Apocalipsis 11:2 - Triqui de San Juan Copala

² Tza̱j ne̱ rej xeꞌ roꞌ, se̱ xcaj taꞌngáꞌ so̱ꞌ man yoꞌ maꞌ. ꞌO̱ se caꞌve̱e caꞌna̱ꞌ nij síí yaníj rej yoꞌ, ne̱ vi̱j chiha̱a̱ vi̱j (42) yavii yu̱u̱n cheꞌe̱ ruꞌma̱an cheꞌé nij soꞌ nu̱ꞌ chumanꞌ gue̱e̱ yoꞌ ado̱nj.

Apocalipsis 11:2 Iomraidhean Croise

San Mateo 27:53

Ne̱ ga̱a quisíj orá cunuu iꞌna̱ꞌ uún maꞌa̱n Jesús, ne̱ curiha̱nj nij síí cunuu iꞌna̱ꞌ uún yoꞌ, ne̱ catúj nij soꞌ chumanꞌ gue̱e̱ chumanꞌ Jerusalén, ne̱ queneꞌen uxrá yuvii̱ man nij soꞌ a.

San Mateo 4:5

Ga̱a ne̱ caꞌanj nica̱j Síí Chre̱e man Jesús chumanꞌ gue̱e̱ chumanꞌ Jerusalén, ne̱ tacavii soꞌ man Jesús raa̱ nuvií noco̱o,

San Mateo 5:13

’Ase vaa yaan roꞌ, da̱nj vaa soj ga̱ chumii̱ nihánj ado̱nj. Dan me se sese ne ꞌne̱ꞌ chá yaan yoꞌ, ga̱a ne̱ taj se qui̱ꞌyáꞌ cunu̱u sa̱ꞌ yaan yoꞌ ga̱a a̱ maꞌ. Taj se gúnꞌ man yaan yoꞌ ga̱a a̱ maꞌ. Ma̱an se quiriꞌi̱j nii man yaan yoꞌ xeꞌ, ne̱ cache̱e̱ u̱u̱n yuvii̱ xráá yaan yoꞌ na̱nj ado̱nj. Ne̱ da̱nj vaa uún soj ado̱nj.

San Lucas 21:24

ne̱ cavi̱ꞌ queꞌe̱e̱ nij soꞌ raa̱ neê espadá, ne̱ ta̱ꞌaa nii man queꞌe̱e̱ nij soꞌ caꞌa̱nj ni̱caj nii rej ya̱nj nij síí yaníj a. Ne̱ cache̱e̱ nij síí yaníj xráá nu̱ꞌ chumanꞌ Jerusalén, nda̱a se quisi̱j güii caꞌne̱e̱ Yaꞌanj suun raꞌa nij soꞌ a ―taj Jesús a.

Hebreos 10:29

Ne̱ nij uxrá doj ga̱a̱ sayuun quira̱nꞌ síí ta̱j riꞌyunj man maꞌa̱n Taꞌníí Yaꞌanj ado̱nj. ꞌO̱ se ton man Cristó roꞌ, quiꞌyaj cunuu sa̱ꞌ nimán níꞌ rihaan Yaꞌanj ne̱ ꞌo̱ canocoꞌ níꞌ chrej sa̱ꞌ cuchruj Yaꞌanj cheꞌé níꞌ ado̱nj. Tza̱j ne̱ taj yuꞌvee nó ton yoꞌ, rá nij síí tanáj xco̱ snana̱ Cristó a̱ maꞌ. Ne̱ qui̱j aꞌmii nij soꞌ rihaan Nimán Yaꞌanj síí quiꞌyaj ndoꞌo se lu̱j cheꞌé níꞌ ado̱nj.

Apocalipsis 11:11

Ne̱ ga̱a quisíj vaꞌnu̱j güii táá néé, ga̱a ne̱ catúj uún nana̱ rque ro̱j soꞌ, quiꞌyaj Yaꞌanj, ne̱ cunuu iꞌna̱ꞌ uún ro̱j soꞌ, ne̱ canicunꞌ caya̱ ro̱j soꞌ, ne̱ dan me se nu̱ꞌ nij yuvii̱ queneꞌen man ro̱j soꞌ me se cuchuꞌviꞌ ndoꞌo nij soꞌ a.

Apocalipsis 11:3

Ne̱ cune̱ꞌ ꞌu̱nj man vi̱j ro̱j síí nata̱ꞌ rihaan yuvii̱ cheꞌé ꞌu̱nj, ne̱ ꞌo̱ míj táá vi̱j cientó táá vaꞌnu̱j chiha̱a̱ (1,260) güii me se caꞌmi̱i̱ natáj ro̱j soꞌ rihaan yuvii̱, ne̱ cu̱nuû ro̱j soꞌ yatzíj nij niha̱nj a ―taj nii rihanj a.

Apocalipsis 12:6

Ga̱a ne̱ cunánj chana̱ nda̱a rej tacaan rej quiꞌyaj maꞌa̱n Yaꞌanj ca̱yáán noꞌ, cheꞌé rej caꞌve̱e rque̱ Yaꞌanj se cha̱ noꞌ ꞌo̱ míj táá vi̱j cientó táá vaꞌnu̱j chiha̱a̱ (1260) güii a.

Apocalipsis 21:10

Ga̱a ne̱ dan me se caꞌanj nica̱j soꞌ manj raa̱ quij xi̱j xca̱a̱n, quiꞌyaj Nimán Yaꞌanj, ga̱a ne̱ tihaa̱n soꞌ chumanꞌ gue̱e̱ noco̱o cuꞌna̱j Jerusalén rihanj, ne̱ cavii chumanꞌ yoꞌ rej xta̱ꞌ rej ya̱nj Yaꞌanj, ne̱ nanij yoꞌ rihaan yoꞌóó a.

Apocalipsis 21:2

ꞌO̱ se ꞌu̱nj si̱j cuꞌna̱j Juan me queneꞌen se vaa cavii chumanꞌ gue̱e̱ chumanꞌ Jerusalén naca̱ rej xta̱ꞌ rej ya̱nj Yaꞌanj, ne̱ nanij yoꞌ, ne̱ ase vaa uun ráꞌ niꞌya̱ꞌ chana̱ naraꞌa̱a roꞌ, da̱nj guun raj niꞌya̱j ꞌu̱nj man chumanꞌ yoꞌ a.

Apocalipsis 22:19

Ne̱ sese tiri̱ꞌ ꞌo̱ soꞌ taꞌa̱j nij nana̱ no̱ rihaan yanj nihánj nana̱ taj xnaꞌanj da̱j gu̱un rej rihaan níꞌ, ga̱a ne̱ daj chiha̱a̱ míj se̱ chá soꞌ chruj ma̱n raa̱ chruun ꞌyaj ga̱a̱ iꞌna̱ꞌ yuvii̱ nu̱ꞌ cavii nu̱ꞌ caꞌanj nda̱a vaa taj xnaꞌanj yanj nihánj, quiꞌya̱j Yaꞌanj maꞌ. Ne̱ se̱ cayáán soꞌ chumanꞌ gue̱e̱, nda̱a vaa taj xnaꞌanj yanj nihánj, quiꞌya̱j Yaꞌanj maꞌ.