Apocalipsis 17:12 - Triqui de San Juan Copala

¹² ’Ne̱ chi̱ꞌ nij cúú ta̱j nij raa̱ xcuu yuva̱a̱ roꞌ, me chi̱ꞌ nij síí nica̱j suun rey uún a. Dan me se ataa ca̱yáán nij soꞌ quiꞌya̱j nij soꞌ suun a. Tza̱j ne̱ asa̱ꞌ quiꞌyaj nij soꞌ suun rey me se o̱rúnꞌ orá nii gu̱un nij soꞌ síí nica̱j suun rey ne̱ gu̱un chij nij soꞌ ga̱ maꞌa̱n xcuu yuva̱a̱ yoꞌ na̱nj á.

Apocalipsis 17:12 Iomraidhean Croise

Apocalipsis 10:11

Ga̱a ne̱ cataj nii rihanj a: ―No̱ xcúún so̱ꞌ caꞌmi̱i̱ natáj uún so̱ꞌ cheꞌé yuvii̱ ma̱n ri̱i̱ ndoꞌo chumanꞌ do̱ꞌ, cheꞌé ri̱i̱ ndoꞌo xꞌneꞌ yuvii̱ ino̱ vaa stucua̱nj do̱ꞌ, cheꞌé ri̱i̱ ndoꞌo xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, cheꞌé ri̱i̱ ndoꞌo síí nica̱j suun rey do̱ꞌ ado̱nj ―taj nii rihanj a.

Apocalipsis 12:3

Ne̱ naquiꞌyaa uún ꞌó rasu̱u̱n rej xta̱ꞌ rihaan ꞌu̱nj, quiꞌyaj Yaꞌanj, ne̱ dan me se xcuáá tuꞌvi̱i xi̱j mare̱e me yoꞌ a. Ne̱ vaa chi̱j raa̱ xoꞌ, ne̱ chi̱ꞌ cúú táá raa̱ xoꞌ, ne̱ chi̱j cachriin nuû raa̱ xoꞌ a.

Apocalipsis 13:1

Ga̱a ne̱ queneꞌén ꞌu̱nj se vaa cavii ꞌo̱ xcuu yuva̱a̱ rque na yaꞌa̱nj, ne̱ chi̱j ya̱ raa̱ xoꞌ, ne̱ chi̱ꞌ cúú táá raa̱ xoꞌ, ne̱ táá chi̱ꞌ cachriin raa̱ nij cúú ta̱j raa̱ xoꞌ a. Ne̱ qui̱j ndoꞌo vaa se‑chuvi̱i xoꞌ nó da̱j a̱ raa̱ xoꞌ a.

Apocalipsis 17:16

Ne̱ xcuu yuva̱a̱ yoꞌ do̱ꞌ, chi̱ꞌ nij cúú ta̱j raa̱ xcuu yuva̱a̱ do̱ꞌ, nachri̱ꞌ ndoꞌo nij soꞌ ni̱ꞌyaj nij soꞌ man chana̱ niha̱ꞌ rá ga̱ chii yoꞌ a. Ne̱ quiri̱ꞌ nu̱ꞌ noꞌ, quiꞌya̱j nij soꞌ, ne̱ cánj u̱u̱n ga̱a̱ noꞌ, quiꞌya̱j nij soꞌ, ne̱ cha̱ nij soꞌ man noꞌ, ne̱ caca̱a̱ nu̱ꞌ noꞌ, quiꞌya̱j nij soꞌ na̱nj á.

Apocalipsis 18:10

Ne̱ dan me se ga̱nꞌ canicu̱nꞌ nij soꞌ rej na̱j chumanꞌ yoꞌ, cheꞌé se cuchuꞌvi̱ꞌ nij soꞌ queneꞌe̱n nij soꞌ sayuun quira̱nꞌ yoꞌ a. Ne̱ cata̱j nij soꞌ a: ―Aii. Aii. Nique̱ ndoꞌo so̱ꞌ chuma̱nꞌ noco̱o chuma̱nꞌ nucua̱j chuma̱nꞌ cuꞌna̱j Babilonia á. ꞌO̱ se rque o̱rúnꞌ orá caꞌnaꞌ sayuun rihaan so̱ꞌ cheꞌé cacunꞌ tumé so̱ꞌ a ―cata̱j nij síí nica̱j suun rey yoꞌ, ni̱ꞌyaj nij soꞌ man chumanꞌ Babilonia yoꞌ a.

Apocalipsis 18:17

tza̱j ne̱ rque o̱rúnꞌ orá navij nu̱ꞌ nij yoꞌ quiriꞌ na̱nj asânj ―cata̱j nij síí naránj natuꞌvéj yoꞌ a. Ne̱ cunuda̱nj nij síí tuguáj rihoo chéé rihaan na yaꞌa̱nj do̱ꞌ, cunuda̱nj nij síí chéé rihoo do̱ꞌ, nij síí ꞌyaj suun rihaan rihoo do̱ꞌ, cunuda̱nj nij síí ꞌyaj canaán saꞌanj, ꞌyaj na yaꞌa̱nj do̱ꞌ, canicu̱nꞌ nij soꞌ rej ga̱nꞌ a.

Apocalipsis 18:19

Dan me se cara̱a nij soꞌ yoꞌóó tachru̱u̱ raa̱ nij soꞌ, ne̱ taꞌve̱e ndoꞌo nij soꞌ, ne̱ nano̱ rá nij soꞌ, ne̱ cata̱j uún nij soꞌ a: ―Aii. Aii. Ni̱qué so̱ꞌ chumanꞌ noco̱o na̱nj á. Dan me se guun ruꞌvee ta̱ranꞌ núj si̱j siꞌya̱j rihoo chéé rihaan na yaꞌa̱nj, quiꞌyaj rasu̱u̱n sa̱ꞌ tuꞌve̱e̱ ma̱n rqué so̱ꞌ tza̱j maan. Tza̱j ne̱ nihánj me se rque o̱rúnꞌ orá navij nu̱ꞌ so̱ꞌ na̱nj asunj ―cata̱j uún nij síí nicu̱nꞌ niꞌya̱j chumanꞌ acaa yoꞌ a.