Apocalipsis 13:18 - Triqui de San Juan Copala

¹⁸ Ne̱ nihánj me se cavi̱i̱ raa̱ soj si̱j naya̱a̱ nana̱ nihánj, ne̱ sese cu̱u raa̱ soj, ne̱ nuchru̱j ra̱a̱ soj da̱j taj se‑nu̱mero̱ xcuu yuva̱a̱ cavii rque na yaꞌa̱nj yoꞌ á. ꞌO̱ se número̱ yoꞌ roꞌ, me se‑chuvi̱i ꞌo̱ snóꞌo na̱nj chugua̱nj. Ne̱ vata̱nꞌ cientó táá vaꞌnu̱j chiha̱a̱ vata̱nꞌ (666) me número̱ yoꞌ ado̱nj.

Apocalipsis 13:18 Iomraidhean Croise

San Marcos 13:14

Ne̱ soj si̱j nayaa nana̱ nihánj roꞌ, xca̱j uxrá soj cuentá me se me raj cata̱a nana̱ nihánj nana̱ caꞌmii Jesús cheꞌé se chiꞌi̱i̱ á. Dan me se cataj uún Jesús a: ―A̱j neꞌen soj se vaa vaa ꞌo̱ se chiꞌi̱i̱ quiꞌya̱j ndoꞌo sayuun man yuvii̱, nda̱a vaa cataj Daniel síí nataꞌ snana̱ Yaꞌanj ga̱a naá, ne̱ dan me se güii queneꞌe̱n soj man se chiꞌi̱i̱ yoꞌ rej ne nó xcúún yoꞌ canicu̱nꞌ yoꞌ, ne̱ ꞌo̱ cuna̱nj nij síí ma̱n estadó Judea caꞌa̱nj nij soꞌ raa̱ quij á.

Romanos 3:5

Vaa taꞌa̱j yuvii̱ ne acaj sa̱ꞌ cuentá cata̱j a: “Ga̱a ꞌyaj núj se chiꞌi̱i̱, ne̱ doj a̱ neꞌen yuvii̱ se vaa síí nica̱ ina̱nj rá me Yaꞌanj a. Sese da̱nj vaa, ne̱ ne nó xcúún Yaꞌanj quiꞌya̱j Yaꞌanj sayuun man núj cheꞌé se chiꞌi̱i̱ ꞌyaj núj maꞌ”, taj nij yuvii̱ yoꞌ a.

Apocalipsis 1:3

Ne̱ cavi̱i̱ sa̱ꞌ uxrá nij síí naya̱a̱ nana̱ nihánj rihaan tuviꞌ, ne̱ da̱nj na̱nj uún ne̱ cavi̱i̱ sa̱ꞌ nij síí aꞌnéé sa̱ꞌ nana̱ nihánj nimán nij soꞌ, ne̱ ya̱ ꞌyaj nij soꞌ nda̱a vaa taj nana̱ no̱ rihaan yanj nihánj chugua̱nj. ꞌO̱ se da̱j doj quisi̱j ya̱ güii caꞌna̱ꞌ nij rasu̱u̱n yoꞌ na̱nj ado̱nj.

Apocalipsis 15:2

Ga̱a ne̱ queneꞌén ꞌu̱nj na yaꞌa̱nj, ne̱ nda̱a raa̱n maꞌa̱n rihaan na yaꞌa̱nj yoꞌ, ne̱ ase vaa raa̱n scura̱a̱n roꞌ, da̱nj vaa raa̱n yoꞌ, ne̱ ase vaa yaꞌan vaa yoꞌ, ne̱ nij síí quiꞌyaj canaán rihaan xcuu yuva̱a̱ yoꞌ do̱ꞌ, rihaan se tinanga̱ꞌ xcuu yuva̱a̱ yoꞌ do̱ꞌ, rihaan número̱ uun se‑chuvi̱i xcuu yuva̱a̱ yoꞌ do̱ꞌ, nij soꞌ me nij síí nicu̱nꞌ rihaan na yaꞌa̱nj vidrió yoꞌ, ne̱ nica̱j nij soꞌ taꞌánj Yaꞌanj yaꞌánj arpá nicunꞌ nij soꞌ yoꞌ a.

Apocalipsis 17:9

’Ne̱ nihánj me xca̱j síí avii raa̱ cuentá a. Dan me se chi̱j nij raa̱ xcuu yuva̱a̱ yoꞌ roꞌ, me chi̱j tacaan, ne̱ ya̱nj chana̱ yoꞌ xráá nij tacaan yoꞌ a. Ne̱ chi̱j síí nica̱j suun rey me uún chi̱j nij raa̱ xcuu yuva̱a̱ yoꞌ a.

Apocalipsis 21:17

Ga̱a ne̱ xcaj taꞌngaꞌ soꞌ rej xca̱a̱n xta̱ꞌ chingá yoꞌ, ne̱ vaꞌnu̱j chiha̱a̱ caꞌa̱nj (64) metró ta̱j doj vaa chraan chingá yoꞌ a. Dan me se ase vaa xcaj taꞌngaꞌ yuvii̱ rasu̱u̱n roꞌ, da̱nj vaa xcaj taꞌngaꞌ se‑mo̱zó Yaꞌanj yoꞌ nu̱ꞌ chingá yoꞌ a.