Apocalipsis 11:12 - Triqui de San Juan Copala

¹² Ga̱a ne̱ cuno ro̱j soꞌ nana̱ nucua̱j sca̱ꞌ ndoꞌo cavii rej xta̱ꞌ, ne̱ nana̱ yoꞌ cataj a: ―Cavi̱i̱ ro̱j so̱j caꞌna̱ꞌ ro̱j so̱j nihánj á ―taj nana̱ yoꞌ cuno ro̱j soꞌ a. Ga̱a ne̱ catúj ro̱j soꞌ rque ngaa, cavii ro̱j soꞌ xta̱ꞌ, ne̱ caꞌanj ro̱j soꞌ a. Dan me se nij síí ta̱j riꞌyunj man ro̱j soꞌ me se queneꞌen nij soꞌ se vaa cavii ro̱j soꞌ rej xta̱ꞌ a.

Apocalipsis 11:12 Iomraidhean Croise

San Lucas 16:23

Dan me se caꞌanj soꞌ rej ma̱n nimán nij síí caviꞌ, ne̱ ranꞌ uxrá soꞌ sayuun rej yoꞌ, ga̱a ne̱ naxca̱j soꞌ rihaan soꞌ, ne̱ queneꞌen soꞌ se vaa ga̱nꞌ ndoꞌo yáán Abraham, ne̱ naꞌya̱a̱n Abraham man Lázaro a.

Hechos 1:9

Dan me se quisíj caꞌmii Jesús da̱nj rihaan nij soꞌ, ga̱a ne̱ niꞌya̱j nij soꞌ man soꞌ, ne̱ dan me se cavii soꞌ xta̱ꞌ, quiꞌyaj Yaꞌanj, ne̱ catúj soꞌ rque ngaa, ne̱ ne caꞌve̱e queneꞌe̱n nij soꞌ man soꞌ a̱ maꞌ.

1 Tesalonicenses 4:17

Ne̱ sese ga̱a̱ iꞌna̱ꞌ níꞌ ca̱yáán níꞌ rihaan chumii̱ nihánj, ne̱ cavi̱i̱ níꞌ rej xta̱ꞌ raa̱ ngaa ga̱ nij síí cunuu iꞌna̱ꞌ uún, quiꞌya̱j Yaꞌanj, ne̱ nari̱ꞌ tuviꞌ níꞌ ga̱ Síí ꞌNi̱j Raꞌa man níꞌ rej xta̱ꞌ, ga̱a ne̱ ca̱yáán níꞌ ga̱ Síí ꞌNi̱j Raꞌa man níꞌ nu̱ꞌ cavii nu̱ꞌ caꞌanj na̱nj ado̱nj.

Apocalipsis 12:5

Ga̱a ne̱ cuchruj noꞌ neꞌej sno̱ꞌo, ne̱ soꞌ roꞌ, me síí ni̱caj vará aga̱ꞌ ne̱ gu̱un chij rihaan nij xꞌneꞌ yuvii̱ ino̱ vaa stucua̱nj a. Ga̱a ne̱ caꞌnéj nii taꞌníí chana̱ yoꞌ, ne̱ caꞌanj nica̱j nii man neꞌej rihaan Yaꞌanj rej táá soꞌ rihaan chruun xlá sa̱ꞌ yoꞌ uun chij soꞌ a.

Apocalipsis 3:21

Ne̱ síí quiꞌya̱j canaán roꞌ, ca̱yáán soꞌ rihaan xrúún ꞌu̱nj chruun xlá sa̱ꞌ ga̱ ꞌu̱nj, ne̱ gu̱un chij soꞌ ga̱j, qui̱ꞌyáj, nda̱a vaa quiꞌyaj Réj Yaꞌanj ga̱j ado̱nj. Dan me se ga̱a quiꞌyaj canaán ꞌu̱nj, ne̱ cayáán ꞌu̱nj rihaan xrúún Réj Yaꞌanj chruun xlá sa̱ꞌ ga̱ soꞌ, ne̱ uun chij ꞌu̱nj ga̱ soꞌ, quiꞌyaj soꞌ chugua̱nj.

Apocalipsis 4:1

Quisíj caꞌmii soꞌ nu̱ꞌ nana̱ dan, ga̱a ne̱ queneꞌén ꞌu̱nj ꞌo̱ taꞌyaa ta̱j yaꞌnúj rej xta̱ꞌ a. Ga̱a ne̱ cunó ꞌu̱nj caꞌmii uún síí caꞌmii asino ya̱a̱n rihanj, ne̱ snana̱ soꞌ roꞌ, da̱j se uun ráꞌ unóꞌ aꞌyánj nii chruun aꞌyánj roꞌ, da̱nj guun raj ga̱a cunoj snana̱ soꞌ a. Ne̱ cataj soꞌ rihanj a: ―Cavi̱i̱ so̱ꞌ caꞌna̱ꞌ so̱ꞌ nihánj, ga̱a ne̱ ti̱haán ꞌu̱nj rihaan so̱ꞌ nu̱ꞌ se vaa gu̱un rej rihaan so̱ꞌ á ―taj soꞌ rihanj a.