Efesios 2:8 - Triqui de San Juan Copala8 Dan me se xca̱j nij soj cuentá se vaa ina̱nj cheꞌé se lu̱j quiꞌyaj Yaꞌanj cheꞌé soj me nanii soj rihaan chrej chiꞌi̱i̱ do̱ꞌ, rihaan sayuun do̱ꞌ á. Dan me se ma̱an cheꞌé se amán rá soj niꞌya̱j soj man soꞌ me cavii sa̱ꞌ soj ado̱nj. Né maꞌa̱n soj me síí ꞌyaj aꞌvee avii sa̱ꞌ soj maꞌ. Ma̱an se Yaꞌanj racuíj man soj dan aꞌvee avii sa̱ꞌ soj na̱nj ado̱nj. Faic an caibideil |
Síí amán rá niꞌya̱j man Taꞌníí Yaꞌanj roꞌ, soꞌ me síí veꞌé ca̱yáán ga̱ Yaꞌanj nu̱ꞌ cavii nu̱ꞌ caꞌanj a. Tza̱j ne̱ síí naꞌvej rá cuchuma̱n rá ni̱ꞌyaj man Taꞌníí Yaꞌanj roꞌ, daj chiha̱a̱ míj se̱ cayáán soꞌ ga̱ Yaꞌanj maꞌ. Tana̱nj ꞌo̱ caꞌma̱an rá Yaꞌanj ni̱ꞌyaj Yaꞌanj man soꞌ, ne̱ ꞌo̱ quira̱nꞌ soꞌ sayuun, quiꞌya̱j Yaꞌanj ado̱nj.
’Ya̱ ya̱ cata̱j xnaꞌanj ꞌu̱nj rihaan soj cuano̱ se vaa síí uno snana̱j ne̱ amán rá niꞌya̱j man síí caꞌnéé manj roꞌ, soꞌ me síí vaa iꞌna̱ꞌ nimán rihaan Yaꞌanj nu̱ꞌ cavii nu̱ꞌ caꞌanj, ne̱ se̱ quiꞌyaj Yaꞌanj sayuun man soꞌ maꞌ. ꞌO̱ se tanáj xco̱ soꞌ rej ya̱nj yaníj nimán soꞌ ga̱ Yaꞌanj ne̱ catúj soꞌ rej vaa iꞌna̱ꞌ nimán soꞌ rihaan Yaꞌanj a.
Dan me se ga̱a nucuiꞌ ro̱j soꞌ, ne̱ canacúún ro̱j soꞌ man xꞌneꞌ nij síí noco̱ꞌ man Jesucristó se vaa cunu̱u chre̱ꞌ nij soꞌ a. Ga̱a ne̱ cataj xnaꞌanj ro̱j soꞌ nu̱ꞌ se vaa quiꞌyaj Yaꞌanj ga̱ ro̱j soꞌ, ne̱ cataj ro̱j soꞌ se vaa ya̱ xꞌnúj rihaan nij yuvii̱ yaníj cuchuma̱n rá nij soꞌ ni̱ꞌyaj nij soꞌ man Jesucristó, quiꞌyaj Yaꞌanj a.
Ne̱ yáán ꞌo̱ chana̱ cuꞌna̱j Lidia, ne̱ noꞌ roꞌ, me chana̱ ránj natuꞌvéj yatzíj mantá tintá sa̱ꞌ ina̱nj, ne̱ chana̱ cavii chumanꞌ Tiatira me noꞌ, ne̱ chana̱ yaníj aráj gue̱e̱ rihaan Yaꞌanj me noꞌ a. Dan me se cuno noꞌ snana̱ Pabló, ne̱ racuíj ndoꞌo Síí ꞌNi̱j Raꞌa man níꞌ man noꞌ se vaa caꞌvee cuchumán rá noꞌ snana̱ Pabló yoꞌ a.
Tza̱j ne̱ asa̱ꞌ caꞌve̱e cachi̱nj niꞌya̱j yuvii̱ rihaan Cristó, sese ataa cuchuma̱n rá nij yuvii̱ ni̱ꞌyaj nij yuvii̱ man Cristó ga̱an. Ne̱ asa̱ꞌ caꞌve̱e cuchuma̱n rá nij yuvii̱ ni̱ꞌyaj nij yuvii̱ man soꞌ, sese ataa cuno̱ nij yuvii̱ snana̱ soꞌ ga̱an. Ne̱ asa̱ꞌ caꞌve̱e cuno̱ nij yuvii̱, sese taj síí aꞌmii natáj rihaan nij yuvii̱ ga̱an.
Cheꞌé dan cunuda̱nj níꞌ si̱j amán rá niꞌya̱j man Yaꞌanj roꞌ, me nij síí ni̱caj yuꞌunj man chumii̱, ne̱ veé dan me se lu̱j quiꞌya̱j Yaꞌanj cheꞌé níꞌ me yoꞌ, ga̱a ne̱ caꞌve̱e quisi̱j ya̱ nu̱ꞌ nana̱ cataꞌ tuꞌva Yaꞌanj cheꞌé ta̱ranꞌ níꞌ a. Dan me se né ina̱nj nij síí gu̱un nucua̱j quiꞌya̱j nu̱ꞌ stucua̱nj Moisés me nij síí cavi̱i̱ sa̱ꞌ da̱nj maꞌ. Tana̱nj cavi̱i̱ sa̱ꞌ ta̱ranꞌ níꞌ si̱j amán rá niꞌya̱j man Yaꞌanj, nda̱a vaa quiꞌyaj Abraham ado̱nj. ꞌO̱ se xi̱i ta̱ranꞌ níꞌ me soꞌ ado̱nj.
Nda̱a síj, ga̱a ne̱ se lu̱j cataꞌ tuꞌva Yaꞌanj rihaan Abraham roꞌ, caꞌnaꞌ se lu̱j yoꞌ nda̱a rihaan nij yuvii̱ yaníj, cheꞌé se vaa quiꞌyaj Cristó Jesús a. Dan me se ga̱a naá, ne̱ cataꞌ tuꞌva Yaꞌanj se vaa catu̱u̱ Nimán Yaꞌanj nimán níꞌ, ne̱ cuchumán rá níꞌ niꞌya̱j níꞌ man Yaꞌanj, ne̱ cheꞌé dan ya̱ da̱nj guun ado̱nj.
ne̱ queneꞌen Yaꞌanj se vaa a̱j quiriꞌ nu̱ꞌ nimán níꞌ cheꞌé cacunꞌ tumé níꞌ a. Ne̱ cheꞌé dan, ase vaa cunuu iꞌna̱ꞌ uún Cristó quiꞌyaj Yaꞌanj roꞌ, taꞌngaꞌ da̱nj vaa uún níꞌ cunuu sa̱ꞌ nimán níꞌ, quiꞌyaj Yaꞌanj, ne̱ cheꞌé dan caꞌve̱e ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj. ꞌO̱ se ma̱an cheꞌé se lu̱j quiꞌyaj Yaꞌanj cheꞌé soj me se caꞌve̱e nani̱i̱ soj rihaan sayuun ne̱ cavi̱i̱ sa̱ꞌ soj ado̱nj.