Apocalipsis 5:1 - Triqui de San Juan Copala

¹ Ne̱ rej nuva̱ꞌ síí ta̱j rihaan chruun xlá sa̱ꞌ yoꞌ roꞌ, queneꞌenj ꞌo̱ yanj, ne̱ no̱ nana̱ nu̱ꞌ rej rque̱ yanj nu̱ꞌ rej xra̱j yanj nu̱ꞌ a. Ne̱ no̱ chi̱j selló yánj tuꞌva yanj yoꞌ, ne̱ aráán selló yoꞌ nu̱ꞌ anica̱j tuꞌva yanj yoꞌ a.

Apocalipsis 5:1 Iomraidhean Croise

Apocalipsis 10:2

Ne̱ nica̱j raꞌa soꞌ ꞌo̱ yanj cunii, ne̱ vaa yaꞌnúj rihaan yanj yoꞌ a. Ne̱ cutaꞌ soꞌ tacóó soꞌ rej nuva̱ꞌ soꞌ rihaan na yaꞌa̱nj, ne̱ cutaꞌ soꞌ tacóó soꞌ rej nichru̱un soꞌ rihaan yoꞌóó a.

Apocalipsis 4:3

ne̱ ase vaa yahij “jaspe” do̱ꞌ, ase vaa yahij “cornalina” do̱ꞌ, da̱nj vaa soꞌ curuviꞌ soꞌ a. Ne̱ ase vaa xcuáá cuꞌlúú roꞌ, da̱nj vaa nu̱ꞌ anica̱j chruun xlá sa̱ꞌ yoꞌ, veꞌé chuguu̱n yoꞌ, ne̱ ase vaa chuguu̱n yahij “esmeralda” roꞌ, da̱nj vaa chuguu̱n yoꞌ a.

Apocalipsis 4:9

Ne̱ taj nij xcuu se vaa niꞌndaj ya̱ sa̱ꞌ veꞌé vaa Yaꞌanj síí ta̱j rihaan chruun xlá sa̱ꞌ yoꞌ síí ca̱yáán nu̱ꞌ cavii nu̱ꞌ caꞌanj, ne̱ aráj cochro̱j nij xoꞌ rihaan soꞌ, ne̱ taj nij xoꞌ guun niꞌya̱j níꞌ rihaan soꞌ ado̱nj.

Apocalipsis 5:13

Ga̱a ne̱ cunó ꞌu̱nj se vaa caꞌmii da̱j a̱ nij rasu̱u̱n quiꞌyaj Yaꞌanj, rasu̱u̱n ma̱n rej xta̱ꞌ do̱ꞌ, rasu̱u̱n ma̱n rihaan yoꞌóó do̱ꞌ, rasu̱u̱n ma̱n rque yoꞌóó do̱ꞌ, rasu̱u̱n ma̱n rihaan na yaꞌa̱nj do̱ꞌ a. Ne̱ cataj cunuda̱nj nij rasu̱u̱n yoꞌ a: Cheꞌé síí ta̱j rihaan chruun xlá sa̱ꞌ do̱ꞌ, cheꞌé Matzinj Leꞌe̱j do̱ꞌ, cata̱j níꞌ se vaa ina̱nj sa̱ꞌ ꞌyaj ro̱j soꞌ do̱ꞌ, cara̱a̱ cochro̱j níꞌ rihaan ro̱j soꞌ do̱ꞌ, niꞌndaj ya̱ sa̱ꞌ veꞌé ga̱a̱ ro̱j soꞌ do̱ꞌ, gu̱un chij ro̱j soꞌ do̱ꞌ, nu̱ꞌ cavii nu̱ꞌ caꞌanj ado̱nj taj nij rasu̱u̱n yoꞌ a.

Apocalipsis 5:7

Dan me se cuchiꞌ soꞌ rihaan síí ta̱j rihaan chruun xlá sa̱ꞌ yoꞌ, ne̱ taꞌaa soꞌ yanj oro̱ꞌ raꞌa síí ta̱j rihaan chruun xlá rej nuva̱ꞌ soꞌ a.

Apocalipsis 6:1

Ga̱a ne̱ queneꞌén ꞌu̱nj se vaa caꞌnéj Matzinj Leꞌe̱j ꞌo̱ nij chi̱j selló caráán tuꞌva yanj libró yoꞌ, ga̱a ne̱ cunoj caꞌmii ꞌo̱ tuviꞌ caꞌa̱nj nij xcuu, ne̱ ase uun ráꞌ ga̱a aguáj tuꞌvii roꞌ, da̱nj guun raj ga̱a caꞌmii xoꞌ a. Ne̱ cataj soꞌ a: ―Caꞌna̱ꞌ so̱ꞌ ni̱ꞌyaj so̱ꞌ á ―taj xcuu yoꞌ a.

Apocalipsis 6:16

Ga̱a ne̱ cataj nij soꞌ rihaan nij quij rihaan nij yuvej rihaan a: ―Cayu̱u nij soj xráá núj, ne̱ caxri̱i̱ yuve̱ soj man núj, se̱ gaa na̱nj queneꞌe̱n síí ta̱j rihaan chruun xlá sa̱ꞌ yoꞌ man núj, ne̱ se̱ quiꞌyaj Matzinj Leꞌe̱j yoꞌ sayuun man núj rugua̱nj.

Apocalipsis 8:1

Ga̱a ne̱ ga̱a caꞌnéj Matzinj Leꞌe̱j selló chi̱j no̱ tuꞌva yanj yoꞌ, ga̱a ne̱ yu̱u̱n cheꞌe̱ cunuu dínj rej xta̱ꞌ ꞌo̱ yane̱j orá a.