Apocalipsis 4:2 - Triqui de San Juan Copala

² Ne̱ raꞌya̱nj queneꞌenj chruun xlá sa̱ꞌ ndoꞌo rej xta̱ꞌ, quiꞌyaj Nimán Yaꞌanj, ne̱ dan me se vaa síí ta̱j chruun xlá sa̱ꞌ yoꞌ síí uun chij ndoꞌo,

Apocalipsis 4:2 Iomraidhean Croise

San Mateo 22:43

Ga̱a ne̱ cataj Jesús a: ―Tza̱j ne̱ ga̱a cunuû Nimán Yaꞌanj nimán David, ne̱ cataj David se vaa Síí ꞌNi̱j Raꞌa man maꞌa̱n David me soꞌ na̱nj á. Dan me se cataj soꞌ a:

Hebreos 8:1

Dan me se nihánj me nana̱ noco̱o doj rihaan ta̱ranꞌ nij nana̱ cataj xnaꞌanj ꞌu̱nj rihaan soj nihánj, se vaa sa̱ꞌ ina̱nj vaa Jesús síí guun xrej ata̱ suun noco̱o doj xrej nu̱u̱ rihaan Yaꞌanj cheꞌé níꞌ ado̱nj. Ne̱ rej xta̱ꞌ caꞌanj ca̱yáán soꞌ rej nuva̱ꞌ Yaꞌanj,

Apocalipsis 1:10

Ne̱ ꞌo̱ güii aráj gue̱e̱ níꞌ rihaan Síí ꞌNi̱j Raꞌa man níꞌ me se queneꞌen nimanj rasu̱u̱n quiꞌyaj Nimán Yaꞌanj, ne̱ dan me se rej xco̱j roꞌ, nucua̱j ndoꞌo caꞌmii ꞌo̱ soꞌ cunoj, ne̱ da̱j se uun ráꞌ ga̱a aꞌyánj nii chruun aꞌyánj roꞌ, da̱nj guun raj ga̱a cunoj snana̱ soꞌ ado̱nj.

Apocalipsis 12:5

Ga̱a ne̱ cuchruj noꞌ neꞌej sno̱ꞌo, ne̱ soꞌ roꞌ, me síí ni̱caj vará aga̱ꞌ ne̱ gu̱un chij rihaan nij xꞌneꞌ yuvii̱ ino̱ vaa stucua̱nj a. Ga̱a ne̱ caꞌnéj nii taꞌníí chana̱ yoꞌ, ne̱ caꞌanj nica̱j nii man neꞌej rihaan Yaꞌanj rej táá soꞌ rihaan chruun xlá sa̱ꞌ yoꞌ uun chij soꞌ a.

Apocalipsis 17:3

Ga̱a ne̱ caꞌanj nica̱j se‑mo̱zó Yaꞌanj mán ꞌu̱nj nda̱a rej tacaan, quiꞌyaj Nimán Yaꞌanj a. Ga̱a ne̱ queneꞌén ꞌu̱nj ꞌo̱ chana̱ ta̱j xráá xcuu yuva̱a̱ mare̱e, ne̱ nó ndoꞌo se‑chuvi̱i xoꞌ xráá xoꞌ, ne̱ nij nana̱ yoꞌ me se ina̱nj nana̱ qui̱j me nij yoꞌ, ne̱ vaa chi̱j raa̱ xoꞌ, ne̱ táá chi̱ꞌ cúú nij raa̱ xoꞌ a.

Apocalipsis 19:4

Ga̱a ne̱ ico̱ caꞌa̱nj (24) nij síí uun chij do̱ꞌ, caꞌa̱nj nij xcuu do̱ꞌ, quinij ru̱j nda̱a canó rihaan rihaan yoꞌóó rihaan Yaꞌanj si̱j ta̱j rihaan chruun xlá sa̱ꞌ yoꞌ, ne̱ caráj gue̱e̱ nij soꞌ rihaan soꞌ, cataj nij soꞌ a: ―Veé da̱nj ga̱a̱ ya̱ ado̱nj. Cara̱a̱ gue̱e̱ níꞌ rihaan Yaꞌanj á ―taj nij soꞌ a.

Apocalipsis 20:11

Ga̱a ne̱ dan me se queneꞌén ꞌu̱nj ꞌo̱ chruun xlá sa̱ꞌ xi̱j catzi̱i̱, ne̱ queneꞌén ꞌu̱nj ꞌo̱ síí ta̱j chruun xlá yoꞌ, ne̱ cuchuꞌviꞌ ndoꞌo nu̱ꞌ chumii̱ do̱ꞌ, nu̱ꞌ rej xta̱ꞌ do̱ꞌ, niꞌya̱j ro̱j yoꞌ man soꞌ a. Dan me se naxuun ro̱j yoꞌ man ro̱j yoꞌ rihaan síí ta̱j chruun xlá, ne̱ ne nari̱ꞌ ro̱j yoꞌ a̱ ꞌó rej quina̱j ro̱j yoꞌ a̱ maꞌ.

Apocalipsis 21:10

Ga̱a ne̱ dan me se caꞌanj nica̱j soꞌ manj raa̱ quij xi̱j xca̱a̱n, quiꞌyaj Nimán Yaꞌanj, ga̱a ne̱ tihaa̱n soꞌ chumanꞌ gue̱e̱ noco̱o cuꞌna̱j Jerusalén rihanj, ne̱ cavii chumanꞌ yoꞌ rej xta̱ꞌ rej ya̱nj Yaꞌanj, ne̱ nanij yoꞌ rihaan yoꞌóó a.

Apocalipsis 21:5

Ga̱a ne̱ cataj uún soꞌ a: ―Ni̱ꞌyaj soj á. Nihánj me se naquiꞌya̱j naca̱ uún ꞌu̱nj man cunuda̱nj nij rasu̱u̱n na̱nj á ―taj soꞌ a. Ga̱a ne̱ cataj uún soꞌ a: ―Cachro̱n so̱ꞌ nana̱ nihánj rihaan yanj á. ꞌO̱ se nana̱ ya̱ me nana̱ nihánj, ne̱ vaa cheꞌé ga̱a̱ nucua̱j rá soj manj se vaa qui̱ꞌyáj nu̱ꞌ rasu̱u̱n nihánj ado̱nj ―taj soꞌ a.

Apocalipsis 3:21

Ne̱ síí quiꞌya̱j canaán roꞌ, ca̱yáán soꞌ rihaan xrúún ꞌu̱nj chruun xlá sa̱ꞌ ga̱ ꞌu̱nj, ne̱ gu̱un chij soꞌ ga̱j, qui̱ꞌyáj, nda̱a vaa quiꞌyaj Réj Yaꞌanj ga̱j ado̱nj. Dan me se ga̱a quiꞌyaj canaán ꞌu̱nj, ne̱ cayáán ꞌu̱nj rihaan xrúún Réj Yaꞌanj chruun xlá sa̱ꞌ ga̱ soꞌ, ne̱ uun chij ꞌu̱nj ga̱ soꞌ, quiꞌyaj soꞌ chugua̱nj.

Apocalipsis 4:10

Ne̱ da̱j a̱ ga̱a ꞌyaj nij xoꞌ da̱nj ne̱ ꞌanj ca̱yáán ru̱j ico̱ caꞌa̱nj (24) nij síí uun chij yoꞌ rihaan síí ta̱j rihaan chruun xlá sa̱ꞌ yoꞌ, ne̱ aráj gue̱e̱ nij soꞌ rihaan soꞌ, cheꞌé se me soꞌ síí ca̱yáán nu̱ꞌ cavii nu̱ꞌ caꞌanj, ne̱ tagüéj nij soꞌ cachriin nu̱u̱ raa̱ nij soꞌ rej rihaan chruun xlá sa̱ꞌ yoꞌ a. Ga̱a ne̱ taj nij soꞌ a:

Apocalipsis 4:5

Ne̱ rej nicu̱nꞌ chruun xlá nicu̱nꞌ tanu̱u̱ tuviꞌ me se raa̱n ndoꞌo, ne̱ cari̱i̱n ndoꞌo, ne̱ caguáj ndoꞌo tuꞌvii a. Ne̱ chi̱j agaꞌ táá yaꞌan chuguu̱n roꞌ, nicunꞌ rihaan chruun xlá sa̱ꞌ, ne̱ chi̱j agaꞌ chuguu̱n yoꞌ roꞌ, me Nimán Yaꞌanj síí nica̱j chi̱j ya̱ se nucua̱j a.

Apocalipsis 4:9

Ne̱ taj nij xcuu se vaa niꞌndaj ya̱ sa̱ꞌ veꞌé vaa Yaꞌanj síí ta̱j rihaan chruun xlá sa̱ꞌ yoꞌ síí ca̱yáán nu̱ꞌ cavii nu̱ꞌ caꞌanj, ne̱ aráj cochro̱j nij xoꞌ rihaan soꞌ, ne̱ taj nij xoꞌ guun niꞌya̱j níꞌ rihaan soꞌ ado̱nj.

Apocalipsis 5:1

Ne̱ rej nuva̱ꞌ síí ta̱j rihaan chruun xlá sa̱ꞌ yoꞌ roꞌ, queneꞌenj ꞌo̱ yanj, ne̱ no̱ nana̱ nu̱ꞌ rej rque̱ yanj nu̱ꞌ rej xra̱j yanj nu̱ꞌ a. Ne̱ no̱ chi̱j selló yánj tuꞌva yanj yoꞌ, ne̱ aráán selló yoꞌ nu̱ꞌ anica̱j tuꞌva yanj yoꞌ a.

Apocalipsis 5:13

Ga̱a ne̱ cunó ꞌu̱nj se vaa caꞌmii da̱j a̱ nij rasu̱u̱n quiꞌyaj Yaꞌanj, rasu̱u̱n ma̱n rej xta̱ꞌ do̱ꞌ, rasu̱u̱n ma̱n rihaan yoꞌóó do̱ꞌ, rasu̱u̱n ma̱n rque yoꞌóó do̱ꞌ, rasu̱u̱n ma̱n rihaan na yaꞌa̱nj do̱ꞌ a. Ne̱ cataj cunuda̱nj nij rasu̱u̱n yoꞌ a: Cheꞌé síí ta̱j rihaan chruun xlá sa̱ꞌ do̱ꞌ, cheꞌé Matzinj Leꞌe̱j do̱ꞌ, cata̱j níꞌ se vaa ina̱nj sa̱ꞌ ꞌyaj ro̱j soꞌ do̱ꞌ, cara̱a̱ cochro̱j níꞌ rihaan ro̱j soꞌ do̱ꞌ, niꞌndaj ya̱ sa̱ꞌ veꞌé ga̱a̱ ro̱j soꞌ do̱ꞌ, gu̱un chij ro̱j soꞌ do̱ꞌ, nu̱ꞌ cavii nu̱ꞌ caꞌanj ado̱nj taj nij rasu̱u̱n yoꞌ a.

Apocalipsis 6:16

Ga̱a ne̱ cataj nij soꞌ rihaan nij quij rihaan nij yuvej rihaan a: ―Cayu̱u nij soj xráá núj, ne̱ caxri̱i̱ yuve̱ soj man núj, se̱ gaa na̱nj queneꞌe̱n síí ta̱j rihaan chruun xlá sa̱ꞌ yoꞌ man núj, ne̱ se̱ quiꞌyaj Matzinj Leꞌe̱j yoꞌ sayuun man núj rugua̱nj.