Apocalipsis 3:16 - Triqui de San Juan Copala

¹⁶ Tana̱nj da̱j se vaa na gu̱u̱n do̱j tzínꞌ vaa soj, ne̱ né ase vaa na coj do̱ꞌ, na yaꞌa̱an do̱ꞌ, vaa soj, ne̱ cheꞌé dan cuchra̱nj ꞌu̱nj man soj tuꞌvá ꞌu̱nj na̱nj ado̱nj.

Apocalipsis 3:16 Iomraidhean Croise

Apocalipsis 2:5

’Cheꞌé dan nanu̱j rá soj da̱j quiꞌyaj soj ga̱a ataa caꞌa̱nj yaníj soj rihanj, ne̱ ca̱nica̱j nimán soj, ne̱ quiꞌya̱j soj nda̱a vaa quiꞌyaj soj asino ya̱a̱n á. Sese se̱ canica̱j nimán soj, ne̱ cuchi̱ꞌ ꞌu̱nj rihaan soj, ne̱ caꞌne̱e̱ ꞌu̱nj se‑aga̱ꞌ soj agaꞌ ta̱j agaꞌ yaꞌan rej nicu̱nꞌ yoꞌ na̱nj ado̱nj.

Apocalipsis 3:15

Dan me se neꞌenj nu̱ꞌ se vaa ꞌyaj soj, ne̱ ne ꞌyaj soj se sa̱ꞌ da̱j se ꞌyaj na coj nuu cui̱j rá yuvii̱ do̱ꞌ, da̱j se ꞌyaj na yaꞌa̱an tiꞌinj se aꞌnanꞌ nee̱ man yuvii̱ do̱ꞌ maꞌ. Sa̱ꞌ sese da̱j se vaa na coj do̱ꞌ, da̱j se vaa na yaꞌa̱an do̱ꞌ, vaa soj asuun tza̱j ado̱nj.

Apocalipsis 3:17

Dan me se taj soj se vaa ruꞌve̱e̱ ina̱nj soj, ne̱ taj va̱j a̱ doj rasu̱u̱n ne achiin rihaan soj, rá soj a. Tza̱j ne̱ ne acaj soj cuentá se vaa ase vaa síí nique̱ do̱ꞌ, síí achiin ndoꞌo rasu̱u̱n man do̱ꞌ, síí riꞌ rá do̱ꞌ, síí tuchri̱i do̱ꞌ, síí ca̱nj nuviꞌ saga̱nꞌ do̱ꞌ, vaa soj na̱nj ado̱nj.