Apocalipsis 18:2 - Triqui de San Juan Copala

² Ga̱a ne̱ nucua̱j ndoꞌo caguáj soꞌ, cataj soꞌ a: ―Canee nu̱ꞌ chumanꞌ noco̱o cuꞌna̱j Babilonia, ne̱ guun chiha̱nj nana̱ chre̱e man yoꞌ, ne̱ tagaꞌ nu̱u̱ nij nana̱ qui̱j do̱ꞌ, yachrúú ga̱ da̱j a̱ nij xtâj canique̱ nachriꞌ níꞌ do̱ꞌ, me yoꞌ ya̱j ado̱nj.

Apocalipsis 18:2 Iomraidhean Croise

Apocalipsis 1:15

Ne̱ tacóó soꞌ roꞌ, ase vaa agaꞌ bronce mare̱e axríj yaꞌan nii man rque chrúún hornó vaa tacóó soꞌ a. Ne̱ da̱j se uun ráꞌ unóꞌ cayu̱j va̱j chráá xi̱j roꞌ, da̱nj guun raj cunoj nana̱ caꞌmii soꞌ a.

Apocalipsis 10:3

Ne̱ nucua̱j ndoꞌo caguáj soꞌ, nda̱ꞌ adi̱ꞌ se aguáj chuvaa̱ aguáj soꞌ a. Ne̱ ga̱a caguáj soꞌ me se chi̱j ya̱ caguáj tuꞌvii cunoj a.

Apocalipsis 11:8

Ga̱a ne̱ cúú man ro̱j soꞌ roꞌ, quina̱j u̱u̱n yoꞌ rá callé caxra̱ꞌ rque chumanꞌ noco̱o a. Ne̱ sese caꞌmi̱i̱ cachrón níꞌ, ne̱ Sodoma do̱ꞌ, Egiptó do̱ꞌ, cuꞌna̱j chumanꞌ noco̱o yoꞌ a. Ne̱ yoꞌ me rej cachrón nii rihaan rcutze̱ man maꞌa̱n Síí ꞌNi̱j Raꞌa man ro̱j síí nataꞌ yoꞌ asi̱j rque̱ doj a.

Apocalipsis 14:15

Ga̱a ne̱ ꞌó se‑mo̱zó Yaꞌanj curiha̱nj rque nuvií noco̱o, ne̱ nucua̱j ndoꞌo caguáj soꞌ rihaan síí ta̱j xráá ngaa yoꞌ a. Dan me se cataj soꞌ a: ―Ta̱cuachén so̱ꞌ sa̱gáꞌ so̱ꞌ agaꞌ siha̱a̱ tacóó nij rasu̱u̱n ma̱n rihaan yoꞌóó, ne̱ cu̱tá so̱ꞌ se ma̱n rihaan yoꞌóó cuaj á. ꞌO̱ se quisíj orá cuta̱ níꞌ se ma̱n rihaan yoꞌóó na̱nj ado̱nj. ꞌO̱ se a̱j cachij nu̱ꞌ yoꞌ na̱nj á ―taj se‑mo̱zó Yaꞌanj rihaan síí ta̱j xráá ngaa yoꞌ a.

Apocalipsis 14:8

Ga̱a ne̱ canocoꞌ ꞌó se‑mo̱zó Yaꞌanj xcó tuviꞌ soꞌ, ne̱ cataj soꞌ a: ―A̱j quiriꞌ nu̱ꞌ chumanꞌ noco̱o chumanꞌ cuꞌna̱j Babilonia, cheꞌé se quiꞌyaj ndoꞌo nij síí ma̱n rihaan chumii̱ cacunꞌ chiꞌi̱i̱, quiꞌyaj chumanꞌ yoꞌ, ne̱ nihánj me se quiꞌya̱j Yaꞌanj sayuun man nij soꞌ cheꞌé cacunꞌ chiꞌi̱i̱ quiꞌyaj nij soꞌ chugua̱nj ―taj ꞌó se‑mo̱zó Yaꞌanj yoꞌ a.

Apocalipsis 16:13

Ga̱a ne̱ queneꞌén ꞌu̱nj se vaa curiha̱nj vaꞌnu̱j nana̱ chiꞌi̱i̱ tuꞌva xcuáá tuꞌvi̱i do̱ꞌ, tuꞌva xcuu yuva̱a̱ do̱ꞌ, tuꞌva síí nataꞌ nana̱ ne̱ do̱ꞌ, ne̱ ase vaa riqui̱j vaa vaꞌnu̱j nij nana̱ chiꞌi̱i̱ yoꞌ a.

Apocalipsis 16:19

Dan me se quixraꞌ taꞌa̱j chumanꞌ xi̱j noco̱o yoꞌ, ne̱ cunuu vaꞌnu̱j taꞌa̱j chumanꞌ xi̱j yoꞌ, ne̱ canee ꞌó nij chumanꞌ na̱j rihaan chumii̱, quiꞌyaj yuún a. Dan me se nanuj rá Yaꞌanj chumanꞌ noco̱o cuꞌna̱j Babilonia, ne̱ rqué soꞌ ꞌo̱ copá nu̱u̱ na vinó coꞌo̱ chumanꞌ yoꞌ a. Ne̱ na vinó yoꞌ roꞌ, me sayuun quira̱nꞌ chumanꞌ yoꞌ, cheꞌé se uyanj rá Yaꞌanj niꞌya̱j Yaꞌanj man chumanꞌ yoꞌ a.

Apocalipsis 17:18

Ne̱ maꞌa̱n chana̱ queneꞌén so̱ꞌ roꞌ, noꞌ me chumanꞌ noco̱o ꞌni̱j raꞌa man nij síí nica̱j suun rey uun chij rihaan chumii̱ a ―taj se‑mo̱zó Yaꞌanj rihanj a.

Apocalipsis 17:5

Ne̱ caan rihaan noꞌ roꞌ, nó se‑chuvi̱i noꞌ, ne̱ nana̱ yuve̱ me se‑chuvi̱i noꞌ, ne̱ dan me se se-chuvi̱i noꞌ me: “Chumanꞌ noco̱o Babilonia, nii nij chana̱ niha̱ꞌ rá ga̱ chii, nii nu̱ꞌ se chiꞌi̱i̱ ma̱n rihaan chumii̱ a.”

Apocalipsis 18:10

Ne̱ dan me se ga̱nꞌ canicu̱nꞌ nij soꞌ rej na̱j chumanꞌ yoꞌ, cheꞌé se cuchuꞌvi̱ꞌ nij soꞌ queneꞌe̱n nij soꞌ sayuun quira̱nꞌ yoꞌ a. Ne̱ cata̱j nij soꞌ a: ―Aii. Aii. Nique̱ ndoꞌo so̱ꞌ chuma̱nꞌ noco̱o chuma̱nꞌ nucua̱j chuma̱nꞌ cuꞌna̱j Babilonia á. ꞌO̱ se rque o̱rúnꞌ orá caꞌnaꞌ sayuun rihaan so̱ꞌ cheꞌé cacunꞌ tumé so̱ꞌ a ―cata̱j nij síí nica̱j suun rey yoꞌ, ni̱ꞌyaj nij soꞌ man chumanꞌ Babilonia yoꞌ a.

Apocalipsis 18:21

Ga̱a ne̱ ꞌo̱ se‑mo̱zó Yaꞌanj síí nucua̱j ndoꞌo roꞌ, naxca̱j soꞌ ꞌo̱ yuvej xi̱j, ne̱ yuvej xi̱j caxra̱ꞌ ndoꞌo me yoꞌ, ne̱ quiriꞌíj soꞌ man yoꞌ rque na yaꞌa̱nj, ne̱ cataj soꞌ a: ―Veé da̱nj ga̱a̱ quira̱nꞌ gue̱e̱ so̱ꞌ chuma̱nꞌ noco̱o cuꞌna̱j Babilonia na̱nj á. Dan me se quiriꞌi̱j nii mán so̱ꞌ rque na yaꞌa̱nj, ne̱ daj chiha̱a̱ míj se̱ nariꞌ uún nii mán so̱ꞌ a̱ maꞌ.

Apocalipsis 5:2

Ga̱a ne̱ queneꞌén ꞌu̱nj ꞌo̱ se‑mo̱zó Yaꞌanj síí nucua̱j ndoꞌo, ne̱ nucua̱j ndoꞌo xnáꞌanj soꞌ, cataj soꞌ a: ―Me síí no̱ xcúún caꞌne̱e̱ nij selló no̱ aráán tuꞌva yanj ne̱ nuxra̱ꞌ soꞌ yanj ga̱ ―taj soꞌ, xnáꞌanj soꞌ a.