Apocalipsis 17:5 - Triqui de San Juan Copala

⁵ Ne̱ caan rihaan noꞌ roꞌ, nó se‑chuvi̱i noꞌ, ne̱ nana̱ yuve̱ me se‑chuvi̱i noꞌ, ne̱ dan me se se-chuvi̱i noꞌ me: “Chumanꞌ noco̱o Babilonia, nii nij chana̱ niha̱ꞌ rá ga̱ chii, nii nu̱ꞌ se chiꞌi̱i̱ ma̱n rihaan chumii̱ a.”

Apocalipsis 17:5 Iomraidhean Croise

Filipenses 3:19

Vaa güii caca̱a̱ ndoꞌo nij soꞌ na̱nj á. Ina̱nj nee̱ man nij soꞌ aráyaꞌa̱nj nij soꞌ, tza̱j ne̱ ne nocoꞌ nij soꞌ Yaꞌanj maꞌ. Nij ꞌyaj nij soꞌ, tza̱j ne̱ ne naꞌa̱j nij soꞌ maꞌ. Tana̱nj sa̱ꞌ uxrá ꞌyaj nij soꞌ, rá maꞌa̱n nij soꞌ chugua̱nj. Ina̱nj cheꞌé rasu̱u̱n ma̱n rihaan chumii̱ nihánj nanó rá nij soꞌ na̱nj ado̱nj.

2 Tesalonicenses 2:7

Cuano̱ nihánj a̱j vaa ndoꞌo cacunꞌ ꞌyaj se nucua̱j yuve̱, tza̱j ne̱ ataa queneꞌe̱n níꞌ da̱j ga̱a̱ nu̱ꞌ cacunꞌ quiꞌya̱j síí chiꞌi̱i̱ yoꞌ á. Ne̱ xa̱ꞌ síí aráán chrej caꞌna̱ꞌ síí chiꞌi̱i̱, tza̱j ne̱ vaa güii naxu̱u̱n Yaꞌanj man maꞌa̱n soꞌ ado̱nj.

Apocalipsis 1:20

Ne̱ nihánj me se cata̱j xnaꞌanj ꞌu̱nj me se me raj cata̱a nana̱ yuve̱ sa̱ꞌ aꞌmii cheꞌé chi̱j nij yatiꞌ ta̱j raꞌaj rej nuva̱ꞌ neꞌén so̱ꞌ do̱ꞌ, cheꞌé chi̱j nij agaꞌ oró míí agaꞌ ta̱j agaꞌ yaꞌan do̱ꞌ a. Dan me se chi̱j nij yatiꞌ roꞌ, nij síí caꞌnéé Yaꞌanj ni̱caj yuꞌunj man chi̱j nij xꞌneꞌ yuvii̱ me nij yatiꞌ, ne̱ nij agaꞌ ta̱j agaꞌ yaꞌan roꞌ, maꞌa̱n chi̱j nij xꞌneꞌ nij síí noco̱ꞌ manj ya̱nj chi̱j nij chumanꞌ me nij agaꞌ yoꞌ a ―taj soꞌ rihanj a.

Apocalipsis 11:8

Ga̱a ne̱ cúú man ro̱j soꞌ roꞌ, quina̱j u̱u̱n yoꞌ rá callé caxra̱ꞌ rque chumanꞌ noco̱o a. Ne̱ sese caꞌmi̱i̱ cachrón níꞌ, ne̱ Sodoma do̱ꞌ, Egiptó do̱ꞌ, cuꞌna̱j chumanꞌ noco̱o yoꞌ a. Ne̱ yoꞌ me rej cachrón nii rihaan rcutze̱ man maꞌa̱n Síí ꞌNi̱j Raꞌa man ro̱j síí nataꞌ yoꞌ asi̱j rque̱ doj a.

Apocalipsis 14:8

Ga̱a ne̱ canocoꞌ ꞌó se‑mo̱zó Yaꞌanj xcó tuviꞌ soꞌ, ne̱ cataj soꞌ a: ―A̱j quiriꞌ nu̱ꞌ chumanꞌ noco̱o chumanꞌ cuꞌna̱j Babilonia, cheꞌé se quiꞌyaj ndoꞌo nij síí ma̱n rihaan chumii̱ cacunꞌ chiꞌi̱i̱, quiꞌyaj chumanꞌ yoꞌ, ne̱ nihánj me se quiꞌya̱j Yaꞌanj sayuun man nij soꞌ cheꞌé cacunꞌ chiꞌi̱i̱ quiꞌyaj nij soꞌ chugua̱nj ―taj ꞌó se‑mo̱zó Yaꞌanj yoꞌ a.

Apocalipsis 16:19

Dan me se quixraꞌ taꞌa̱j chumanꞌ xi̱j noco̱o yoꞌ, ne̱ cunuu vaꞌnu̱j taꞌa̱j chumanꞌ xi̱j yoꞌ, ne̱ canee ꞌó nij chumanꞌ na̱j rihaan chumii̱, quiꞌyaj yuún a. Dan me se nanuj rá Yaꞌanj chumanꞌ noco̱o cuꞌna̱j Babilonia, ne̱ rqué soꞌ ꞌo̱ copá nu̱u̱ na vinó coꞌo̱ chumanꞌ yoꞌ a. Ne̱ na vinó yoꞌ roꞌ, me sayuun quira̱nꞌ chumanꞌ yoꞌ, cheꞌé se uyanj rá Yaꞌanj niꞌya̱j Yaꞌanj man chumanꞌ yoꞌ a.

Apocalipsis 17:1

Ga̱a ne̱ dan me se caꞌnaꞌ ꞌo̱ nij chi̱j nij se‑mo̱zó Yaꞌanj nica̱j chi̱j nij coꞌoo, ga̱a ne̱ cataj soꞌ rihanj a: ―Caꞌna̱ꞌ so̱ꞌ nihánj, ne̱ ti̱haán ꞌu̱nj rihaan so̱ꞌ da̱j ga̱a̱ sayuun quira̱nꞌ chana̱ niha̱ꞌ ndoꞌo rá ga̱ chii, chana̱ ta̱j rej vaa queꞌe̱e̱ ndoꞌo rej nu̱u̱ na á.

Apocalipsis 17:2

Dan me se quiꞌyaj chiꞌi̱i̱ nij síí nica̱j suun rey uun chij rihaan chumii̱ ga̱ noꞌ, ga̱a ne̱ ase ꞌyaj nij síí xno̱ roꞌ, da̱nj quiꞌyaj nij síí ma̱n rihaan chumii̱, cheꞌé se quiꞌyaj chiꞌi̱i̱ nij soꞌ ga̱ noꞌ chugua̱nj ―taj se‑mo̱zó Yaꞌanj rihanj a.

Apocalipsis 17:7

Ga̱a ne̱ xnáꞌanj se‑mo̱zó Yaꞌanj manj, cataj soꞌ a: ―Me cheꞌé caꞌanj rá so̱ꞌ ga̱. ꞌO̱ se cata̱j xnaꞌanj ꞌu̱nj rihaan so̱ꞌ nana̱ yuve̱ nana̱ cheꞌé chana̱ do̱ꞌ, cheꞌé xcuu yuva̱a̱ ata̱ man noꞌ xcuu ta̱j chi̱j cúú yave̱ do̱ꞌ, cheꞌé chi̱ꞌ cúú ta̱j raa̱ chi̱j cúú yave̱ xoꞌ do̱ꞌ a.

Apocalipsis 18:2

Ga̱a ne̱ nucua̱j ndoꞌo caguáj soꞌ, cataj soꞌ a: ―Canee nu̱ꞌ chumanꞌ noco̱o cuꞌna̱j Babilonia, ne̱ guun chiha̱nj nana̱ chre̱e man yoꞌ, ne̱ tagaꞌ nu̱u̱ nij nana̱ qui̱j do̱ꞌ, yachrúú ga̱ da̱j a̱ nij xtâj canique̱ nachriꞌ níꞌ do̱ꞌ, me yoꞌ ya̱j ado̱nj.

Apocalipsis 18:21

Ga̱a ne̱ ꞌo̱ se‑mo̱zó Yaꞌanj síí nucua̱j ndoꞌo roꞌ, naxca̱j soꞌ ꞌo̱ yuvej xi̱j, ne̱ yuvej xi̱j caxra̱ꞌ ndoꞌo me yoꞌ, ne̱ quiriꞌíj soꞌ man yoꞌ rque na yaꞌa̱nj, ne̱ cataj soꞌ a: ―Veé da̱nj ga̱a̱ quira̱nꞌ gue̱e̱ so̱ꞌ chuma̱nꞌ noco̱o cuꞌna̱j Babilonia na̱nj á. Dan me se quiriꞌi̱j nii mán so̱ꞌ rque na yaꞌa̱nj, ne̱ daj chiha̱a̱ míj se̱ nariꞌ uún nii mán so̱ꞌ a̱ maꞌ.

Apocalipsis 19:2

ꞌO̱ se nana̱ ya̱ nana̱ nica̱ ina̱nj me nu̱ꞌ nana̱ aꞌmii soꞌ ga̱a aꞌneꞌ soꞌ cacunꞌ cheꞌé yuvii̱ ado̱nj. ꞌO̱ se ya̱j me naruꞌvee Yaꞌanj rihaan nij yuvii̱ cheꞌé nu̱ꞌ cacunꞌ quiꞌyaj nij yuvii̱ rihaan Yaꞌanj a. Cheꞌé dan quiꞌyaj soꞌ sayuun man chumanꞌ noco̱o chumanꞌ guun ase vaa chana̱ niha̱ꞌ ndoꞌo rá ga̱ chii, cheꞌé se quiriꞌ nu̱ꞌ chumii̱, quiꞌyaj chumanꞌ noco̱o yoꞌ do̱ꞌ, cheꞌé nu̱ꞌ nij síí nu̱u̱ rihaan maꞌa̱n Yaꞌanj síí caviꞌ quiꞌyaj chumanꞌ noco̱o yoꞌ do̱ꞌ a, taj nij yuvii̱ yoꞌ a.

Apocalipsis 7:3

―Se̱ guun quiꞌya̱j soj sayuun man yoꞌóó do̱ꞌ, man na yaꞌa̱nj do̱ꞌ, man chruun do̱ꞌ maꞌ. Caꞌne̱ꞌ rá soj do̱j tzínꞌ, ne̱ nda̱a quisíj cutaꞌ núj taꞌngaꞌ caan rihaan nij síí nu̱u̱ rihaan Taꞌanj níꞌ, ne̱ caꞌve̱e ado̱nj ―taj soꞌ, caguáj soꞌ a.