1 Juan 3:2 - Triqui de San Juan Copala

² Tinu̱j, nocoj, cuano̱ nihánj me se taꞌni̱j Yaꞌanj me níꞌ, ne̱ ataa xca̱j níꞌ cuentá da̱j si̱j ga̱a̱ níꞌ quiꞌya̱j Yaꞌanj vaa güii ado̱nj. Ma̱an se neꞌen níꞌ se vaa asa̱ꞌ caꞌnaꞌ Cristó, ne̱ ase vaa soꞌ roꞌ, da̱nj ga̱a̱ maꞌa̱n níꞌ uún ado̱nj. ꞌO̱ se queneꞌe̱n níꞌ man soꞌ, ne̱ xca̱j ya̱ níꞌ cuentá da̱j vaa xa̱ꞌ soꞌ na̱nj ado̱nj.

1 Juan 3:2 Iomraidhean Croise

San Mateo 5:8

’Cavi̱i̱ sa̱ꞌ ta̱ranꞌ nij síí vaa sa̱ꞌ nimán ado̱nj. ꞌO̱ se queneꞌe̱n maꞌa̱n nij soꞌ man Yaꞌanj vaa güii ado̱nj.

San Lucas 17:30

Ne̱ ase vaa ne xca̱j nij yuvii̱ ma̱n ga̱a naá cuentá se vaa quira̱nꞌ nij soꞌ sayuun roꞌ, da̱nj ga̱a̱ uún yuvii̱ asa̱ꞌ quisíj caꞌna̱ꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj ado̱nj.

San Lucas 20:36

ꞌO̱ se da̱nj na̱nj uún, ne̱ taj yan va̱j síí cavi̱ꞌ uún rej yoꞌ maꞌ. ꞌO̱ se ase vaa nij se‑mo̱zó Yaꞌanj roꞌ, da̱nj ga̱a̱ nij soꞌ, ese taꞌni̱j Yaꞌanj me nij soꞌ, ne̱ si̱j a̱j caviꞌ ne̱ cunuu iꞌna̱ꞌ uún me nij soꞌ ado̱nj.

San Juan 1:12

Tza̱j ne̱ ta̱ranꞌ nij síí aꞌmii sa̱ꞌ ga̱ soꞌ roꞌ, rqué soꞌ se vaa caꞌve̱e gu̱un nij soꞌ taꞌníí maꞌa̱n ya̱ Yaꞌanj a. ꞌO̱ se síí amán rá niꞌya̱j man se‑chuvi̱i soꞌ me nij soꞌ ado̱nj.

San Juan 11:52

Ne̱ né ina̱nj cheꞌé nij yuvii̱ israelitá me cavi̱ꞌ Jesús maꞌ. ꞌO̱ se cavi̱ꞌ soꞌ cheꞌé rej naquiꞌya̱j chre̱ꞌ soꞌ man cunuda̱nj nij taꞌníí Yaꞌanj nij síí ma̱n nu̱ꞌ rihaan chumii̱ nihánj, ga̱a ne̱ gu̱un nij soꞌ o̱rúnꞌ xꞌneꞌ yuvii̱ ado̱nj.

San Juan 17:24

’Ne̱ xa̱ꞌ nij síí rqué so̱ꞌ manj, tza̱j ne̱ me rá ꞌu̱nj ca̱yáán nij soꞌ ga̱ ꞌu̱nj rej ca̱yáán ꞌu̱nj, Ata̱j. ꞌO̱ se me rá ꞌu̱nj queneꞌe̱n nij soꞌ se vaa niꞌndaj ya̱ cavii sa̱ꞌ ꞌu̱nj quiꞌyáá so̱ꞌ á. ꞌO̱ se asi̱j ataa qui̱ꞌyáá so̱ꞌ chumii̱ nihánj me se a̱j ꞌe̱e̱ rá so̱ꞌ manj ado̱nj.

Romanos 8:16

Dan me se ꞌo̱ aꞌmii Nimán Yaꞌanj ga̱ nimán níꞌ, ne̱ taj Nimán Yaꞌanj se vaa taꞌníí Yaꞌanj me níꞌ a.

Romanos 8:18

Veé dan me se ranꞌ xa̱ꞌ níꞌ sayuun cuano̱, tza̱j ne̱ vaa güii, ne̱ cavi̱i̱ sa̱ꞌ uxrá níꞌ doj rihaan sayuun ranꞌ níꞌ cuano̱ ado̱nj. ꞌO̱ se ataa ti̱haa̱n Yaꞌanj rihaan níꞌ se vaa niꞌndaj ya̱ veꞌé ga̱a̱ níꞌ, quiꞌya̱j Yaꞌanj na̱nj chugua̱nj. Da̱nj vaa raj na̱nj á.

Romanos 8:19

Naꞌvi̱j uxrá cunuda̱nj nij rasu̱u̱n quiꞌyaj Yaꞌanj rihaan chumii̱ ga̱ xta̱ꞌ quisi̱j güii ti̱haa̱n Yaꞌanj da̱j ga̱a̱ nij taꞌníí soꞌ a.

Romanos 8:29

Ga̱a naá me se queneꞌen Yaꞌanj se vaa canoco̱ꞌ níꞌ man soꞌ vaa güii, ga̱a ne̱ ꞌo̱ guun rá Yaꞌanj se vaa naquiꞌya̱j sa̱ꞌ Yaꞌanj nimán níꞌ a. Ne̱ ase vaa Taꞌníí Yaꞌanj síí cuꞌna̱j Jesucristó roꞌ, da̱nj ga̱a̱ níꞌ uún, ne̱ vaa güii cuma̱n ndoꞌo tinúú Jesucristó do̱ꞌ, raꞌvij Jesucristó do̱ꞌ, ne̱ soꞌ gu̱un síí chava̱ꞌ rihaan cunuda̱nj níꞌ a.

1 Corintios 13:12

Vaa se neꞌen níꞌ cuano̱, rá níꞌ, tza̱j ne̱ ne neꞌen sa̱ꞌ níꞌ man yoꞌ maꞌ. Dan me se ase vaa yuvii̱ niꞌya̱j rihaan ꞌo̱ se niꞌya̱j rihaan roꞌ, da̱nj vaa níꞌ, ne̱ sese ne naruvi̱i̱ rihaan se niꞌya̱j rihaan, ne̱ se̱ queneꞌen sa̱ꞌ yuvii̱ rihaan yuvii̱ maꞌ. Ne̱ da̱nj vaa níꞌ uún, ne̱ ma̱n ndoꞌo rasu̱u̱n ne neꞌen sa̱ꞌ níꞌ maꞌ. Tza̱j ne̱ vaa güii canicu̱nꞌ níꞌ rihaan maꞌa̱n Yaꞌanj, ne̱ sa̱ꞌ uxrá queneꞌe̱n níꞌ man maꞌa̱n soꞌ a. Cuano̱ nihánj me se ne neꞌenj cunuda̱nj, tza̱j ne̱ vaa güii, ne̱ ase vaa neꞌen Yaꞌanj manj roꞌ, da̱nj ga̱a̱ que̱neꞌenj man cunuda̱nj ado̱nj.

1 Corintios 15:49

Ga̱a mán níꞌ rihaan chumii̱ nihánj me se ase vaa Adán síí guun yoꞌóó roꞌ, da̱nj vaa maꞌa̱n níꞌ, tza̱j ne̱ vaa güii, ne̱ ase vaa Cristó síí cavii rej xta̱ꞌ roꞌ, taꞌngaꞌ da̱nj ga̱a̱ níꞌ ado̱nj.

1 Corintios 2:9

Tza̱j ne̱ Danj Yaꞌanj taj a: A̱ ꞌó yuvii̱ ne queneꞌe̱n do̱ꞌ, a̱ ꞌó yuvii̱ ne cuno̱ do̱ꞌ, a̱ ꞌó yuvii̱ ne cavi̱i̱ nimán do̱ꞌ, se vaa quiꞌyaj Yaꞌanj cheꞌé níꞌ si̱j aráj cochro̱j rihaan Yaꞌanj a. Da̱nj taj Danj Yaꞌanj á.

2 Corintios 3:18

Ne̱ taj se aráán rihaan ta̱ranꞌ níꞌ maꞌ. ꞌO̱ se uun nucua̱j níꞌ neꞌen níꞌ man Síí ꞌNi̱j Raꞌa man níꞌ, se vaa niꞌndaj ya̱ veꞌé vaa soꞌ, ne̱ ase vaa soꞌ roꞌ, da̱nj ga̱a̱ uún maꞌa̱n níꞌ, cheꞌé se niꞌya̱j níꞌ man soꞌ ado̱nj. Dan me se do̱ꞌ do̱ꞌ naquiꞌyaj sa̱ꞌ Nimán Yaꞌanj Si̱j ꞌNi̱j Raꞌa man níꞌ nimán níꞌ, ne̱ dan me se ne̱ soꞌ nimán níꞌ, ne̱ ase vaa maꞌa̱n soꞌ roꞌ, da̱nj ga̱a̱ ta̱ranꞌ níꞌ uún ado̱nj.

2 Corintios 4:17

Cuano̱ ya̱j me se vaa do̱j sayuun ranꞌ núj, tza̱j ne̱ raꞌya̱nj cache̱n nu̱ꞌ sayuun yoꞌ, ne̱ cheꞌé sayuun roꞌ, cavi̱i̱ sa̱ꞌ uxrá núj nu̱ꞌ cavii nu̱ꞌ caꞌanj na̱nj á.

Gálatas 3:26

Cheꞌé se amán rá nij soj niꞌya̱j soj man Cristó Jesús roꞌ, cheꞌé dan taꞌníí Yaꞌanj me ta̱ranꞌ soj cuano̱ na̱nj ado̱nj.

Gálatas 4:6

Cuano̱ nihánj me se taꞌníí ya̱ Yaꞌanj me nij soj ado̱nj. Cheꞌé dan caꞌnéé Yaꞌanj man Nimán Taꞌníí soꞌ nimán níꞌ, ne̱ cheꞌé dan me taj níꞌ a: “Ata̱j Chij, Rej núj mé so̱ꞌ á”, taj níꞌ, aguáj níꞌ, ꞌyaj Nimán Taꞌníí soꞌ a.

Filipenses 3:21

ne̱ ni̱caj soꞌ man níꞌ, ne̱ nda̱ꞌ se ninaj uxrá nee̱ man níꞌ cuano̱, tza̱j ne̱ natuna̱ soꞌ man yoꞌ, ne̱ ase vaa nee̱ man soꞌ nee̱ niꞌndaj ya̱ sa̱ꞌ roꞌ, da̱nj ina̱nj ga̱a̱ nee̱ man níꞌ, quiꞌya̱j soꞌ ado̱nj. Dan me se cheꞌé se me soꞌ síí gu̱un nucua̱j quiꞌya̱j canaán rihaan cunuda̱nj rasu̱u̱n, ne̱ quiri̱i̱ taꞌngaꞌ soꞌ rihaan cunuda̱nj rasu̱u̱n roꞌ, cheꞌé dan neꞌen níꞌ se vaa gu̱un nucua̱j soꞌ natuna̱ soꞌ man nee̱ man níꞌ ado̱nj.

Colosenses 3:4

Ne̱ Cristó me síí ꞌyaj vaa iꞌna̱ꞌ nimán soj, ne̱ vaa güii caꞌna̱ꞌ uún soꞌ rihaan chumii̱ nihánj, ne̱ niꞌndaj ya̱ veꞌé ga̱a̱ curuvi̱ꞌ soj ga̱ soꞌ na̱nj ado̱nj.

Hebreos 9:28

Ne̱ dan me se cheꞌé se o̱rúnꞌ yu̱u̱n caviꞌ Cristó, ne̱ tinavij soꞌ cacunꞌ tumé queꞌe̱e̱ uxrá yuvii̱ roꞌ, vaa güii caꞌna̱ꞌ uún soꞌ rihaan chumii̱ nihánj ado̱nj. Tza̱j ne̱ né cheꞌe̱ rej cavi̱ꞌ uún soꞌ cheꞌé cacunꞌ tumé yuvii̱ me caꞌna̱ꞌ soꞌ maꞌ. ꞌO̱ se caꞌna̱ꞌ soꞌ, ne̱ níꞌ si̱j naꞌvi̱j ndoꞌo man soꞌ roꞌ, nani̱i̱ níꞌ ne̱ cavi̱i̱ sa̱ꞌ níꞌ rihaan Yaꞌanj, quiꞌya̱j soꞌ ado̱nj.

2 Pedro 1:4

Ne̱ cheꞌé dan cataꞌ tuꞌva soꞌ cheꞌé niꞌndaj ya̱ nij se lu̱j quiꞌya̱j ndoꞌo soꞌ ga̱ níꞌ, cheꞌé rej caꞌve̱e nani̱i̱ soj rihaan se chiꞌi̱i̱ nu̱u̱ nimán nij síí ma̱n rihaan chumii̱ nihánj, ne̱ ase vaa maꞌa̱n Yaꞌanj roꞌ, da̱nj ga̱a̱ soj a.

1 Juan 2:28

Dan me se ase vaa taꞌníj vaa nij soj rihanj, ne̱ me rá ꞌu̱nj se vaa ꞌo̱ canoco̱ꞌ xraan soj man Cristó, cheꞌé rej asa̱ꞌ caꞌnaꞌ uún soꞌ rihaan chumii̱ nihánj, ne̱ ga̱a̱ dínj nimán níꞌ, ne̱ se̱ guun naꞌa̱j níꞌ a̱ doj maꞌ.

1 Juan 2:7

Dan me se ꞌe̱e̱ raj man soj, tinu̱j, nocoj. Ne̱ nihánj me se cachro̱n ꞌu̱nj cheꞌé ꞌo̱ suun aꞌnéꞌ ꞌu̱nj rihaan soj cuno̱ soj chugua̱nj. Tza̱j ne̱ né su̱u̱n aꞌneꞌ naca̱ ꞌu̱nj rihaan soj me nana̱ nihánj maꞌ. Veé nana̱ cuno soj asi̱j guun cheꞌe̱ soj canocoꞌ soj man Cristó me nana̱ nihánj na̱nj ado̱nj.

1 Juan 3:1

Dan me se xca̱j soj cuentá se vaa cunuu ꞌe̱e̱ uxrá rá Rej níꞌ Yaꞌanj niꞌya̱j soꞌ man níꞌ, ne̱ nda̱a taꞌníí Yaꞌanj guun níꞌ, quiꞌyaj Yaꞌanj chugua̱nj. Cheꞌé dan ne neꞌen nij síí ma̱n rihaan chumii̱ nihánj da̱j si̱j me níꞌ maan chugua̱nj. ꞌO̱ se ne neꞌen nij soꞌ man maꞌa̱n Yaꞌanj uún a̱ maan ado̱nj.

1 Juan 3:10

Ne̱ nihánj me xca̱j níꞌ cuentá ni̱ꞌyaj níꞌ, ga̱a ne̱ cunu̱u ya̱a̱n níꞌ taꞌníí Yaꞌanj do̱ꞌ, taꞌníí Síí Chre̱e do̱ꞌ ado̱nj. Dan me se nij síí ne ꞌyaj se sa̱ꞌ roꞌ, né si̱j noco̱ꞌ man Yaꞌanj me nij soꞌ maꞌ. Dan me se né si̱j ꞌe̱e̱ rá man tinúú me nij soꞌ a̱ maan ado̱nj.

1 Juan 3:21

Tinu̱j, nocoj, sese nuviꞌ cacunꞌ tumé níꞌ rá níꞌ, ne̱ se̱ cuchuꞌviꞌ níꞌ caꞌmi̱i̱ níꞌ ga̱ Yaꞌanj maꞌ.

1 Juan 5:1

Cunuda̱nj nij síí amán rá se vaa me Jesús Síí Caꞌnéé Yaꞌanj Ti̱nanii man Yuvii̱ rihaan Sayuun roꞌ, a̱j caꞌngaa naca̱ nimán nij soꞌ quiꞌyaj Yaꞌanj chugua̱nj. Ne̱ cheꞌé dan nij síí aráj cochro̱j rihaan Yaꞌanj roꞌ, no̱ xcúún nij soꞌ ga̱a̱ ꞌe̱e̱ rá nij soꞌ man nij síí caꞌngaa naca̱ nimán na̱nj á.

Apocalipsis 2:28

Dan me se ase vaa uun chij ma̱ꞌanj quiꞌyaj Réj Yaꞌanj roꞌ, da̱nj ga̱a̱ gu̱un chij soꞌ, ne̱ rque̱ ꞌu̱nj yatiꞌ xtaꞌngaa uriha̱nj rej nichrunꞌ rá ranga̱ꞌ rihaan soꞌ ado̱nj.

Apocalipsis 22:4

Ne̱ riha̱a̱n ya̱ queneꞌe̱n nij soꞌ rihaan maꞌa̱n ya̱ Yaꞌanj, ne̱ quino̱ se‑chuvi̱i Yaꞌanj caan rihaan nij soꞌ,