1 Juan 4:5 - Triqui de San Juan Copala

⁵ Ne̱ nij síí ne̱ yoꞌ, tza̱j ne̱ ma̱an síí ma̱n rihaan chumii̱ nihánj me nij soꞌ, ne̱ cheꞌé dan ina̱nj aꞌmii nij soꞌ nda̱a vaa nariꞌ nij soꞌ rihaan chumii̱ nihánj, ne̱ uno nij síí ma̱n rihaan chumii̱ nihánj snana̱ nij soꞌ na̱nj á.

1 Juan 4:5 Iomraidhean Croise

San Lucas 16:8

’Dan me se xcaj se‑ruꞌve̱e̱ mozó yoꞌ cuentá se vaa quiꞌyaj chiꞌi̱i̱ ndoꞌo mozó yoꞌ rihaan soꞌ, tza̱j ne̱ caꞌmii sa̱ꞌ ruꞌvee cheꞌé mozó yoꞌ cataj ruꞌvee se vaa si̱j avii ndoꞌo raa̱ me mozó yoꞌ ado̱nj. Da̱nj na̱nj nij síí ma̱n rihaan chumii̱ nihánj cuano̱, tza̱j ne̱ ga̱a ꞌyaj suun nij soꞌ ga̱ tuviꞌ maꞌa̱n nij soꞌ, ne̱ doj a̱ avii raa̱ nij soꞌ rihaan nij síí noco̱ꞌ snana̱ Yaꞌanj na̱nj á.

San Juan 17:14

A̱j rquej snana̱ so̱ꞌ man nij síí rqué so̱ꞌ manj, ne̱ táá riꞌyunj nij síí noco̱ꞌ se‑chre̱j chumii̱ nihánj niꞌya̱j nij soꞌ man nij síí rqué so̱ꞌ manj, cheꞌé se né si̱j noco̱ꞌ se‑chre̱j chumii̱ nihánj me nij soꞌ, da̱j se vaa né si̱j noco̱ꞌ se‑chre̱j chumii̱ nihánj mej maꞌ.

San Juan 17:16

Né si̱j noco̱ꞌ se‑chre̱j chumii̱ nihánj me nij soꞌ, da̱j se vaa né si̱j noco̱ꞌ se‑chre̱j chumii̱ nihánj mej maꞌ.

San Juan 3:31

Síí nanij rihaan chumii̱ nihánj roꞌ, soꞌ me síí noco̱o doj rihaan cunuda̱nj nij yuvii̱ ado̱nj. Tza̱j ne̱ nij síí ma̱n rihaan chumii̱ nihánj roꞌ, ina̱nj cheꞌé rasu̱u̱n ma̱n rihaan chumii̱ nihánj xcaj nij soꞌ cuentá do̱ꞌ, aꞌmii nij soꞌ do̱ꞌ ado̱nj. Tza̱j ne̱ síí nanij rej xta̱ꞌ roꞌ, me síí noco̱o doj rihaan cunuda̱nj nij yuvii̱ ado̱nj.

San Juan 8:23

Ga̱a ne̱ cataj Jesús rihaan nij soꞌ a: ―Soj roꞌ, me síí avii rej nica̱ꞌ, ne̱ ꞌu̱nj roꞌ, me síí avii rej xta̱ꞌ a. Soj roꞌ, me síí ma̱n rihaan chumii̱ nihánj, tza̱j ne̱ né si̱j ma̱n rihaan chumii̱ nihánj mej maꞌ.

2 Timoteo 4:3

ꞌO̱ se vaa güii, ne̱ se̱ caꞌvej rá nij yuvii̱ cuno̱ nij yuvii̱ tucuáán ꞌyaj caꞌve̱e cunu̱u sa̱ꞌ nimán nij soꞌ maan chugua̱nj. Tana̱nj gu̱un rá nij soꞌ cuno̱ nij soꞌ ꞌó tucuáán naca̱, ne̱ cheꞌé dan nano̱ꞌ nij soꞌ queꞌe̱e̱ síí tu̱cuꞌyón ꞌó tucuáán me rá maꞌa̱n nij soꞌ cuno̱ nij soꞌ a.

Apocalipsis 12:9

Ne̱ xcuáá tuꞌvi̱i yoꞌ roꞌ, xcuáá cayáán asi̱j naá tiempó me soꞌ, ne̱ Síí Chre̱e do̱ꞌ, Satanás do̱ꞌ, cuꞌna̱j soꞌ, ne̱ síí tihaꞌ yuꞌunj man cunuda̱nj nij yuvii̱ ma̱n rihaan chumii̱ me uún soꞌ na̱nj ado̱nj. Ne̱ tagüéj nii man xcuáá tuꞌvi̱i xi̱j yoꞌ rihaan chumii̱ ga̱ nij se‑mo̱zó soꞌ a.