Apocalipsis 8:3 - Triqui de San Juan Copala

³ Ga̱a ne̱ caꞌnaꞌ ꞌó se‑mo̱zó Yaꞌanj uún, ne̱ canicunꞌ soꞌ rihaan mesá altar agaꞌ oró míí a. Ne̱ noco̱ꞌ raꞌa soꞌ agaꞌ acaa squíí xlá, ne̱ agaꞌ oró míí me agaꞌ yoꞌ a. Ga̱a ne̱ rqué ndoꞌo nii squíí xlá man soꞌ cheꞌé rej ri̱catzeꞌ soꞌ squíí xlá rihaan mesá altar cheꞌé nij síí noco̱ꞌ man Yaꞌanj ga̱a achíín niꞌya̱j nij soꞌ rihaan Yaꞌanj a.

Apocalipsis 8:3 Iomraidhean Croise

San Lucas 1:10

Dan me se catúj Zacarías rque nuvií noco̱o, ne̱ ma̱n ri̱i̱ yuvii̱ xeꞌ, achíín niꞌya̱j nij soꞌ rihaan Yaꞌanj ga̱a caraa Zacarías squíí xlá rihaan yaꞌan a.

Romanos 8:34

Taj va̱j yuvii̱ cuta̱ꞌ cacunꞌ xráá níꞌ si̱j narii Yaꞌanj man maꞌ. ꞌO̱ se caviꞌ Cristó cheꞌé níꞌ, ne̱ cunuu iꞌna̱ꞌ uún Cristó, ne̱ cuano̱ nicunꞌ soꞌ xꞌnúú Yaꞌanj rej nuva̱ꞌ Yaꞌanj, ne̱ maꞌa̱n soꞌ me síí achíín niꞌya̱j rihaan Yaꞌanj cheꞌé níꞌ ado̱nj.

Hebreos 7:25

Dan me se ꞌo̱ vaa iꞌna̱ꞌ Jesús, ne̱ uun nucua̱j soꞌ ti̱nanii soꞌ rihaan sayuun nu̱ꞌ cavii nu̱ꞌ caꞌanj man nij síí uchiꞌ rihaan Yaꞌanj cheꞌé soꞌ ado̱nj. Da̱nj quiꞌya̱j soꞌ cheꞌé se ꞌo̱ vaa iꞌna̱ꞌ soꞌ, ne̱ achíín niꞌya̱j soꞌ rihaan Yaꞌanj cheꞌé nij soꞌ nu̱ꞌ cavii nu̱ꞌ caꞌanj ado̱nj.

Hebreos 9:4

Ne̱ rá cuartó gue̱e̱ doj yoꞌ nicunꞌ mesá altar agaꞌ oró míí, ne̱ agaꞌ acaa squíí xlá rihaan Yaꞌanj me agaꞌ oró míí tuꞌve̱e̱ ndoꞌo yoꞌ a. Ne̱ vaa se‑chru̱nj Yaꞌanj chrúún gue̱e̱ quiꞌyaj Moisés, chrúún tihaa̱n se vaa ya̱ guun Yaꞌanj Taꞌanj nij yuvii̱ israelitá a. Ne̱ nu̱ꞌ xráá chrúún yoꞌ nó agaꞌ oró míí a. Ne̱ rque chrúún yoꞌ roꞌ, nuû xruj oró, ne̱ rque xruj oró cunuû se chá cuꞌna̱j maná a. Ne̱ xꞌnúú xruj oró yoꞌ roꞌ, naj xrúún síí cuꞌna̱j Aarón chruun vará, ne̱ chruun xraꞌ maꞌa̱n coj rihaan me yoꞌ, ne̱ xꞌnúú chruun vará yoꞌ roꞌ, naj yahij no̱ chi̱ꞌ suun noco̱o caꞌneꞌ Yaꞌanj quiꞌya̱j nij síí israelitá a.

Apocalipsis 10:1

Ga̱a ne̱ queneꞌén ꞌu̱nj ꞌó se‑mo̱zó Yaꞌanj síí nucua̱j ndoꞌo nanij rej xta̱ꞌ, ne̱ nu̱ꞌ anica̱j man soꞌ nique̱e̱ soꞌ ngaa, ne̱ táá xcuáá cuꞌlúú raa̱ soꞌ, ne̱ chuguu̱n rihaan soꞌ nda̱a vaa chuguu̱n güii a. Ne̱ ase vaa chraan acaa vaa tacóó soꞌ a.

Apocalipsis 14:18

Ga̱a ne̱ curiha̱nj ꞌó se‑mo̱zó Yaꞌanj uún rej nicu̱nꞌ mesá altar, ne̱ síí guun chij rihaan yaꞌan me soꞌ, ne̱ nucua̱j ndoꞌo caguáj soꞌ rihaan síí nica̱j ꞌó agaꞌ siha̱a̱ yoꞌ a. Dan me se cataj soꞌ a: ―Ta̱cuachén so̱ꞌ sa̱gáꞌ so̱ꞌ agaꞌ sera̱a̱ siha̱a̱ tacóó nij rasu̱u̱n ma̱n rihaan yoꞌóó, ne̱ naquiꞌya̱j chre̱ꞌ so̱ꞌ nij chruj uvá cachij rihaan yoꞌóó á. ꞌO̱ se a̱j cané nu̱ꞌ nij chruj uvá na̱nj á ―taj soꞌ rihaan tuviꞌ mo̱zó soꞌ a.

Apocalipsis 5:8

Ne̱ ga̱a taꞌaa soꞌ yanj, ne̱ quinij ru̱j caꞌa̱nj nij xcuu do̱ꞌ, ico̱ caꞌa̱nj (24) nij síí uun chij do̱ꞌ, rihaan Matzinj Leꞌe̱j yoꞌ a. Ne̱ nica̱j ꞌo̱ ꞌo̱ nij soꞌ yaꞌánj arpá do̱ꞌ, coꞌoo agaꞌ oró míí caraa squíí xlá rque do̱ꞌ, ne̱ squíí xlá yoꞌ roꞌ, me nij nana̱ achíín niꞌya̱j nij síí noco̱ꞌ man Yaꞌanj rihaan maꞌa̱n Yaꞌanj a.

Apocalipsis 6:9

Ga̱a ne̱ ga̱a caꞌnéj Matzinj Leꞌe̱j selló ꞌu̱nꞌ no̱ tuꞌva yanj yoꞌ, ne̱ queneꞌén ꞌu̱nj rej rque mesá altar, ne̱ rque mesá altar me se naj nij nimán nij síí caviꞌ cheꞌé snana̱ Yaꞌanj cheꞌé se nataꞌ nij soꞌ nana̱ ya̱ rihaan yuvii̱ a.

Apocalipsis 7:2

Dan me se queneꞌén ꞌu̱nj ꞌó se‑mo̱zó Yaꞌanj cavii rej síj güii, ne̱ nica̱j soꞌ selló no̱ se‑taꞌnga̱ꞌ Yaꞌanj vaa iꞌna̱ꞌ a. Dan me se caguáj soꞌ rihaan caꞌa̱nj nij se‑mo̱zó Yaꞌanj yoꞌ nij síí caꞌneꞌ Yaꞌanj suun rihaan quiꞌya̱j nij soꞌ sayuun man yoꞌóó do̱ꞌ, man na yaꞌa̱nj do̱ꞌ, ne̱ cataj soꞌ a:

Apocalipsis 8:4

Ga̱a ne̱ cavii yachruu̱ squíí xlá noco̱ꞌ raꞌa se‑mo̱zó Yaꞌanj yoꞌ rihaan maꞌa̱n Yaꞌanj, ga̱a cachíín niꞌya̱j nij soꞌ rihaan Yaꞌanj a.

Apocalipsis 8:5

Ga̱a ne̱ dan me se caꞌanj nica̱j se‑mo̱zó Yaꞌanj yoꞌ agaꞌ acaa squíí xlá yoꞌ rihaan mesá altar, ga̱a ne̱ caraa ndoꞌo soꞌ ruꞌviꞌ yaꞌan ma̱n rihaan mesá altar yoꞌ rá agaꞌ, ga̱a ne̱ tagüéj soꞌ ruꞌviꞌ yaꞌan yoꞌ rihaan chumii̱ a. Ga̱a ne̱ caguáj tuꞌvii, ne̱ cari̱i̱n ndoꞌo, ne̱ quiraa̱n ndoꞌo, ne̱ cachén ndoꞌo yuún, quiꞌyaj se‑mo̱zó Yaꞌanj yoꞌ ga̱a tagüéj yoꞌ squíí xlá rihaan chumii̱ a.

Apocalipsis 9:13

Ga̱a ne̱ dan me se caꞌyánj se‑mo̱zó Yaꞌanj mozó vata̱nꞌ chruun aꞌyánj, ga̱a ne̱ cunoj nana̱ caꞌmii ꞌo̱ soꞌ rej tanu̱u̱ nij scúú mesá altar agaꞌ oró míí nicu̱nꞌ rihaan Yaꞌanj a.