j ne̱ né si̱j israelitá veꞌé noco̱ꞌ man Yaꞌanj me soꞌ, quiꞌya̱j yanj yoꞌ, ni̱ꞌyaj Yaꞌanj maꞌ. Tza̱j ne̱ me maꞌa̱n síí noco̱ꞌ ya̱ man Yaꞌanj ne̱ nahuun sa̱ꞌ nimán, ne̱ ase vaa ꞌo̱ yuvii̱ israelitá roꞌ, da̱nj ga̱a̱ soꞌ rihaan Yaꞌanj, ne̱ caꞌve̱e se caꞌmi̱i̱ yuvii̱ nana̱ chiꞌi̱i̱ cheꞌé soꞌ, tza̱j ne̱ ne rihuun rá soꞌ maꞌ. ꞌO̱ se maꞌa̱n Yaꞌanj cata̱j se vaa sa̱ꞌ ndoꞌo quiꞌyaj soꞌ ado̱nj.

Romanos 7:22

Neꞌenj se vaa sa̱ꞌ uxrá vaa stucua̱nj Moisés,

Romanos 9:23

cheꞌé rej ti̱haa̱n Yaꞌanj rihaan nij yuvii̱ nu̱ꞌ nda̱a vaa quiꞌya̱j soꞌ cheꞌé ꞌó nij yuvii̱ a. Ne̱ ꞌó nij soꞌ me se a̱j guun rá Yaꞌanj se vaa gu̱un chij nij soꞌ ga̱ soꞌ, ne̱ cheꞌé dan cunu̱u ꞌe̱e̱ rá soꞌ man nij soꞌ, ga̱a ne̱ xca̱j cunuda̱nj nij yuvii̱ cuentá se vaa síí niꞌndaj ya̱ sa̱ꞌ veꞌé uun chij me Yaꞌanj na̱nj ado̱nj.

1 Corintios 16:13

ꞌO̱ tu̱mé soj man soj á. Raan canoco̱ꞌ soj man Jesucristó á. Ga̱a̱ nucua̱j nimán soj, ne̱ ꞌo̱ caꞌne̱j nimán soj quiꞌya̱j soj se‑su̱u̱n Yaꞌanj á.

2 Corintios 12:9

Tza̱j ne̱ ꞌo̱ se cataj soꞌ rihanj a: “Ma̱ꞌanj ra̱cuíj mán so̱ꞌ, ne̱ cavi̱i̱ sa̱ꞌ so̱ꞌ á. Cheꞌé dan se̱ caꞌnéj ꞌu̱nj sayuun yoꞌ rihaan so̱ꞌ maꞌ. ꞌO̱ se cheꞌé se vaa ninaj nee̱ mán so̱ꞌ roꞌ, cheꞌé dan gu̱un nu̱cuáá ꞌu̱nj ra̱cuíj ꞌu̱nj mán so̱ꞌ qui̱ꞌyáá so̱ꞌ se‑su̱u̱n ꞌu̱nj ado̱nj.” Da̱nj taj Síí ꞌNi̱j Raꞌa man níꞌ rihanj a. Cheꞌé dan gu̱un niha̱ꞌ rá ꞌu̱nj cata̱j xnaꞌanj ꞌu̱nj se vaa ninaj ꞌu̱nj, ne̱ gu̱un nucua̱j Cristó ra̱cuíj soꞌ manj a.

2 Corintios 4:16

Cheꞌé dan se̱ caꞌneꞌ rá núj maꞌ. Dan me se núj me se da̱j doj cavi̱ꞌ nee̱ man núj, tza̱j ne̱ da̱j a̱ güii tana̱nj a̱ nahuun sca̱ꞌ doj nimán núj na̱nj ado̱nj.

Efesios 1:18

Dan me se sa̱ꞌ doj xca̱j soj cuentá, ne̱ queneꞌe̱n soj me cheꞌé nacúún Yaꞌanj man soj, ne̱ queneꞌe̱n soj nu̱ꞌ se vaa quiꞌya̱j Yaꞌanj cheꞌé soj, ne̱ gu̱un ya̱ rá soj se vaa vaa cheꞌé ndoꞌo nocoꞌ soj man Cristó ado̱nj. Queneꞌe̱n soj se vaa niꞌndaj ya̱ sa̱ꞌ vaa se quiꞌya̱j Yaꞌanj cheꞌé ta̱ranꞌ níꞌ si̱j noco̱ꞌ man soꞌ,

Efesios 1:7

Ne̱ cheꞌé ton cayanj man Cristó ga̱a caviꞌ soꞌ cheꞌé níꞌ roꞌ, cheꞌé dan navij cacunꞌ xráá níꞌ, cheꞌé se sa̱ꞌ uxrá vaa rá Yaꞌanj niꞌya̱j Yaꞌanj man níꞌ a.

Efesios 2:7

Nda̱a síj, ga̱a ne̱ nu̱ꞌ cavii nu̱ꞌ caꞌanj ti̱haa̱n Yaꞌanj man nij yuvii̱ se vaa quiꞌyaj ndoꞌo Yaꞌanj se lu̱j cheꞌé níꞌ, ne̱ dan me se queneꞌe̱n nij yuvii̱ se vaa cunuu ꞌe̱e̱ ndoꞌo rá Yaꞌanj man níꞌ cheꞌé se síí noco̱ꞌ man Cristó Jesús me níꞌ na̱nj ado̱nj.

Efesios 3:15

Dan me se Yaꞌanj me Rej nu̱ꞌ ta̱ranꞌ nij xꞌneꞌ nij síí ma̱n rej xta̱ꞌ do̱ꞌ, Rej nu̱ꞌ ta̱ranꞌ nij xꞌneꞌ níꞌ si̱j ma̱n rihaan chumii̱ nihánj do̱ꞌ,

Efesios 3:8

Nda̱ꞌ se síí nica̱ꞌ doj rihaan ta̱ranꞌ nij síí noco̱ꞌ man Yaꞌanj mej, tza̱j ne̱ quiꞌyaj Yaꞌanj se lu̱j yoꞌ rihanj, ne̱ caꞌneꞌ soꞌ suun rihanj nata̱j nana̱ sa̱ꞌ rihaan nij soj si̱j yaníj se vaa niꞌndaj uxrá ya̱ se sa̱ꞌ vaa quiꞌyaj Cristó cheꞌé níꞌ ado̱nj.

Efesios 6:10

Da̱j ꞌó nana̱ cata̱j xnaꞌanj ꞌu̱nj rihaan soj a. ꞌO̱ ga̱a̱ chre̱ꞌ soj ga̱ Yaꞌanj Si̱j ꞌNi̱j Raꞌa man níꞌ á. Caꞌve̱j soj caꞌne̱j Síí ꞌNi̱j Raꞌa man níꞌ se nucua̱j nimán soj, ne̱ da̱j se vaa se nucua̱j nica̱j maꞌa̱n soꞌ roꞌ, da̱nj ga̱a̱ se nucua̱j ni̱caj maꞌa̱n soj, quiꞌya̱j soꞌ chugua̱nj.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

Filipenses 4:19

Dan me se sese vaa se achiin man soj, ne̱ rque̱ Taꞌanj ꞌu̱nj nu̱ꞌ rasu̱u̱n yoꞌ rihaan soj cheꞌé se me soj síí noco̱ꞌ man Cristó Jesús, ne̱ xa̱ꞌ Yaꞌanj, tza̱j ne̱ taj va̱j rasu̱u̱n achiin rihaan Yaꞌanj maꞌ. ꞌO̱ se soꞌ me síí uun chij rihaan cunuda̱nj rasu̱u̱n ado̱nj.

Colosenses 1:11

Yaꞌanj me síí nucua̱j uxrá, ne̱ achíín niꞌya̱j núj se vaa caꞌne̱j ndoꞌo Yaꞌanj se nucua̱j nimán soj, ga̱a ne̱ caꞌve̱e ga̱a̱ sca̱ꞌ rá soj rihaan sayuun quiꞌya̱j yuvii̱ man soj, ne̱ ga̱a̱ ina̱j nimán soj, ne̱ ga̱a̱ niha̱ꞌ nimán soj,

Colosenses 1:27

Dan me se guun rá Yaꞌanj xca̱j cunuda̱nj níꞌ si̱j noco̱ꞌ man soꞌ cuentá cheꞌé nana̱ sa̱ꞌ yuve̱ nihánj nana̱ tihaa̱n naca̱ Yaꞌanj se vaa niꞌndaj ya̱ sa̱ꞌ quiꞌyaj Yaꞌanj cheꞌé soj si̱j yaníj na̱nj ado̱nj. Dan me se yuvii̱ yaníj me soj, tza̱j ne̱ ya̱nj Cristó nimán soj, ne̱ cheꞌé dan uun ya̱ rá níꞌ se vaa niꞌndaj ya̱ cavi̱i̱ sa̱ꞌ soj ga̱ Yaꞌanj vaa güii na̱nj ado̱nj.

Colosenses 2:2

ꞌO̱ se me ndoꞌo rá ꞌu̱nj nari̱ꞌ nucuaj nimán soj ne̱ ꞌo̱ cu̱nuû se sa̱ꞌ nimán soj cuma̱n soj ga̱ tuviꞌ soj, ne̱ ꞌo̱ nari̱ꞌ ndoꞌo soj nda̱a gu̱un ya̱ ya̱ rá soj nana̱ sa̱ꞌ yuve̱ tihaa̱n Yaꞌanj se vaa maꞌa̱n Cristó me nana̱ naca̱ yoꞌ na̱nj á.

2 Timoteo 4:17

ꞌO̱ se canicunꞌ Síí ꞌNi̱j Raꞌa man níꞌ ga̱ ꞌu̱nj, ne̱ soꞌ me síí quiꞌyaj guun nu̱cuáá ꞌu̱nj natáꞌ ꞌu̱nj nu̱ꞌ snana̱ Yaꞌanj cuno cunuda̱nj nij yuvii̱ yaníj, ne̱ tinanii soꞌ manj rihaan sayuun noco̱o a.

Hebreos 11:34

tinaꞌáj nij soꞌ yaꞌan yuva̱a̱ se̱ gaa na̱nj caca̱a̱ nij soꞌ quiꞌya̱j yaꞌan do̱ꞌ, nanii nij soꞌ rihaan yuvii̱ nica̱j neê espadá me rá ticavi̱ꞌ man nij soꞌ do̱ꞌ, nariꞌ nucuaj nij soꞌ quiꞌyaj Yaꞌanj ga̱a ninaj nij soꞌ do̱ꞌ, guun nucua̱j nij soꞌ quiꞌyaj canaán nij soꞌ rihaan síí ma̱n ꞌó chumanꞌ síí cunuꞌ ga̱ nij soꞌ do̱ꞌ, tucunánj nij soꞌ man xꞌneꞌ tanuu ꞌnaꞌ ꞌó chumanꞌ me rá cunu̱ꞌ ga̱ nij soꞌ do̱ꞌ ado̱nj.

1 Pedro 3:4

Dan me se xca̱j soj cuentá cheꞌé nimán maꞌa̱n soj cheꞌé rej ga̱a̱ sa̱ꞌ nimán soj á. ꞌO̱ se veꞌé ga̱a̱ nimán soj, ne̱ dínj ga̱a̱ nimán soj, ne̱ nimán soj me se daj chiha̱a̱ míj se̱ quiriꞌ yoꞌ maꞌ. Ne̱ veꞌé ga̱a̱ soj, ga̱a ne̱ cara̱nꞌ rá Yaꞌanj ni̱ꞌyaj Yaꞌanj man soj ado̱nj.