Apocalipsis 6:6 - Triqui de San Juan Copala

⁶ Ga̱a ne̱ cunó ꞌu̱nj nana̱ cavii rej tanu̱u̱ caꞌa̱nj nij xcuu, ne̱ nana̱ yoꞌ cataj a: ―Saꞌanj ꞌyaj canaán yuvii̱ ꞌo̱ güii roꞌ, caꞌve̱e quira̱a̱n soꞌ ꞌo̱ kiló ꞌnúú trigó do̱ꞌ, ase vaꞌnu̱j kiló ꞌnúú cebada do̱ꞌ a. Tza̱j ne̱ se̱ tiríꞌ so̱ꞌ casté chá do̱ꞌ, na vinó do̱ꞌ maꞌ ―taj nana̱ yoꞌ a.

Apocalipsis 6:6 Iomraidhean Croise

San Mateo 24:7

Dan me se cunu̱ꞌ uxrá ꞌo̱ chumanꞌ noco̱o ga̱ ꞌó chumanꞌ noco̱o, ne̱ cunu̱ꞌ ꞌo̱ gobiernó ga̱ ꞌó gobiernó a. Ne̱ cache̱n xꞌnaa cache̱n yuún noco̱o cache̱n queꞌe̱e̱ chumanꞌ a.

Apocalipsis 4:6

Ne̱ rej rihaan chruun xlá sa̱ꞌ yoꞌ roꞌ, nu̱u̱ ꞌo̱ na yaꞌa̱nj, tza̱j ne̱ né na ya̱ me yoꞌ maꞌ. Ma̱an scura̱a̱n ina̱nj me yoꞌ, ne̱ ase vaa yahij cristal da̱nj vaa yoꞌ a. Ne̱ nu̱ꞌ anica̱j chruun xlá sa̱ꞌ yoꞌ ne̱ tanu̱u̱ ꞌó nij chruun xlá me se nicunꞌ caꞌa̱nj xcuu, ne̱ nu̱ꞌ anica̱j man nij xcuu mán rlij rihaan nij xoꞌ a.

Apocalipsis 4:8

Ne̱ vaa vata̱nꞌ scache̱e ꞌo̱ ꞌo̱ nij xoꞌ ta̱j xráá nij xoꞌ, ne̱ ase vaa scache̱e xtâj vaa scache̱e nij xoꞌ a. Ne̱ nu̱ꞌ xráá xoꞌ nu̱ꞌ rque xoꞌ nu̱ꞌ mán rlij rihaan xoꞌ ado̱nj. Ne̱ nuvi̱i niga̱nꞌ ne aꞌneꞌ rá nij xoꞌ ga̱ suun taj nana̱ nihánj a: Síí sa̱ꞌ ina̱nj uxrá me Yaꞌanj Si̱j ꞌNi̱j Raꞌa man níꞌ Síí Uun Nucua̱j ꞌYaj Cunuda̱nj a. Ne̱ soꞌ me síí nicu̱nꞌ ya̱j do̱ꞌ, síí nicu̱nꞌ asi̱j naá do̱ꞌ, síí cuchi̱ꞌ do̱ꞌ ado̱nj, taj caꞌa̱nj nij xcuu yoꞌ a.

Apocalipsis 7:3

―Se̱ guun quiꞌya̱j soj sayuun man yoꞌóó do̱ꞌ, man na yaꞌa̱nj do̱ꞌ, man chruun do̱ꞌ maꞌ. Caꞌne̱ꞌ rá soj do̱j tzínꞌ, ne̱ nda̱a quisíj cutaꞌ núj taꞌngaꞌ caan rihaan nij síí nu̱u̱ rihaan Taꞌanj níꞌ, ne̱ caꞌve̱e ado̱nj ―taj soꞌ, caguáj soꞌ a.

Apocalipsis 9:4

Ga̱a ne̱ caꞌneꞌ nii suun rihaan nij xoꞌ se vaa se̱ quiꞌyaj nij xoꞌ sayuun man coj chri̱nꞌ do̱ꞌ, man me maꞌa̱n coj do̱ꞌ, man cuêj do̱ꞌ, man nij chruun do̱ꞌ maꞌ. Ma̱an se quiꞌya̱j nij xoꞌ sayuun man ina̱nj nij yuvii̱ nuviꞌ se‑taꞌnga̱ꞌ Yaꞌanj cataꞌ caan rihaan a.