Apocalipsis 8:12 - Triqui de San Juan Copala

¹² Ga̱a ne̱ caꞌyánj se‑mo̱zó Yaꞌanj mozó caꞌa̱nj chruun aꞌyánj, ga̱a ne̱ quiranꞌ chiꞌii̱ taꞌa̱j yane̱j rihaan güii ga̱ yavii do̱ꞌ, ꞌo̱ yatiꞌ rihaan da̱j a̱ vaꞌnu̱j nij yatiꞌ do̱ꞌ, ne̱ dan me se ꞌo̱ cunu̱u rmi̱ꞌ se quiranꞌ chiꞌii̱ yoꞌ a. Dan me se taꞌa̱j rej ranga̱ꞌ do̱ꞌ, taꞌa̱j rej nii̱ do̱ꞌ, ne chugu̱u̱n nij yoꞌ a̱ maꞌ.

Apocalipsis 8:12 Iomraidhean Croise

San Mateo 24:29

’Síj quiranꞌ yuvii̱ sayuun yoꞌ, ga̱a ne̱ gu̱un rmi̱ꞌ güii gu̱un rmi̱ꞌ yavii gu̱un rmi̱ꞌ, ne̱ cayu̱u nij yatiꞌ xta̱ꞌ ne̱ quina̱a̱n ta̱ranꞌ nij rasu̱u̱n nucua̱j ma̱n rej xta̱ꞌ do̱ꞌ a.

San Mateo 27:45

Veé dan, ne̱ caxu̱j, ne̱ yu̱u̱n cheꞌe̱ guun rmi̱ꞌ nu̱ꞌ rihaan yoꞌóó nda̱a quisíj agaꞌ vaꞌnu̱j rej anocoꞌ güii a.

San Marcos 13:24

’Tza̱j ne̱ güii yoꞌ me se asa̱ꞌ navij quisíj sayuun yoꞌ, ga̱a ne̱ gu̱un rmi̱ꞌ güii gu̱un rmi̱ꞌ yavii gu̱un rmi̱ꞌ,

San Marcos 15:33

Veé dan, ne̱ caxu̱j, ne̱ yu̱u̱n cheꞌe̱ guun rmi̱ꞌ nu̱ꞌ rihaan yoꞌóó nda̱a quisíj agaꞌ vaꞌnu̱j rej anocoꞌ güii a.

San Lucas 21:25

Ne̱ cataj uún Jesús a: ―Ga̱a ne̱ queneꞌe̱n yuvii̱ se vaa cunu̱u ino̱ güii do̱ꞌ, yavii do̱ꞌ, nij yatiꞌ do̱ꞌ, ne̱ rihaan maꞌa̱n chumii̱ me se cuchuꞌvi̱ꞌ ndoꞌo cunuda̱nj nij yuvii̱ cuno̱ nij soꞌ da̱j gu̱un ca̱ri̱i̱n ndoꞌo na yaꞌa̱nj do̱ꞌ, queneꞌe̱n nij soꞌ da̱j ga̱a̱ quina̱a̱n rihaan na yaꞌa̱nj do̱ꞌ a.

Hechos 2:20

Ne̱ gu̱un rmi̱ꞌ rihaan güii, ne̱ rihaan yavii roꞌ, gu̱un ton, asa̱ꞌ nichrunꞌ quisi̱j güii noco̱o güii caꞌne̱ꞌ ꞌu̱nj Si̱j ꞌNi̱j Raꞌa man soj cacunꞌ cheꞌé yuvii̱ a.

2 Corintios 4:4

Ne̱ xa̱ꞌ nij soꞌ, tza̱j ne̱ ne nocoꞌ nij soꞌ man Cristó maꞌ. ꞌO̱ se caráán xréé nij soꞌ, quiꞌyaj Síí Chre̱e síí noco̱ꞌ nij soꞌ man, ne̱ ne gu̱un nucua̱j nij soꞌ xca̱j nij soꞌ cuentá cheꞌé nana̱ sa̱ꞌ cheꞌé Cristó maꞌ. Ne neꞌen nij soꞌ se vaa niꞌndaj ya̱ veꞌé vaa Cristó maꞌ. Ne̱ xa̱ꞌ Cristó, tza̱j ne̱ ase vaa maꞌa̱n Yaꞌanj vaa soꞌ niꞌya̱j níꞌ man soꞌ ado̱nj.

Apocalipsis 12:4

Ne̱ taneꞌ xoꞌ me se cuxuun yoꞌ ꞌo̱ yatiꞌ rihaan da̱j a̱ vaꞌnu̱j nij yatiꞌ ma̱n rej xta̱ꞌ, ne̱ cayuu nij yatiꞌ rihaan yoꞌóó, quiꞌyaj xoꞌ a. Ne̱ canicunꞌ xcuáá tuꞌvi̱i yoꞌ rihaan chana̱ cuchru̱j neꞌej, cheꞌé rej cha̱ nu̱ꞌ xoꞌ man neꞌej cuchru̱j chana̱ yoꞌ a.

Apocalipsis 16:10

Ga̱a ne̱ se‑mo̱zó Yaꞌanj mozó ꞌu̱nꞌ roꞌ, tucuayuu soꞌ se ma̱n rque se‑coꞌo̱o soꞌ rihaan chruun xlá sa̱ꞌ rej ta̱j xcuu yuva̱a̱ a. Ga̱a ne̱ yu̱u̱n cheꞌe̱ cunuu rmi̱ꞌ nu̱ꞌ rej rii taꞌngaꞌ soꞌ rihaan, ne̱ dan me se queꞌee̱ ndoꞌo man nij síí uun chij soꞌ rihaan, ne̱ nda̱a chá ru̱j maꞌa̱n nij soꞌ tuꞌva nij soꞌ cheꞌé se aꞌngaj man nij soꞌ a.

Apocalipsis 6:12

Ga̱a ne̱ queneꞌén ꞌu̱nj se vaa caꞌnéj Matzinj Leꞌe̱j selló vata̱nꞌ no̱ tuꞌva yanj yoꞌ, ne̱ dan me se nucua̱j ndoꞌo cachén yuún, ne̱ guun maruu̱ rihaan güii, ne̱ nda̱ꞌ rá se vaa maruu̱ yatzéj maruu̱ roꞌ, da̱nj vaa güii a. Ne̱ ase vaa ton roꞌ, da̱nj vaa rihaan yavii a.

Apocalipsis 9:15

Ga̱a ne̱ nache soꞌ caꞌa̱nj nij se‑mo̱zó Yaꞌanj síí cuneꞌ Yaꞌanj cavi̱i̱ ma̱an orá yoꞌ, ma̱an güii yoꞌ, ma̱an yavii yoꞌ, ma̱an yoꞌ ya̱ yoꞌ, cheꞌé rej cavi̱ꞌ ꞌo̱ yuvii̱ rihaan da̱j a̱ vaꞌnu̱j yuvii̱ ma̱n rihaan chumii̱, quiꞌya̱j nij soꞌ na̱nj ado̱nj.

Apocalipsis 9:18

Ne̱ cheꞌé yaꞌan do̱ꞌ, yachruu̱ do̱ꞌ, azufré do̱ꞌ, cavii tuꞌva nij cuayó roꞌ, cheꞌé dan caviꞌ ꞌo̱ yuvii̱ rihaan da̱j a̱ vaꞌnu̱j yuvii̱ ma̱n rihaan chumii̱ a.