Apocalipsis 16:10 - Triqui de San Juan Copala

¹⁰ Ga̱a ne̱ se‑mo̱zó Yaꞌanj mozó ꞌu̱nꞌ roꞌ, tucuayuu soꞌ se ma̱n rque se‑coꞌo̱o soꞌ rihaan chruun xlá sa̱ꞌ rej ta̱j xcuu yuva̱a̱ a. Ga̱a ne̱ yu̱u̱n cheꞌe̱ cunuu rmi̱ꞌ nu̱ꞌ rej rii taꞌngaꞌ soꞌ rihaan, ne̱ dan me se queꞌee̱ ndoꞌo man nij síí uun chij soꞌ rihaan, ne̱ nda̱a chá ru̱j maꞌa̱n nij soꞌ tuꞌva nij soꞌ cheꞌé se aꞌngaj man nij soꞌ a.

Apocalipsis 16:10 Iomraidhean Croise

San Mateo 13:42

ne̱ caꞌne̱j nij soꞌ man nij síí chiꞌi̱i̱ yoꞌ rque chrúún yaꞌan acaa ndoꞌo na̱nj ado̱nj. Ne̱ yuvii̱ cuma̱n rej yoꞌ me se taꞌve̱e ndoꞌo nij soꞌ, ne̱ nda̱a cha̱ ru̱j maꞌa̱n nij soꞌ cúú yanꞌ nij soꞌ na̱nj ado̱nj.

San Mateo 13:50

Quiriꞌi̱j nij soꞌ man nij síí chiꞌi̱i̱ yoꞌ rque chrúún yaꞌan yaꞌa̱an ndoꞌo, ga̱a ne̱ taꞌve̱e uxrá nij soꞌ, ne̱ nda̱a cha̱ ru̱j maꞌa̱n nij soꞌ cúú yanꞌ nij soꞌ na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 22:13

Ga̱a ne̱ caꞌneꞌ síí nica̱j suun rey yoꞌ suun rihaan nij se‑mo̱zó soꞌ, cataj soꞌ a: “Nu̱míj soj tacóó síí nihánj nu̱míj soj raꞌa síí nihánj nu̱míj soj, ne̱ quiriꞌi̱j soj man soꞌ xeꞌ caꞌa̱nj soꞌ rej rmi̱ꞌ á”, taj síí nica̱j suun rey yoꞌ a. Rej rmi̱ꞌ yoꞌ me se yoꞌ me rej taꞌve̱e ndoꞌo yuvii̱ ne̱ nda̱a cha̱ ru̱j yuvii̱ cúú yanꞌ yuvii̱ ado̱nj.

San Mateo 24:51

ga̱a ne quiꞌya̱j uxrá soꞌ sayuun man mozó yoꞌ ne̱ cata̱j soꞌ se vaa caꞌa̱nj mozó yoꞌ rihaan yaꞌan ga̱ ꞌó nij síí nucuiꞌ rá a. Ne̱ yuvii̱ ma̱n rihaan yaꞌan yoꞌ roꞌ, taꞌvee uxrá, ne̱ nda̱a chá ru̱j maꞌa̱n nij yuvii̱ cúú yanꞌ nij yuvii̱ chugua̱nj.

San Mateo 8:12

Tana̱nj nij síí israelitá roꞌ, no̱ xcúún nij soꞌ ca̱yáán nij soꞌ rej uun chij Yaꞌanj asuun tza̱j, tza̱j ne̱ naꞌvej rá nij soꞌ a̱ maꞌ. Cheꞌé dan quiriꞌi̱j ga̱nꞌ ndoꞌo nii man nij soꞌ rej rmi̱ꞌ, ne̱ taꞌve̱e uxrá nij soꞌ, ne̱ nda̱a cha̱ ru̱j maꞌa̱n nij soꞌ cúú yanꞌ nij soꞌ na̱nj ado̱nj ―taj Jesús rihaan nij yuvii̱ canocoꞌ man soꞌ a.

San Lucas 13:28

’Ne̱ rej caꞌa̱nj soj me se rej taꞌve̱e ndoꞌo yuvii̱ me yoꞌ, ne̱ nda̱a cha̱ ru̱j maꞌa̱n yuvii̱ cúú yanꞌ yuvii̱, ne̱ queneꞌe̱n soj man síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, cunuda̱nj nij síí nataꞌ snana̱ Yaꞌanj ga̱a naá do̱ꞌ, se vaa ca̱yáán nij soꞌ ga̱ Yaꞌanj rej uun chij Yaꞌanj, ne̱ xa̱ꞌ soj, tza̱j ne̱ queneꞌe̱n soj se vaa a̱j quiriꞌíj nii man soj xeꞌ na̱nj ado̱nj.

1 Pedro 2:17

Dan me se veꞌé caꞌmi̱i̱ soj ga̱ da̱j a̱ yuvii̱, ne̱ ga̱a̱ ꞌe̱e̱ rá soj man nu̱ꞌ nij síí noco̱ꞌ man Cristó, ne̱ cuno̱ soj rihaan Yaꞌanj, ne̱ veꞌé cara̱a̱ cochro̱j soj rihaan síí nica̱j suun emperador na̱nj á.

Apocalipsis 11:10

Ne̱ nu̱ꞌ nij síí ma̱n rihaan chumii̱ me se gu̱un niha̱ꞌ ndoꞌo rá nij soꞌ cheꞌé se caviꞌ ro̱j síí nataꞌ yoꞌ, ne̱ nda̱a rque̱ nij yuvii̱ rasu̱u̱n rihaan tuviꞌ nij yuvii̱ cheꞌé se caviꞌ ro̱j soꞌ a. ꞌO̱ se ga̱a vaa iꞌna̱ꞌ ro̱j soꞌ me se quiranꞌ ndoꞌo nij síí ma̱n rihaan chumii̱ sayuun, quiꞌyaj ro̱j soꞌ a.

Apocalipsis 11:2

Tza̱j ne̱ rej xeꞌ roꞌ, se̱ xcaj taꞌngáꞌ so̱ꞌ man yoꞌ maꞌ. ꞌO̱ se caꞌve̱e caꞌna̱ꞌ nij síí yaníj rej yoꞌ, ne̱ vi̱j chiha̱a̱ vi̱j (42) yavii yu̱u̱n cheꞌe̱ ruꞌma̱an cheꞌé nij soꞌ nu̱ꞌ chumanꞌ gue̱e̱ yoꞌ ado̱nj.

Apocalipsis 11:8

Ga̱a ne̱ cúú man ro̱j soꞌ roꞌ, quina̱j u̱u̱n yoꞌ rá callé caxra̱ꞌ rque chumanꞌ noco̱o a. Ne̱ sese caꞌmi̱i̱ cachrón níꞌ, ne̱ Sodoma do̱ꞌ, Egiptó do̱ꞌ, cuꞌna̱j chumanꞌ noco̱o yoꞌ a. Ne̱ yoꞌ me rej cachrón nii rihaan rcutze̱ man maꞌa̱n Síí ꞌNi̱j Raꞌa man ro̱j síí nataꞌ yoꞌ asi̱j rque̱ doj a.

Apocalipsis 17:17

ꞌO̱ se maꞌa̱n Yaꞌanj quiꞌyaj guun nimán nij soꞌ quiꞌya̱j nij soꞌ nda̱a vaa me rá maꞌa̱n soꞌ quiꞌya̱j nij soꞌ, ne̱ cheꞌé dan ꞌo̱ vaa rá ta̱ranꞌ nij soꞌ, ne̱ nayón xcuu yuva̱a̱ rihaan nij soꞌ guun chij soꞌ, quiꞌyaj nij soꞌ, ne̱ veé da̱nj gu̱un chij ya̱ soꞌ nda̱a se quisi̱j ya̱ nu̱ꞌ snana̱ Yaꞌanj ado̱nj.

Apocalipsis 17:9

’Ne̱ nihánj me xca̱j síí avii raa̱ cuentá a. Dan me se chi̱j nij raa̱ xcuu yuva̱a̱ yoꞌ roꞌ, me chi̱j tacaan, ne̱ ya̱nj chana̱ yoꞌ xráá nij tacaan yoꞌ a. Ne̱ chi̱j síí nica̱j suun rey me uún chi̱j nij raa̱ xcuu yuva̱a̱ yoꞌ a.

Apocalipsis 18:2

Ga̱a ne̱ nucua̱j ndoꞌo caguáj soꞌ, cataj soꞌ a: ―Canee nu̱ꞌ chumanꞌ noco̱o cuꞌna̱j Babilonia, ne̱ guun chiha̱nj nana̱ chre̱e man yoꞌ, ne̱ tagaꞌ nu̱u̱ nij nana̱ qui̱j do̱ꞌ, yachrúú ga̱ da̱j a̱ nij xtâj canique̱ nachriꞌ níꞌ do̱ꞌ, me yoꞌ ya̱j ado̱nj.

Apocalipsis 18:21

Ga̱a ne̱ ꞌo̱ se‑mo̱zó Yaꞌanj síí nucua̱j ndoꞌo roꞌ, naxca̱j soꞌ ꞌo̱ yuvej xi̱j, ne̱ yuvej xi̱j caxra̱ꞌ ndoꞌo me yoꞌ, ne̱ quiriꞌíj soꞌ man yoꞌ rque na yaꞌa̱nj, ne̱ cataj soꞌ a: ―Veé da̱nj ga̱a̱ quira̱nꞌ gue̱e̱ so̱ꞌ chuma̱nꞌ noco̱o cuꞌna̱j Babilonia na̱nj á. Dan me se quiriꞌi̱j nii mán so̱ꞌ rque na yaꞌa̱nj, ne̱ daj chiha̱a̱ míj se̱ nariꞌ uún nii mán so̱ꞌ a̱ maꞌ.

Apocalipsis 18:23

Ne̱ se̱ cuchuguu̱n a̱ ꞌó agaꞌ yaꞌan rqué so̱ꞌ do̱ꞌ, se̱ cuno nii chaꞌanj naraꞌa̱a rqué so̱ꞌ do̱ꞌ a̱ maꞌ. ꞌO̱ se nij síí naránj natuꞌvéj ya̱nj rqué so̱ꞌ roꞌ, nij síí ruꞌvee doj rihaan cunuda̱nj nij ruꞌvee ma̱n rihaan chumii̱ me nij soꞌ ado̱nj. Ne̱ nij rasu̱u̱n chre̱e uun rqué so̱ꞌ roꞌ, tihaꞌ yuꞌunj yoꞌ man síí ma̱n cunuda̱nj nij xꞌneꞌ yuvii̱ ino̱ vaa stucua̱nj chugua̱nj.

Apocalipsis 8:12

Ga̱a ne̱ caꞌyánj se‑mo̱zó Yaꞌanj mozó caꞌa̱nj chruun aꞌyánj, ga̱a ne̱ quiranꞌ chiꞌii̱ taꞌa̱j yane̱j rihaan güii ga̱ yavii do̱ꞌ, ꞌo̱ yatiꞌ rihaan da̱j a̱ vaꞌnu̱j nij yatiꞌ do̱ꞌ, ne̱ dan me se ꞌo̱ cunu̱u rmi̱ꞌ se quiranꞌ chiꞌii̱ yoꞌ a. Dan me se taꞌa̱j rej ranga̱ꞌ do̱ꞌ, taꞌa̱j rej nii̱ do̱ꞌ, ne chugu̱u̱n nij yoꞌ a̱ maꞌ.

Apocalipsis 9:2

Ga̱a ne̱ nuxraꞌ soꞌ tuꞌva yuꞌuj cunu̱u̱ ndoꞌo, ga̱a ne̱ curiha̱nj ndoꞌo yachruu̱ tuꞌva yuꞌuj yoꞌ, ne̱ ase vaa yachruu̱ avii chrúún hornó xi̱j roꞌ, da̱nj vaa yachruu̱ cavii tuꞌva yuꞌuj yoꞌ a. Ga̱a ne̱ caráán rihaan güii, ne̱ guun rmi̱ꞌ rihaan chumii̱, quiꞌyaj yachruu̱ yoꞌ a.