1 Juan 3:3 - Triqui de San Juan Copala

³ Ne̱ nij síí uun ya̱ rá se vaa queneꞌe̱n nij soꞌ man Cristó roꞌ, ya̱ cunu̱u sa̱ꞌ nimán nij soꞌ quiꞌya̱j nij soꞌ, ne̱ ase vaa sa̱ꞌ nimán Cristó roꞌ, da̱nj ga̱a̱ sa̱ꞌ nimán nij soꞌ uún ado̱nj.

1 Juan 3:3 Iomraidhean Croise

San Mateo 5:48

Cheꞌé dan sese né si̱j tihaꞌ yuꞌunj do̱ꞌ, si̱j yaníj do̱ꞌ, me soj, ne̱ no̱ xcúún soj gu̱un soj síí vaa sa̱ꞌ ina̱nj nimán ado̱nj. Ne̱ ase vaa síí sa̱ꞌ ina̱nj me Yaꞌanj roꞌ, da̱nj ga̱a̱ maꞌa̱n soj, síí sa̱ꞌ ina̱nj gu̱un soj ado̱nj.

San Lucas 6:36

Ase vaa ꞌe̱e̱ rá Rej níꞌ Yaꞌanj man da̱j a̱ nij yuvii̱ roꞌ, da̱nj ga̱a̱ ꞌe̱e̱ rá soj man da̱j a̱ nij yuvii̱ uún ado̱nj ―da̱nj cataj Jesús rihaan nij síí tucuꞌyón snana̱ soꞌ a.

San Juan 17:19

Ne̱ cheꞌé nij soꞌ me se nagóꞌ ꞌu̱nj man ma̱ꞌán ꞌu̱nj rihaan so̱ꞌ cheꞌé rej cunu̱u sa̱ꞌ ya̱ nimán nij soꞌ rihaan so̱ꞌ ado̱nj.

Hechos 15:9

Dan me se cunuu sa̱ꞌ nimán nij síí yaníj rihaan Yaꞌanj cheꞌé se cuchumán rá nij soꞌ niꞌya̱j nij soꞌ man Jesucristó, ne̱ cuano̱ nihánj me se ꞌo̱ cuya̱a̱n vaa nij soꞌ ga̱ níꞌ rihaan Yaꞌanj na̱nj ado̱nj.

Romanos 15:12

Ne̱ cataj uún síí cuꞌna̱j Isaías ga̱a naá se vaa cuma̱n ꞌo̱ taꞌníí taꞌnij siꞌno̱ síí cuꞌna̱j Isaí rej síí cuꞌna̱j David, síí cayáán ga̱a naá, ne̱ caꞌna̱ꞌ soꞌ, ne̱ gu̱un chij soꞌ rihaan nij yuvii̱ yaníj a. Ga̱a ne̱ ga̱a̱ nucua̱j rá nij yuvii̱ yaníj man soꞌ se vaa ti̱nanii soꞌ man nij soꞌ rihaan sayuun a. Da̱nj taj síí cuꞌna̱j Isaías cheꞌé Cristó a.

2 Corintios 7:1

Dan me se nu̱ꞌ nana̱ nihánj nana̱ caꞌmii ya̱ Yaꞌanj ga̱a naá roꞌ, caꞌmii Yaꞌanj nana̱ yoꞌ rihaan níꞌ, tinu̱j, nocoj. Cheꞌé dan quiri̱i̱ yaníj níꞌ man cunuda̱nj se chiꞌi̱i̱ quiꞌyaj níꞌ asi̱j rque̱ do̱ꞌ, man cunuda̱nj se chiꞌi̱i̱ ma̱n nimán níꞌ do̱ꞌ, ne̱ ga̱a̱ cu̱j nimán níꞌ á. Ne̱ rquee̱ níꞌ cunu̱u sa̱ꞌ nimán níꞌ, cheꞌé se uxrá aráj cochro̱j níꞌ rihaan Yaꞌanj á.

Colosenses 1:5

Da̱nj vaa rá soj cuano̱, cheꞌé se cuno soj nana̱ sa̱ꞌ cheꞌé Cristó nana̱ ya̱, ne̱ uun ya̱ rá soj se vaa ma̱n ndoꞌo se sa̱ꞌ rej xta̱ꞌ quiri̱ꞌ soj vaa güii ado̱nj.

2 Tesalonicenses 2:16

Ne̱ me rá núj nari̱ꞌ nucuaj nimán soj, quiꞌya̱j maꞌa̱n Jesucristó Si̱j ꞌNi̱j Raꞌa man níꞌ do̱ꞌ, Rej níꞌ Yaꞌanj do̱ꞌ a. Ne̱ Yaꞌanj roꞌ, me síí ꞌe̱e̱ rá man níꞌ, ne̱ quiꞌyaj ndoꞌo soꞌ se lu̱j ga̱ níꞌ se vaa naquiꞌyaj nucua̱j soꞌ nimán níꞌ nu̱ꞌ cavii nu̱ꞌ caꞌanj, ne̱ uun ya̱ rá níꞌ se vaa cavi̱i̱ sa̱ꞌ níꞌ, quiꞌya̱j uún soꞌ ado̱nj. Ne̱ me rá núj gu̱un nucua̱j soj quiꞌya̱j soj nu̱ꞌ suun sa̱ꞌ, ne̱ caꞌmi̱i̱ soj nu̱ꞌ nana̱ sa̱ꞌ, quiꞌya̱j Yaꞌanj ado̱nj.

Tito 3:7

Se lu̱j quiꞌyaj soꞌ me se tinavij soꞌ cacunꞌ xráá níꞌ, ne̱ cunuu sa̱ꞌ nimán níꞌ, quiꞌyaj soꞌ, ne̱ ma̱an cheꞌé dan rque̱ ndoꞌo Yaꞌanj se sa̱ꞌ rihaan níꞌ ne̱ caꞌa̱nj níꞌ ca̱yáán níꞌ ga̱ soꞌ nu̱ꞌ cavii nu̱ꞌ caꞌanj nda̱a vaa naꞌvi̱j ya̱ níꞌ na̱nj ado̱nj.

Hebreos 12:14

Dan me se te̱rquee̱ soj ga̱a̱ dínj ca̱yáán soj ga̱ cunuda̱nj yuvii̱ á. Ne̱ te̱rquee̱ soj cunu̱u sa̱ꞌ nimán soj nda̱a vaa maꞌa̱n Yaꞌanj na̱nj á. Taj a̱ ꞌó síí queneꞌe̱n Síí ꞌNi̱j Raꞌa man níꞌ sese se̱ cunu̱u sa̱ꞌ nimán soꞌ maꞌ.

Hebreos 6:18

Dan me se asino cataꞌ tuꞌva Yaꞌanj, ga̱a ne̱ cutaꞌ Yaꞌanj raa̱ maꞌa̱n soꞌ a. Dan me se quisíj vi̱j nana̱ caꞌmii soꞌ, ne̱ daj chiha̱a̱ míj se̱ natuná Yaꞌanj snana̱ soꞌ maꞌ. ꞌO̱ se ne uun nucua̱j Yaꞌanj aꞌmii Yaꞌanj nana̱ ne̱ maꞌ. Cheꞌé dan me ndoꞌo rá níꞌ ra̱cuíj Yaꞌanj man níꞌ, ne̱ cheꞌé dan vaa cheꞌé ndoꞌo cuchuma̱n rá níꞌ, ne̱ gu̱un ya̱ rá níꞌ se vaa ya̱ cavi̱i̱ sa̱ꞌ níꞌ, nda̱a vaa cataꞌ tuꞌva Yaꞌanj rihaan níꞌ na̱nj ado̱nj.

Hebreos 7:26

Dan me se vaa cheꞌé ndoꞌo guun soꞌ xrej ata̱ suun noco̱o doj cheꞌé níꞌ ado̱nj. ꞌO̱ se síí gue̱e̱ ya̱ me soꞌ, ne̱ taj va̱j a̱ doj cacunꞌ tumé soꞌ maꞌ. ꞌO̱ se síí sa̱ꞌ ina̱nj nimán me soꞌ, ne̱ ga̱nꞌ uxrá yáán soꞌ ga̱ níꞌ si̱j tumé cacunꞌ na̱nj ado̱nj. Dan me se xta̱ꞌ doj yáán soꞌ rihaan nu̱ꞌ rej xta̱ꞌ na̱nj ado̱nj.

Santiago 4:8

Nichru̱nꞌ soj rihaan Yaꞌanj, ga̱a ne̱ nichru̱nꞌ Yaꞌanj rihaan soj á. Soj si̱j tumé cacunꞌ roꞌ, ta̱náj soj stucua̱nj soj tucuáán chiꞌi̱i̱, ne̱ soj si̱j uun vi̱j rá canoco̱ꞌ man Yaꞌanj roꞌ, naquiꞌya̱j nica̱ soj nimán soj á.

1 Pedro 1:15

Tana̱nj cheꞌé se síí sa̱ꞌ ina̱nj me Yaꞌanj si̱j nacúún man soj canoco̱ꞌ soj man soꞌ, cheꞌé dan no̱ xcúún maꞌa̱n soj gu̱un soj síí sa̱ꞌ ado̱nj.

1 Pedro 1:3

Cata̱j níꞌ se vaa ina̱nj sa̱ꞌ uxrá vaa Yaꞌanj Rej Jesucristó Si̱j ꞌNi̱j Raꞌa man níꞌ á. Cheꞌé se ꞌe̱e̱ uxrá rá Yaꞌanj niꞌya̱j soꞌ man níꞌ, ne̱ naquiꞌyaj iꞌna̱ꞌ soꞌ man Jesucristó, yan caꞌnga̱a̱ naca̱ nimán níꞌ ne̱ uun ya̱ rá níꞌ se vaa ca̱yáán níꞌ rihaan soꞌ nu̱ꞌ cavii nu̱ꞌ caꞌanj ado̱nj.

2 Pedro 1:4

Ne̱ cheꞌé dan cataꞌ tuꞌva soꞌ cheꞌé niꞌndaj ya̱ nij se lu̱j quiꞌya̱j ndoꞌo soꞌ ga̱ níꞌ, cheꞌé rej caꞌve̱e nani̱i̱ soj rihaan se chiꞌi̱i̱ nu̱u̱ nimán nij síí ma̱n rihaan chumii̱ nihánj, ne̱ ase vaa maꞌa̱n Yaꞌanj roꞌ, da̱nj ga̱a̱ soj a.

2 Pedro 3:14

Cheꞌé se naꞌvi̱j níꞌ güii yoꞌ roꞌ, cheꞌé dan doj a̱ te̱rquee̱ soj quiꞌya̱j soj se sa̱ꞌ ina̱nj rihaan Yaꞌanj, ne̱ se̱ gaa na̱nj tu̱mé soj cacunꞌ asa̱ꞌ caꞌnaꞌ uún Cristó na̱nj á. Ne̱ dínj ga̱a̱ nimán soj, tinu̱j, nocoj.

1 Juan 2:6

Ne̱ síí taj se vaa ꞌo̱ nocoꞌ soꞌ man Cristó roꞌ, ase vaa quiꞌyaj Jesús, da̱nj ina̱nj nó xcúún soꞌ quiꞌya̱j maꞌa̱n soꞌ uún ado̱nj.

1 Juan 4:17

Ne̱ cheꞌé dan sese ꞌe̱e̱ rá níꞌ man tuviꞌ níꞌ, ne̱ asa̱ꞌ quisíj güii caꞌne̱ꞌ Yaꞌanj cacunꞌ cheꞌé yuvii̱, ne̱ gu̱un ya̱ rá níꞌ se vaa cavi̱i̱ sa̱ꞌ níꞌ ado̱nj. ꞌO̱ se queneꞌe̱n níꞌ se vaa ase vaa quiꞌyaj Cristó ga̱a va̱j soꞌ rihaan chumii̱ nihánj roꞌ, da̱nj ꞌyaj maꞌa̱n níꞌ uún ado̱nj.