Apocalipsis 7:13 - Triqui de San Juan Copala

¹³ Ga̱a ne̱ xnáꞌanj ꞌo̱ nij síí uun chij manj, cataj soꞌ a: ―Ne̱ nij síí nu̱u̱ yatzíj xca̱a̱n catzi̱i̱ roꞌ, me si̱j me nij soꞌ, ne̱ me rej cavii nij soꞌ, rá so̱ꞌ ga̱ ―taj soꞌ, xnáꞌanj soꞌ manj a.

Apocalipsis 7:13 Iomraidhean Croise

San Juan 7:28

Cheꞌé dan sca̱ꞌ ndoꞌo caꞌmii Jesús ga̱a tucuꞌyón soꞌ man nij yuvii̱ rej ya̱nj nuvií noco̱o, ne̱ cataj soꞌ a: ―Neꞌen soj manj, ne̱ neꞌen soj me rej cavii ꞌu̱nj na̱nj ado̱nj. Tza̱j ne̱ ne caꞌna̱ꞌ ma̱ꞌanj maꞌ. ꞌO̱ se ya̱ aꞌmii síí caꞌnéé manj, tza̱j ne̱ ne neꞌen uxrá soj man soꞌ a̱ maꞌ.

Hechos 3:12

Ne̱ ga̱a queneꞌen Pedró man nij yuvii̱, ne̱ cataj soꞌ rihaan nij yuvii̱ a: ―Cuno̱ soj si̱j israelitá caꞌmi̱j á. Me cheꞌé caꞌanj ndoꞌo rá soj se vaa chéé síí nihánj ga̱. Me cheꞌé niꞌya̱j ndoꞌo soj man rój ga̱. Se̱ guun rá soj se vaa cheꞌé se síí nucua̱j do̱ꞌ, síí gue̱e̱ do̱ꞌ, me maꞌa̱n rój, ne̱ quiꞌyaj rój se vaa cachéé soꞌ maꞌ.

Apocalipsis 3:4

Tza̱j ne̱ vaa taꞌa̱j tuviꞌ soj si̱j ma̱n chumanꞌ Sardis ne quiꞌya̱j cacunꞌ maꞌ. Ne̱ cheꞌé dan ase vaa síí nu̱u̱ yatzíj naruvii roꞌ, da̱nj vaa nij soꞌ cuano̱ rihanj chugua̱nj. Ne̱ nij soꞌ roꞌ, vaa güii cu̱nuû nij soꞌ yatzíj catzi̱i̱, ne̱ cache̱e̱ nij soꞌ ga̱j ado̱nj. ꞌO̱ se no̱ xcúún nij soꞌ quiꞌya̱j nij soꞌ da̱nj ado̱nj.

Apocalipsis 4:10

Ne̱ da̱j a̱ ga̱a ꞌyaj nij xoꞌ da̱nj ne̱ ꞌanj ca̱yáán ru̱j ico̱ caꞌa̱nj (24) nij síí uun chij yoꞌ rihaan síí ta̱j rihaan chruun xlá sa̱ꞌ yoꞌ, ne̱ aráj gue̱e̱ nij soꞌ rihaan soꞌ, cheꞌé se me soꞌ síí ca̱yáán nu̱ꞌ cavii nu̱ꞌ caꞌanj, ne̱ tagüéj nij soꞌ cachriin nu̱u̱ raa̱ nij soꞌ rej rihaan chruun xlá sa̱ꞌ yoꞌ a. Ga̱a ne̱ taj nij soꞌ a:

Apocalipsis 4:4

Ne̱ nu̱ꞌ anica̱j chruun xlá sa̱ꞌ yoꞌ roꞌ, nicunꞌ ꞌó ico̱ caꞌa̱nj (24) chruun xlá sa̱ꞌ, ne̱ ta̱j ico̱ caꞌa̱nj síí uun chij rihaan nij chruun xlá sa̱ꞌ yoꞌ, ne̱ nu̱u̱ nij síí uun chij yatzíj catzi̱i̱, ne̱ nu̱u̱ raa̱ nij soꞌ cachriin agaꞌ oró míí a.

Apocalipsis 5:11

Ga̱a ne̱ queneꞌen uún ꞌu̱nj, ne̱ cunó ꞌu̱nj snana̱ queꞌe̱e̱ millón se‑mo̱zó Yaꞌanj nicu̱nꞌ nu̱ꞌ anica̱j chruun xlá sa̱ꞌ do̱ꞌ, nij xcuu do̱ꞌ, nij síí uun chij do̱ꞌ a.

Apocalipsis 5:5

Ga̱a ne̱ ꞌo̱ nij síí uun chij cataj rihanj a: ―Se̱ taꞌveé so̱ꞌ maꞌ. Ni̱ꞌyaj so̱ꞌ á. A̱j quiꞌyaj canaán síí cuꞌna̱j Chuvaa̱ síí noco̱ꞌ xꞌneꞌ síí cuꞌna̱j Judá síí cayáán ga̱a naá, ne̱ ꞌo̱ taꞌníí taꞌnij siꞌno̱ rey cuꞌna̱j David me uún soꞌ, ne̱ cheꞌé dan caꞌve̱e caꞌne̱e̱ soꞌ chi̱j nij selló no̱ tuꞌva yanj ne̱ nuxra̱ꞌ soꞌ yanj yoꞌ na̱nj ado̱nj ―taj soꞌ rihanj a.

Apocalipsis 7:9

Veé dan, ga̱a ne̱ niꞌya̱j ꞌu̱nj, ne̱ dan me se ri̱i̱ uxrá yuvii̱, ne̱ taj va̱j síí gu̱un nucua̱j quiꞌya̱j contá man nij yuvii̱ a̱ maan chugua̱nj. Ne̱ yuvii̱ ma̱n da̱j a̱ yoꞌóó noco̱o do̱ꞌ, yuvii̱ ma̱n da̱j a̱ xꞌneꞌ yuvii̱ ino̱ vaa stucua̱nj do̱ꞌ, yuvii̱ ma̱n da̱j a̱ chumanꞌ do̱ꞌ, yuvii̱ ma̱n da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, me uún nij soꞌ, ne̱ dan me se canicunꞌ nij soꞌ rihaan chruun xlá sa̱ꞌ yoꞌ do̱ꞌ, rihaan Matzinj Leꞌe̱j yoꞌ do̱ꞌ a. Ne̱ yatzíj xca̱a̱n catzi̱i̱ nuû nij soꞌ, ne̱ nica̱j nij soꞌ raꞌa chruun yuun a.