Apocalipsis 20:9 - Triqui de San Juan Copala

⁹ Dan me se cavii nij soꞌ rihaan taa cachra̱ꞌ, ne̱ tucuachriin nij soꞌ man rej ya̱nj nij tanuu noco̱ꞌ man Yaꞌanj do̱ꞌ, man maꞌa̱n chumanꞌ ꞌe̱e̱ rá Yaꞌanj man do̱ꞌ a. Ga̱a ne̱ ma̱an orá yoꞌ cavii ndoꞌo yaꞌan rej xta̱ꞌ nanij yoꞌ rihaan yoꞌóó, ga̱a ne̱ cacaa nu̱ꞌ nij síí chiꞌi̱i̱ yoꞌ, quiꞌyaj yaꞌan yoꞌ na̱nj ado̱nj.

Apocalipsis 20:9 Iomraidhean Croise

San Lucas 17:29

ne̱ nu̱ꞌ curiha̱nj Lot chumanꞌ Sodoma, ne̱ nu̱ꞌ cavii yaꞌan rej xta̱ꞌ ga̱ yoꞌóó azufré acaa, cayuu yoꞌ rihaan chumanꞌ yoꞌ, ne̱ cacaa nu̱ꞌ chumanꞌ yoꞌ, ne̱ caviꞌ cunuda̱nj nij síí ma̱n chumanꞌ yoꞌ a.

San Lucas 19:43

Dan me se quisi̱j ya̱ güii, ne̱ caꞌna̱ꞌ nij síí ta̱j riꞌyunj man soj, ne̱ cune̱ꞌ nij soꞌ chingá nu̱ꞌ anica̱j chiháán soj, ne̱ tucuachri̱in nij soꞌ man soj, ne̱ se̱ caꞌvee cu̱riha̱nj soj, quiꞌya̱j nij soꞌ maꞌ.

San Lucas 21:20

’Dan me se asa̱ꞌ queneꞌen soj se vaa tucuachriin tanuu nu̱ꞌ chumanꞌ Jerusalén, ne̱ xca̱j soj cuentá se vaa da̱j doj navi̱j nu̱ꞌ chumanꞌ yoꞌ na̱nj ado̱nj.

San Lucas 9:54

Dan me se ga̱a queneꞌen ro̱j síí tucuꞌyón snana̱ Jesús ro̱j síí cuꞌna̱j Jacobo ga̱ Juan, se vaa quiraꞌaan nij síí samaritano veꞌ, ga̱a ne̱ xnáꞌanj ro̱j soꞌ man Jesús, cataj ro̱j soꞌ a: ―Me rá so̱ꞌ cachi̱nj niꞌya̱j núj rihaan Yaꞌanj, ne̱ caꞌne̱j Yaꞌanj yaꞌan, ne̱ caca̱a̱ nij síí samaritano yoꞌ naꞌ ―taj ro̱j soꞌ, xnáꞌanj ro̱j soꞌ man Jesús a.

2 Tesalonicenses 1:8

Ne̱ quiꞌya̱j soꞌ sayuun man nij yuvii̱ ne neꞌen man Yaꞌanj do̱ꞌ, man nij yuvii̱ naꞌvej rá cuno̱ nana̱ sa̱ꞌ cheꞌé Jesús Si̱j ꞌNi̱j Raꞌa man níꞌ do̱ꞌ a.

Hebreos 13:13

Cheꞌé dan cuano̱ nihánj me se no̱ xcúún níꞌ cu̱riha̱nj níꞌ ne̱ cuchi̱ꞌ níꞌ rihaan soꞌ tuꞌva chumanꞌ a. Dan me se ase quiꞌyaj soꞌ caꞌvej rá soꞌ nachri̱ꞌ yuvii̱ ni̱ꞌyaj yuvii̱ man soꞌ roꞌ, da̱nj quiꞌya̱j níꞌ caꞌve̱j rá níꞌ nachri̱ꞌ yuvii̱ ni̱ꞌyaj yuvii̱ man maꞌa̱n níꞌ á.

Apocalipsis 11:5

Ne̱ sese uun rá ꞌo̱ soꞌ quiꞌya̱j chiꞌi̱i̱ soꞌ man ro̱j soꞌ, ne̱ avii yaꞌan tuꞌva ro̱j soꞌ, ne̱ acaa síí ta̱j riꞌyunj man ro̱j soꞌ, ꞌyaj yaꞌan avii tuꞌva ro̱j soꞌ, ne̱ yu̱u̱n cheꞌe̱ aviꞌ síí ꞌnaꞌ uun rá quiꞌya̱j chiꞌi̱i̱ man ro̱j soꞌ a.

Apocalipsis 13:13

Ne̱ quiꞌyaj ndoꞌo xoꞌ suun noco̱o queneꞌen nij yuvii̱, ne̱ nda̱a cavii yaꞌan rej xta̱ꞌ ne̱ quinij yaꞌan rihaan yoꞌóó, quiꞌyaj xoꞌ a.