1 Juan 4:1 - Triqui de San Juan Copala

¹ Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.

1 Juan 4:1 Iomraidhean Croise

San Marcos 13:21

’Ne̱ güii yoꞌ me se sese cata̱j ꞌo̱ yuvii̱, “Ni̱ꞌyaj soj; nihánj nicunꞌ Síí Caꞌnéé Yaꞌanj Ti̱nanii man Yuvii̱ rihaan Sayuun á”, ase cata̱j ꞌó yuvii̱, “Ni̱ꞌyaj soj; yoꞌ nicunꞌ soꞌ á”, ne̱ se̱ cuchumán rá soj maꞌ.

San Lucas 12:57

’Ne̱ me cheꞌé naꞌvee xca̱j maꞌa̱n soj cuentá cheꞌé se vaa no̱ xcúún soj quiꞌya̱j maꞌa̱n soj ga̱.

San Lucas 21:8

Ga̱a ne̱ cataj soꞌ a: ―Tu̱mé ndoꞌo soj man soj se̱ gaa na̱nj tiha̱ꞌ yuꞌunj yuvii̱ man soj á. ꞌO̱ se caꞌna̱ꞌ uxrá yuvii̱ cata̱j a: “ꞌU̱nj me síí naꞌvi̱j soj, ne̱ Síí Ti̱nanii man Yuvii̱ rihaan Sayuun mej á”, cata̱j nij yuvii̱, ne̱ cata̱j uún nij yuvii̱ a: “A̱j quisíj güii caꞌa̱nj niꞌya̱ chumii̱ na̱nj á”, cata̱j uún nij yuvii̱ rihaan soj a. Tza̱j ne̱ se̱ cuchumán rá soj, ne̱ se̱ canocoꞌ soj man yuvii̱ aꞌmii da̱nj maꞌ.

Hechos 17:11

Ne̱ nij síí israelitá ya̱nj chumanꞌ Berea me se sa̱ꞌ doj vaa nimán nij soꞌ rihaan nij síí israelitá ya̱nj chumanꞌ Tesalónica a. ꞌO̱ se aranꞌ rá nij soꞌ cuno̱ nij soꞌ snana̱ Yaꞌanj, ne̱ da̱j a̱ nij güii ya̱nj ndoꞌo nayaa nij soꞌ Danj Yaꞌanj, cheꞌé se guun rá nij soꞌ xca̱j nij soꞌ cuentá sese ya̱ ya̱ cuya̱a̱n vaa snana̱ Pabló ga̱ nana̱ no̱ rihaan Danj Yaꞌanj a.

Hechos 20:29

Dan me se neꞌenj se vaa asa̱ꞌ caꞌanj ꞌu̱nj, ne̱ catu̱u̱ síí chiꞌi̱i̱ scaꞌnúj soj, ne̱ ase vaa xcaꞌyanj caꞌnu̱ꞌ yuva̱a̱ roꞌ, da̱nj ga̱a̱ nij síí chiꞌi̱i̱ yoꞌ ado̱nj. Ne̱ se̱ caráj xꞌnaa nij soꞌ man nij tinúú níꞌ nij síí noco̱ꞌ man Jesucristó maꞌ.

1 Corintios 12:10

ꞌÓ tinúú níꞌ me síí uun nucua̱j ꞌyaj suun sa̱ꞌ noco̱o, ne̱ ꞌó tinúú níꞌ uun nucua̱j nataꞌ nana̱ rqué Yaꞌanj rihaan, ne̱ ꞌó tinúú níꞌ me síí uun nucua̱j xcaj cuentá da̱j vaa nana̱ aꞌmii ꞌo̱ ꞌo̱ níꞌ, ne̱ soꞌ roꞌ, me síí neꞌen sese snana̱ Nimán Yaꞌanj aꞌmii níꞌ niꞌ, ase snana̱ Síí Chre̱e aꞌmii níꞌ a. Ne̱ vaa ꞌó tinúú níꞌ aꞌmii xnaꞌánj naca̱ xnaꞌánj ne neꞌen a̱ maꞌa̱n nij soꞌ maꞌ. Ne̱ ꞌó tinúú níꞌ roꞌ, me síí nataꞌ me se me raj cata̱a nana̱ caꞌmii tinúú níꞌ síí aꞌmii xnaꞌánj naca̱ yoꞌ a.

1 Corintios 14:29

Dan me se veé da̱nj quiꞌya̱j gue̱e̱ soj asa̱ꞌ nataꞌ soj snana̱ Yaꞌanj uún a. Nata̱ꞌ vi̱j vaꞌnu̱j tinúú soj, síí rqué Yaꞌanj snana̱ soꞌ rihaan, ne̱ nuchru̱j ra̱a̱ ꞌó tinúú soj cheꞌé nana̱ nataꞌ nij soꞌ a.

1 Tesalonicenses 5:20

Se̱ nachriꞌ soj man nana̱ cata̱j xnaꞌanj naca̱ Nimán Yaꞌanj rihaan soj maꞌ.

1 Tesalonicenses 5:21

Tza̱j ne̱ xca̱j soj cuentá da̱j vaa ꞌo̱ ꞌo̱ nana̱ cuno̱ soj, ga̱a ne̱ queneꞌe̱n soj sese ya̱ nana̱ caꞌmii Nimán Yaꞌanj me yoꞌ, ne̱ sa̱ꞌ cu̱nuû rá soj nu̱ꞌ nana̱ sa̱ꞌ yoꞌ á.

2 Tesalonicenses 2:2

se vaa se̱ guun vi̱j raꞌya̱nj rá soj maꞌ. Se̱ caráyaꞌa̱nj soj nana̱ cuno soj se vaa a̱j quisíj güii caꞌna̱ꞌ uún Síí ꞌNi̱j Raꞌa man níꞌ rihaan chumii̱ maꞌ. Né na̱na̱ ya̱ me nana̱ yoꞌ maꞌ. Caꞌve̱e se nana̱ caꞌmii Nimán Yaꞌanj me yoꞌ taj nii, caꞌve̱e se da̱nj aꞌmii ꞌo̱ síí aꞌmii natáj taj nii, caꞌve̱e se nana̱ cachrón núj rihaan ꞌo̱ yanj cartá me yoꞌ taj nii, tza̱j ne̱ se̱ cuchumán rá soj maꞌ.

1 Timoteo 4:1

Tza̱j ne̱ taj nica̱ ya̱ Nimán Yaꞌanj se vaa asa̱ꞌ nichrunꞌ navi̱j chumii̱ nihánj, ne̱ quiriꞌi̱j taꞌa̱j yuvii̱ stucua̱nj Yaꞌanj, ne̱ canoco̱ꞌ nij soꞌ ꞌó tucuáán, ne̱ cuno̱ nij soꞌ nana̱ tihaꞌ yuꞌunj nana̱ tu̱cuꞌyón nij nana̱ chre̱e ado̱nj.

2 Timoteo 3:13

Tza̱j ne̱ xa̱ꞌ nij síí tihaꞌ yuꞌunj, tza̱j ne̱ tana̱nj a̱ doj a̱ doj a̱ caꞌa̱nj nij soꞌ tiha̱ꞌ yuꞌunj nij soꞌ man nij yuvii̱ do̱ꞌ, tiha̱ꞌ yuꞌunj nij yuvii̱ man maꞌa̱n nij soꞌ do̱ꞌ na̱nj á.

2 Pedro 2:1

Tza̱j ne̱ cumán uxrá nij síí ne̱ nataꞌ snana̱ Yaꞌanj ga̱a naá rihaan nij síí israelitá, ne̱ nda̱a rá se vaa nij síí ne̱ ga̱a naá roꞌ, taꞌngaꞌ da̱nj vaa nij síí ne̱ cuchi̱ꞌ rihaan soj narque̱ yuve̱ tucuáán ne̱ rihaan soj ado̱nj. Ne̱ sese cuchuma̱n rá soj, ne̱ quiri̱ꞌ nimán soj a. Dan me se Síí ꞌNi̱j Raꞌa man níꞌ roꞌ, caviꞌ soꞌ cheꞌé rej caꞌve̱e nani̱i̱ nij soꞌ rihaan sayuun, tza̱j ne̱ maꞌa̱n nij soꞌ me se ina̱nj nana̱ ne̱ aꞌmii nij soꞌ cheꞌé Cristó, ne̱ cheꞌé dan quira̱nꞌ raꞌya̱nj ya̱ nij soꞌ sayuun, quiꞌya̱j Yaꞌanj a.

1 Juan 2:18

Dan me se ase vaa taꞌníj vaa soj, ne̱ me raj cuno̱ soj nana̱ nihánj ado̱nj. ꞌO̱ se nichrunꞌ navi̱j güii man níꞌ, ne̱ a̱j cuno soj nana̱ se vaa caꞌna̱ꞌ maꞌa̱n síí ta̱j riꞌyunj man Cristó, ne̱ cata̱j soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me soꞌ, ne̱ nihánj me se a̱j caꞌnaꞌ queꞌe̱e̱ síí ta̱j riꞌyunj man Cristó, ne̱ cheꞌé dan neꞌen ya̱ níꞌ se vaa ya̱ nichrunꞌ navi̱j güii man níꞌ ado̱nj.

1 Juan 2:7

Dan me se ꞌe̱e̱ raj man soj, tinu̱j, nocoj. Ne̱ nihánj me se cachro̱n ꞌu̱nj cheꞌé ꞌo̱ suun aꞌnéꞌ ꞌu̱nj rihaan soj cuno̱ soj chugua̱nj. Tza̱j ne̱ né su̱u̱n aꞌneꞌ naca̱ ꞌu̱nj rihaan soj me nana̱ nihánj maꞌ. Veé nana̱ cuno soj asi̱j guun cheꞌe̱ soj canocoꞌ soj man Cristó me nana̱ nihánj na̱nj ado̱nj.

2 Juan 1:7

ꞌO̱ se ya̱j me se curiha̱nj ndoꞌo nij síí tihaꞌ yuꞌunj rihaan chumii̱ nihánj, ne̱ cataj nij soꞌ se vaa né si̱j guun yuvii̱ me Jesucristó a. Síí aꞌmii da̱nj me se síí tihaꞌ yuꞌunj aꞌmii nana̱ ne̱ do̱ꞌ, síí ta̱j riꞌyunj man Cristó do̱ꞌ, me soꞌ a.

3 Juan 1:11

Tinu̱j, se̱ guun qui̱ꞌyáá so̱ꞌ nda̱a vaa ꞌyaj nij síí chiꞌi̱i̱ maꞌ. Tana̱nj qui̱ꞌyáá so̱ꞌ nda̱a vaa ꞌyaj nij síí sa̱ꞌ á. ꞌO̱ se síí ꞌyaj se sa̱ꞌ roꞌ, Yaꞌanj ya̱ me Taꞌanj soꞌ ado̱nj. Ne̱ síí ꞌyaj se chiꞌi̱i̱ roꞌ, ne neꞌen soꞌ man Yaꞌanj a̱ maꞌ.

Apocalipsis 2:2

A̱j neꞌén ꞌu̱nj da̱j ꞌyaj soj se vaa ꞌyaj uxrá soj se‑su̱u̱n ꞌu̱nj ne̱ nucua̱j ndoꞌo vaa nimán soj rihaan sayuun ado̱nj. Ne̱ a̱j neꞌenj se vaa naꞌvej uxrá rá soj ni̱ꞌyaj soj man nij síí chiꞌi̱i̱ maꞌ. Ne̱ xa̱ꞌ nij síí tihaꞌ yuꞌunj tuꞌva rmaꞌa̱n se vaa si̱j ata̱ suun caꞌa̱nj nata̱ꞌ snana̱ Jesucristó me nij soꞌ, tza̱j ne̱ a̱j nuchruj ra̱a̱ soj cheꞌé nij soꞌ, ne̱ a̱j xcaj soj cuentá se vaa né si̱j aꞌmii ya̱ me nij soꞌ a̱ maan ado̱nj.