3 Juan 1:11 - Triqui de San Juan Copala

¹¹ Tinu̱j, se̱ guun qui̱ꞌyáá so̱ꞌ nda̱a vaa ꞌyaj nij síí chiꞌi̱i̱ maꞌ. Tana̱nj qui̱ꞌyáá so̱ꞌ nda̱a vaa ꞌyaj nij síí sa̱ꞌ á. ꞌO̱ se síí ꞌyaj se sa̱ꞌ roꞌ, Yaꞌanj ya̱ me Taꞌanj soꞌ ado̱nj. Ne̱ síí ꞌyaj se chiꞌi̱i̱ roꞌ, ne neꞌen soꞌ man Yaꞌanj a̱ maꞌ.

3 Juan 1:11 Iomraidhean Croise

San Juan 10:27

Xa̱ꞌ daán ꞌu̱nj matzinj, tza̱j ne̱ uno nij xoꞌ snana̱j, ne̱ neꞌenj man nij xoꞌ, ne̱ nocoꞌ nij xoꞌ manj a.

San Juan 12:26

Cheꞌé dan me sese vaa ꞌo̱ soꞌ nu̱u̱ rihanj, ne̱ canoco̱ꞌ soꞌ manj á. Ne̱ me rej maꞌa̱n canicu̱nꞌ ma̱ꞌanj roꞌ, ma̱an dan canicu̱nꞌ síí nu̱u̱ rihaan ꞌu̱nj uún na̱nj ado̱nj. Ga̱a ne̱ cara̱a̱ cochro̱j Réj rihaan síí nu̱u̱ rihanj ado̱nj.

San Juan 3:20

Dan me se nu̱ꞌ yuvii̱ ꞌyaj se chiꞌi̱i̱ roꞌ, ta̱j riꞌyunj nij soꞌ niꞌya̱j nij soꞌ yaꞌan chuguu̱n yoꞌ, ne̱ ne ꞌnaꞌ nij soꞌ rihaan yaꞌan chuguu̱n yoꞌ maꞌ. ꞌO̱ se naꞌvej rá nij soꞌ curuvi̱ꞌ se vaa ꞌyaj nij soꞌ maꞌ.

1 Corintios 11:1

Dan me se xcaj ꞌu̱nj cuentá da̱j quiꞌyaj Cristó, ne̱ ina̱nj da̱nj ꞌyáá ꞌu̱nj, ne̱ xca̱j soj cuentá da̱j ꞌyáá ꞌu̱nj, ne̱ ina̱nj da̱nj quiꞌya̱j soj uún á.

1 Corintios 4:16

Cheꞌé dan me rqueé ꞌu̱nj man soj se vaa ase vaa ꞌyáá ꞌu̱nj roꞌ, da̱nj ga̱a̱ quiꞌya̱j gue̱e̱ soj uún a.

Efesios 5:1

Neꞌen nij soj se vaa taꞌni̱j Yaꞌanj me soj cuano̱, ne̱ ꞌe̱e̱ uxrá rá Yaꞌanj man soj, ne̱ cheꞌé dan ase vaa ꞌyaj maꞌa̱n Yaꞌanj roꞌ, da̱nj ga̱a̱ quiꞌya̱j uún maꞌa̱n soj na̱nj á.

Filipenses 3:17

Xca̱j nij soj cuentá da̱j ꞌyaj ma̱ꞌanj do̱ꞌ, da̱j ꞌyaj nij síí noco̱ꞌ manj do̱ꞌ, ne̱ cuya̱a̱n da̱nj quiꞌya̱j gue̱e̱ soj uún á.

1 Tesalonicenses 1:6

Ne̱ ase quiꞌyaj gue̱e̱ núj do̱ꞌ, ase ꞌyaj gue̱e̱ Síí ꞌNi̱j Raꞌa man níꞌ do̱ꞌ, da̱nj quiꞌyaj gue̱e̱ soj chugua̱nj. Dan me se nda̱ꞌ se quiranꞌ soj sayuun quiꞌyaj nij yuvii̱ ne nocoꞌ man Cristó, tza̱j ne̱ ꞌo̱ canocoꞌ soj snana̱ Yaꞌanj, ne̱ guun niha̱ꞌ rá soj, quiꞌyaj Nimán Yaꞌanj ado̱nj.

1 Tesalonicenses 2:14

ꞌO̱ se ase vaa quiranꞌ nij xꞌneꞌ nij síí noco̱ꞌ man Yaꞌanj síí ma̱n estadó Judea roꞌ, da̱nj quiranꞌ uún soj, cheꞌé se si̱j noco̱ꞌ man Cristó Jesús me ta̱ranꞌ soj, tinu̱j, nocoj. Dan me se quiranꞌ nij síí ma̱n estadó Judea sayuun, quiꞌyaj nij yuvii̱ israelitá síí ma̱n chiháán nij soꞌ, ne̱ quiranꞌ uún soj sayuun, quiꞌyaj nij síí ma̱n chiháán soj ado̱nj.

2 Timoteo 3:10

Ne̱ xa̱ꞌ ma̱ꞌán so̱ꞌ, tza̱j ne̱ xcaj ndoꞌo so̱ꞌ cuentá cheꞌé tucuáán tucuꞌyón ꞌu̱nj man yuvii̱ do̱ꞌ, cheꞌé da̱j nocóꞌ ꞌu̱nj tucuáán yoꞌ do̱ꞌ, cheꞌé se vaa guun raj qui̱ꞌyáj rej rihaan níꞌ do̱ꞌ á. Neꞌén so̱ꞌ se vaa nucua̱j ndoꞌo raj man Yaꞌanj do̱ꞌ, se vaa na̱j rá ꞌu̱nj caxri̱i̱ yuva̱a̱ ꞌu̱nj man yuvii̱ do̱ꞌ, se vaa ꞌe̱e̱ raj man tinúj do̱ꞌ, se vaa ꞌo̱ nucua̱j rá ꞌu̱nj rihaan sayuun do̱ꞌ ado̱nj.

Hebreos 6:12

Ne̱ se̱ gaa rmi̱i̱ soj maꞌ. Ma̱an se veꞌé xca̱j soj cuentá da̱j ꞌyaj nij síí amán sa̱ꞌ rá niꞌya̱j man Yaꞌanj, ne̱ ase vaa ꞌyaj nij soꞌ roꞌ, da̱nj quiꞌya̱j uún soj chugua̱nj. Dan me se nij síí amán sa̱ꞌ rá me se ne aꞌneꞌ rá nij soꞌ maꞌ. ꞌO̱ se ꞌo̱ nocoꞌ nij soꞌ man Cristó, ga̱a ne̱ vaa güii naca̱j nij soꞌ nu̱ꞌ se sa̱ꞌ cataꞌ tuꞌva Yaꞌanj se vaa rque̱ Yaꞌanj man níꞌ si̱j noco̱ꞌ man Yaꞌanj ado̱nj.

1 Pedro 3:11

Naxu̱u̱n soꞌ man soꞌ rihaan suun chiꞌi̱i̱, ne̱ ina̱nj se sa̱ꞌ quiꞌya̱j soꞌ á. Dan me se nano̱ꞌ ndoꞌo soꞌ rej ca̱yáán dínj soꞌ ga̱ tuviꞌ soꞌ, ne̱ ꞌo̱ canoco̱ꞌ soꞌ chrej dínj yoꞌ á.

1 Pedro 3:13

Ne̱ se̱ guun rá yuvii̱ quiꞌya̱j chiꞌi̱i̱ yuvii̱ man soj, sese si̱j niha̱ꞌ rá quiꞌya̱j se sa̱ꞌ me soj maꞌ.

1 Juan 2:29

Dan me se neꞌen soj se vaa síí sa̱ꞌ ina̱nj me Cristó, ne̱ cheꞌé dan neꞌen soj se vaa nu̱ꞌ nij síí ꞌyaj sa̱ꞌ roꞌ, ta̱ranꞌ nij soꞌ me síí cunuu sa̱ꞌ nimán quiꞌyaj soꞌ ado̱nj.

1 Juan 3:10

Ne̱ nihánj me xca̱j níꞌ cuentá ni̱ꞌyaj níꞌ, ga̱a ne̱ cunu̱u ya̱a̱n níꞌ taꞌníí Yaꞌanj do̱ꞌ, taꞌníí Síí Chre̱e do̱ꞌ ado̱nj. Dan me se nij síí ne ꞌyaj se sa̱ꞌ roꞌ, né si̱j noco̱ꞌ man Yaꞌanj me nij soꞌ maꞌ. Dan me se né si̱j ꞌe̱e̱ rá man tinúú me nij soꞌ a̱ maan ado̱nj.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.