Apocalipsis 7:2 - Triqui de San Juan Copala

² Dan me se queneꞌén ꞌu̱nj ꞌó se‑mo̱zó Yaꞌanj cavii rej síj güii, ne̱ nica̱j soꞌ selló no̱ se‑taꞌnga̱ꞌ Yaꞌanj vaa iꞌna̱ꞌ a. Dan me se caguáj soꞌ rihaan caꞌa̱nj nij se‑mo̱zó Yaꞌanj yoꞌ nij síí caꞌneꞌ Yaꞌanj suun rihaan quiꞌya̱j nij soꞌ sayuun man yoꞌóó do̱ꞌ, man na yaꞌa̱nj do̱ꞌ, ne̱ cataj soꞌ a:

Apocalipsis 7:2 Iomraidhean Croise

San Mateo 16:16

Ga̱a ne̱ cataj síí cuꞌna̱j Simón Pedró a: ―Síí Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ, ne̱ Taꞌni̱j Yaꞌanj si̱j vaa iꞌna̱ꞌ ya̱ mé so̱ꞌ na̱nj ado̱nj ―taj soꞌ rihaan Jesús a.

San Mateo 26:63

Tza̱j ne̱ dínj táá Jesús a. Ga̱a ne̱ cataj uún xrej ata̱ suun noco̱o doj rihaan Jesús a: ―Ase vaa nana̱ taj xnaꞌanj maꞌa̱n Yaꞌanj rihaan so̱ꞌ roꞌ, da̱nj ga̱a̱ nana̱ nihánj nana̱ cata̱j xnaꞌanj ꞌu̱nj rihaan so̱ꞌ á. ꞌU̱nj me síí ya̱ ya̱ caꞌne̱ꞌ suun rihaan so̱ꞌ cata̱j xnaꞌanj so̱ꞌ sese ya̱ ya̱ Síí Caꞌnéé Yaꞌanj Ti̱nanii man Yuvii̱ rihaan Sayuun ne̱ Taꞌníí Yaꞌanj mé so̱ꞌ á ―taj soꞌ rihaan Jesús a.

San Juan 6:27

’Se̱ guun quiꞌya̱j suun soj cheꞌé ina̱nj se cha̱ soj maꞌ. ꞌO̱ se vaa güii, ne̱ navi̱j nu̱ꞌ nij rasu̱u̱n yoꞌ na̱nj ado̱nj. Cheꞌé dan quiꞌya̱j suun soj cheꞌé se vaa quiꞌya̱j cavi̱i̱ sa̱ꞌ nimán soj, ga̱a ne̱ ga̱a̱ iꞌna̱ꞌ ya̱ nimán soj nu̱ꞌ cavii nu̱ꞌ caꞌanj á. ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me síí rque̱ se sa̱ꞌ yoꞌ rihaan soj na̱nj ado̱nj. ꞌO̱ se Réj Yaꞌanj me síí cataj se vaa caꞌve̱e qui̱ꞌyáj da̱nj cheꞌé soj ado̱nj ―taj Jesús rihaan nij yuvii̱ a.

2 Corintios 1:22

Ne̱ soꞌ me síí cataj se vaa ya̱ ya̱ taꞌni̱j soꞌ me níꞌ, ne̱ caꞌnéé soꞌ Nimán soꞌ ca̱yáán nimán níꞌ, ne̱ cheꞌé dan guun ya̱ rá níꞌ se vaa ya̱ rque̱ soꞌ se sa̱ꞌ man níꞌ, vaa güii ado̱nj.

Efesios 1:13

Ne̱ vaa nij soj si̱j yaníj uún, ne̱ cuno soj nana̱ ya̱ nana̱ sa̱ꞌ taj se vaa caꞌve̱e nani̱i̱ soj rihaan sayuun ne̱ cavi̱i̱ sa̱ꞌ soj quiꞌya̱j Cristó a. Ne̱ cuchumán rá soj niꞌya̱j soj man Cristó, ne̱ cheꞌé Cristó me se caꞌnaꞌ Nimán Yaꞌanj catúj Nimán Yaꞌanj nimán soj, nda̱a vaa cataꞌ tuꞌva Yaꞌanj ga̱a naá a. Ne̱ cheꞌé se nu̱u̱ Nimán Yaꞌanj nimán níꞌ roꞌ, cheꞌé dan neꞌen ya̱ níꞌ se vaa me níꞌ taꞌníí Yaꞌanj

Efesios 4:30

Ne̱ se̱ guun nano̱ rá Nimán Yaꞌanj, quiꞌya̱j soj maꞌ. Cheꞌé se ya̱nj Nimán Yaꞌanj ga̱ soj roꞌ, cheꞌé dan neꞌen ya̱ soj se vaa cavi̱i̱ sa̱ꞌ soj asa̱ꞌ quisíj güii ti̱nanii Yaꞌanj man níꞌ rihaan sayuun ado̱nj.

1 Tesalonicenses 1:9

Maꞌa̱n nij yuvii̱ taj xnaꞌanj rihaan tuviꞌ nij soꞌ se vaa veꞌé uxrá caꞌmii soj ga̱ núj ga̱a cayáán núj ga̱ soj ado̱nj. Ne̱ taj xnaꞌanj nij soꞌ se vaa tanáj soj yaꞌanj quiꞌyaj maꞌa̱n yuvii̱ canocoꞌ soj ga̱a rque̱, ne̱ ya̱j me se canica̱j soj canocoꞌ soj man Yaꞌanj si̱j vaa iꞌna̱ꞌ ya̱ ya̱,

2 Timoteo 2:19

Tza̱j ne̱ a̱j cuchruj sca̱ꞌ Yaꞌanj tucuáán noco̱ꞌ níꞌ, ne̱ a̱j na̱j se‑se̱lló soꞌ, quiꞌyaj soꞌ a. Ne̱ nihánj me nana̱ no̱ rihaan se‑se̱lló soꞌ a: “Neꞌen Síí ꞌNi̱j Raꞌa man níꞌ man nij síí noco̱ꞌ man soꞌ a.” Ne̱ ꞌó nana̱ no̱ rihaan se‑se̱lló soꞌ taj a: “Nu̱ꞌ nij síí nataꞌ se vaa si̱j noco̱ꞌ man Síí ꞌNi̱j Raꞌa man níꞌ me nij soꞌ roꞌ, no̱ xcúún nij soꞌ ta̱náj nij soꞌ nu̱ꞌ chrej chiꞌi̱i̱ á.” Dan me ro̱j nana̱ noco̱ꞌ níꞌ ado̱nj.

Hebreos 12:22

Tza̱j ne̱ ino̱ uxrá quiranꞌ nij soj ga̱ nij soꞌ na̱nj á. Dan me se xa̱ꞌ soj, tza̱j ne̱ caꞌve̱e cuchi̱ꞌ maꞌa̱n soj chumanꞌ Jerusalén chumanꞌ na̱j rej xta̱ꞌ na̱nj chugua̱nj. Ne̱ chumanꞌ Jerusalén na̱j rej xta̱ꞌ me se ase vaa chumanꞌ Jerusalén na̱j raa̱ quij cuꞌna̱j Sion rihaan chumii̱ nihánj roꞌ, vaa chumanꞌ yoꞌ ado̱nj. Ne̱ maꞌa̱n Yaꞌanj si̱j vaa iꞌna̱ꞌ yáán chumanꞌ Jerusalén na̱j rej xta̱ꞌ yoꞌ, ne̱ yoꞌ me rej ma̱n niꞌndaj ya̱ míj se‑mo̱zó Yaꞌanj, ne̱ navij ndoꞌo rá nij se‑mo̱zó Yaꞌanj chaꞌanj cheꞌé Yaꞌanj rej yoꞌ ado̱nj.

Apocalipsis 1:3

Ne̱ cavi̱i̱ sa̱ꞌ uxrá nij síí naya̱a̱ nana̱ nihánj rihaan tuviꞌ, ne̱ da̱nj na̱nj uún ne̱ cavi̱i̱ sa̱ꞌ nij síí aꞌnéé sa̱ꞌ nana̱ nihánj nimán nij soꞌ, ne̱ ya̱ ꞌyaj nij soꞌ nda̱a vaa taj nana̱ no̱ rihaan yanj nihánj chugua̱nj. ꞌO̱ se da̱j doj quisi̱j ya̱ güii caꞌna̱ꞌ nij rasu̱u̱n yoꞌ na̱nj ado̱nj.

Apocalipsis 10:1

Ga̱a ne̱ queneꞌén ꞌu̱nj ꞌó se‑mo̱zó Yaꞌanj síí nucua̱j ndoꞌo nanij rej xta̱ꞌ, ne̱ nu̱ꞌ anica̱j man soꞌ nique̱e̱ soꞌ ngaa, ne̱ táá xcuáá cuꞌlúú raa̱ soꞌ, ne̱ chuguu̱n rihaan soꞌ nda̱a vaa chuguu̱n güii a. Ne̱ ase vaa chraan acaa vaa tacóó soꞌ a.

Apocalipsis 10:4

Ne̱ ga̱a quisíj chi̱j caguáj tuꞌvii, ga̱a ne̱ guun raj cachro̱nj nana̱ caguáj tuꞌvii rihaan yanj, tza̱j ne̱ cunoj nana̱ cavii rej xta̱ꞌ, ne̱ nana̱ cunoj taj a: ―Caꞌne̱j yuve̱ so̱ꞌ nana̱ caguáj tuꞌvii, ne̱ se̱ cachrón so̱ꞌ nana̱ yoꞌ rihaan yanj maꞌ ―taj nana̱ cavii rej xta̱ꞌ cunoj a.

Apocalipsis 16:12

Ga̱a ne̱ se‑mo̱zó Yaꞌanj mozó vata̱nꞌ roꞌ, tucuayuu soꞌ se ma̱n rque se‑coꞌo̱o soꞌ rihaan chráá xi̱j cuꞌna̱j chráá Éufrates, ga̱a ne̱ canacoo̱ nu̱ꞌ na ma̱n rque chráá yoꞌ, quiꞌyaj soꞌ a. Ne̱ dan me se guun chráá yoꞌ chrej cache̱n nij síí nica̱j suun rey cavii rej síj güii caꞌna̱ꞌ nij soꞌ a.

Apocalipsis 5:2

Ga̱a ne̱ queneꞌén ꞌu̱nj ꞌo̱ se‑mo̱zó Yaꞌanj síí nucua̱j ndoꞌo, ne̱ nucua̱j ndoꞌo xnáꞌanj soꞌ, cataj soꞌ a: ―Me síí no̱ xcúún caꞌne̱e̱ nij selló no̱ aráán tuꞌva yanj ne̱ nuxra̱ꞌ soꞌ yanj ga̱ ―taj soꞌ, xnáꞌanj soꞌ a.

Apocalipsis 8:3

Ga̱a ne̱ caꞌnaꞌ ꞌó se‑mo̱zó Yaꞌanj uún, ne̱ canicunꞌ soꞌ rihaan mesá altar agaꞌ oró míí a. Ne̱ noco̱ꞌ raꞌa soꞌ agaꞌ acaa squíí xlá, ne̱ agaꞌ oró míí me agaꞌ yoꞌ a. Ga̱a ne̱ rqué ndoꞌo nii squíí xlá man soꞌ cheꞌé rej ri̱catzeꞌ soꞌ squíí xlá rihaan mesá altar cheꞌé nij síí noco̱ꞌ man Yaꞌanj ga̱a achíín niꞌya̱j nij soꞌ rihaan Yaꞌanj a.

Apocalipsis 9:14

Ga̱a ne̱ caꞌmii soꞌ rihaan se‑mo̱zó Yaꞌanj mozó nica̱j chruun aꞌyánj vata̱nꞌ, cataj soꞌ a: ―Na̱ché so̱ꞌ man caꞌa̱nj nij se‑mo̱zó Yaꞌanj síí numi̱i tuꞌva chráá xi̱j cuꞌna̱j Éufrates á ―taj soꞌ rihaan se‑mo̱zó Yaꞌanj yoꞌ a.

Apocalipsis 9:4

Ga̱a ne̱ caꞌneꞌ nii suun rihaan nij xoꞌ se vaa se̱ quiꞌyaj nij xoꞌ sayuun man coj chri̱nꞌ do̱ꞌ, man me maꞌa̱n coj do̱ꞌ, man cuêj do̱ꞌ, man nij chruun do̱ꞌ maꞌ. Ma̱an se quiꞌya̱j nij xoꞌ sayuun man ina̱nj nij yuvii̱ nuviꞌ se‑taꞌnga̱ꞌ Yaꞌanj cataꞌ caan rihaan a.