Apocalipsis 9:8 - Triqui de San Juan Copala

⁸ Ne̱ vaa yuvé raa̱ nij xoꞌ, ne̱ ase vaa yuvé raa̱ chana̱ vaa yoꞌ, ne̱ ase vaa cúú yanꞌ chuvaa̱ vaa cúú yanꞌ nij xoꞌ a.

Apocalipsis 9:8 Iomraidhean Croise

Romanos 9:29

Veé dan caꞌmii uún Isaías cheꞌé nij yuvii̱ israelitá, ne̱ cataj uún soꞌ a: Uun nucua̱j ndoꞌo Yaꞌanj uun chij Yaꞌanj á. Ne̱ níꞌ me se aviꞌ níꞌ cheꞌé cacunꞌ tumé níꞌ, tza̱j ne̱ ti̱nanii Yaꞌanj man do̱j tuviꞌ níꞌ si̱j israelitá rihaan sayuun a. Sese taj tuviꞌ níꞌ nani̱i̱ rihaan sayuun, ne̱ cavi̱ꞌ cunuda̱nj nij yuvii̱ ma̱n chiháán níꞌ, ne̱ navi̱j chiháán níꞌ, ne̱ ase vaa navij chumanꞌ Sodoma do̱ꞌ, ase vaa navij chumanꞌ Gomorra do̱ꞌ, da̱nj ga̱a̱ navi̱j chiháán níꞌ asuun na̱nj ado̱nj. Veé da̱nj caꞌmii Isaías cheꞌé nij yuvii̱ israelitá ga̱a naá a.

1 Timoteo 2:9

Ne̱ xa̱ꞌ chana̱, tza̱j ne̱ cu̱nuû chana̱ yatzíj veꞌé aráán nee̱ man chana̱ á. Se̱ caráyaꞌa̱nj ndoꞌo chana̱ cheꞌé yuvé raa̱ noꞌ maꞌ. Se̱ rásuun noꞌ agaꞌ oró do̱ꞌ, chruj perlá do̱ꞌ, se cunuû noꞌ yatzíj tuꞌve̱e̱ ndoꞌo maꞌ.

1 Pedro 3:3

Se̱ caráyaꞌa̱nj ndoꞌo soj cha̱na̱ cheꞌé rej ni̱quee sa̱ꞌ soj maꞌ. Se̱ nanó rá soj cheꞌé rej da̱j ga̱a̱ yuvé raa̱ soj do̱ꞌ, cheꞌé caquíí canoco̱ꞌ xréé soj do̱ꞌ, cheꞌé ticuu cu̱nuû chihá soj do̱ꞌ, cheꞌé yatzíj tuꞌve̱e̱ cu̱nuû soj do̱ꞌ maꞌ. Se̱ guun rá soj se vaa veꞌé ga̱a̱ soj quiꞌya̱j rasu̱u̱n vaa da̱nj maꞌ.